التقرير المنتظر لسيارات سوزوكي 2015 المرتقبة

**vampire103** · 09-08-2014 05:33 PM

التقرير روعة يا باشا و ممتاز حاسسني اني فعلا زرت المعرض بس انا كان عندي استفسارين بخصوص الاس كروس هيا استهلاك بنزينها قد ايه و ارتفاعها عن الارض قد ايه و عفشتها ايه ظروفها خصوصا انها المفروض تخدم في ظروف شديدة شوية و الف شكر

**dr_samora** · 09-08-2014 11:14 PM

ا ايمن ممكن تقولنا ايه الالوان المتاحه وحضرتك اخترت لون ايه

**star mido** · 10-08-2014 12:20 AM

مجهود رائع

**D . a .\ AYMAN** · 10-08-2014 12:54 AM

المشاركة الأصلية كتبت بواسطة shiemaa

هو ممكن اركبلها بارك سينسور وكاميرا خلفية بعد كده ؟

وكام تقريبا

ممكن يركبلها جهاز الإنذار الأصلي بتاعها لأنها أصلا بتنزل برة بجهاز إنذار .. لكن الوكيل طلبها من غيره وبيركبه هنا بـ 500 جنيه تقريبا

وممكن كمان يركبلها حساسات خلفية للركن برضه بحوالي 500 جنيه

وليها مسند يد على الكونسول اللى في النص وكنت رايح عشان أشتريه فعلا لكن لاقيت سعره 2300 جنيه ... أيوة 2300 جنيه أحسن حد يفتكر إني كاتب الرقم غلط ولا حاجة

الكلام ده كله في التوكيل معرفش الكماليات اللى ممكن تركب برة بقى هاتلاقيها كتيرة ومتنوعه

المشاركة الأصلية كتبت بواسطة dr_samora

يا جماعه حد ممكن يفيدني عن افضل مكان للتقسيط و اقل فايده وهل التقسيط بيتعامل مع التوكيل ولا معارض بس وياريت افضل طرق التقسيط اللي تكون باقل فايده

بصراحة ما أعرفش

المشاركة الأصلية كتبت بواسطة vampire103

التقرير روعة يا باشا و ممتاز حاسسني اني فعلا زرت المعرض بس انا كان عندي استفسارين بخصوص الاس كروس هيا استهلاك بنزينها قد ايه و ارتفاعها عن الارض قد ايه و عفشتها ايه ظروفها خصوصا انها المفروض تخدم في ظروف شديدة شوية و الف شكر

كل اللى أعرفه عن الإس كروس كتبته ... للأسف استهلاك البنزين والكلام ده لازم حد يركبها ويجربها ويقول

ارتفاعها عن الأرض 17 سم

المفروض اللى معروضة فرش جلد ودفع رباعي وفتحة سقف ... لكن اللى هاتيجي فرش عادي ومافيش فتحة سقف ولا دفع رباعي ... جر أمامي عادي

**D . a .\ AYMAN** · 10-08-2014 12:57 AM

المشاركة الأصلية كتبت بواسطة dr_samora

ا ايمن ممكن تقولنا ايه الالوان المتاحه وحضرتك اخترت لون ايه

فيه منها أحمر وبرونزي وسيلفر وأزرق وأبيض كريمي بيقولوا عليه موكا تقريبا ... أنا كنت عايز البرونزي ... بس استلمت السيلفر لأسباب أخرى ... معرفش الأسود هاينزل ولا لأ

**Shiemaa** · 10-08-2014 11:50 AM

استاذ ايمن بعد اذنك كنت عايزه اعرف شنطة السويفت تشيل عجلتين علشان النادي ولا صغيرة متكفيش

**D . a .\ AYMAN** · 10-08-2014 12:24 PM

أعتقد ... والله أعلم... آخرها عجلة واحدة صغيرة

بس انا مش متأكد حتى عشان ما جربتش... هي عموما الشنطة صغيرة مش كبيرة

ودي النقطة اللي بتتميز فيها السانديرو مثلا عنها

بس في نقطة خدي بالك منها... حتى العربية الكبيرة شنطتها مش هاتشيل عجلتين مع بعض... انا معايا البيرسونا شنطتها بحر وبرضه ماعرفتش احط فيها عجلتين مع بعض وكذلك اللانسر البوما

العجل مالوش حل غير الحامل بتاع العجل اللي بيركب على الشنطة... وده اللي عملته في الآخر

**Shiemaa** · 10-08-2014 02:07 PM

استاذ ايمن انا لسه راجعه من التوكيل والعربية ما شاء الله تحفة حلوة اوي انا شوفت الرصاصي كان حلو اوي

وهي علي فكرة من جوة لو واحد بس اسود

بس كان لي ملاحظة ان الشنطة بتفتح مع الابواب كلها مع بعض سنتر عكس السيدان الشنطة منفصلة عن الابواب وطبعا اكبر

فمش عارفه هو موضوع الشنطة ده ملوش حل ؟ بيتهيالي كده مش امان اوي ولا ايه ؟

وسالته علي الكاميرا الخلفية قالي ممكن تركب بس لازم شاشة كمان

**Shiemaa** · 10-08-2014 02:11 PM

السانديرو كانت اختياري الاول وعاجباني جدا وبقالي شهور مستنياها تنزل اتوماتيك بس للاسف مش باين في امل علشان كده صرفت نظر عنها ولما شوفت تقرير حضرتك فكرت في السويفت

**dr_samora** · 10-08-2014 02:38 PM

المشاركة الأصلية كتبت بواسطة shiemaa

استاذ ايمن انا لسه راجعه من التوكيل والعربية ما شاء الله تحفة حلوة اوي انا شوفت الرصاصي كان حلو اوي

وهي علي فكرة من جوة لو واحد بس اسود

بس كان لي ملاحظة ان الشنطة بتفتح مع الابواب كلها مع بعض سنتر عكس السيدان الشنطة منفصلة عن الابواب وطبعا اكبر

فمش عارفه هو موضوع الشنطة ده ملوش حل ؟ بيتهيالي كده مش امان اوي ولا ايه ؟

وسالته علي الكاميرا الخلفية قالي ممكن تركب بس لازم شاشة كمان

ا شيماء انا كنت زيك بفكر في الرينو ستيب واي ومشكلتهها موضوع الاتوماتيك وكمان علي حسب مسمعت ان الميكانيكا بتاعتها صعبه والميكانيكيا مش بيفهمو فيها وحلها التوكيل

انا ميال للسويفت اكتر