التقرير المنتظر لسيارات سوزوكي 2015 المرتقبة

**HEba ElsheNawy** · 09-08-2014 12:11 AM

السلام عليكم
السويفت عربيه جامدة اوى وعاجبانى جدااا بس خايفة من موضوع انها 1200 سي سي وادائها والتكييف شغال فى حين ان عربيه زى البريليانس كروس اكبر حجما و 1500 سي سي ومتورها ميتسوبيشى وعامله نفس السعر تقريبا
اتوكل على الله واجيب اى عربية
وهل السويفت فيها
engine immobilizer anti theft system

**HEba ElsheNawy** · 09-08-2014 12:16 AM

D . a .\ AYMAN
لا تمام انا لقيت حضرتك كاتب ان فيها نظام ضد السرقه دة وانا اللى مخدتش بالى
يبقى نرجع لموضوع المقارنه بين البريليانس الكروس والسويفت وايه الافضليه اللى سويفت تكسب بيها الكروس بلييييز

**Shiemaa** · 09-08-2014 12:36 AM

بيتهيالي البريليانس صيني

لكن السويفت ياباني

**HEba ElsheNawy** · 09-08-2014 12:46 AM

ايوة البريليانس صينى بس نضيف جدا

**Eng.M_Mousa** · 09-08-2014 01:40 AM

تقرير اكثر من ممتاز وربنا يباركلك في عربيتك ويكفيك شرها

**D . a .\ AYMAN** · 09-08-2014 02:56 AM

... انا كنت هادخل أقول لحضرتك إن فيها إيموبيلايزر ضمن نظام خاص سوزوكي تطلق عليه نظام icats ... وهو نظام معقد شوية بيفصل حاجات معينة من الموتور بطريقة معينة ... ممكن تعملي عليه سيرش على جوجل لأن أنا أصلا مش فاكره بالتفصيل ومش فاهمه كويس قوي لأني ما ركزتش وأنا أقرأ تفاصيله ... المهم إنه في الآخر إيموبيلايزر بالنسبة لي :)

بس بالنسبة للبريليانس اللى حضرتك بتقولي عليها ... للأسف أنا حتى ما اعرفش شكلها إيه لأني مش متابع أي حاجة عن العربيات الصيني

وأفضل البعد عن العربيات الصيني في المرحلة الحالية ... لأن اللى بييجي مصر من الصين هي زبالة الصين فقط لا غير وما عندهمش إلتزام بأي معايير دولية معمول بيها ... اللى الوكيل المصري هاطلبه منهم عايعملوه بغض النظر عن أي حاجة أخرى في أي منتج مش العربيات فقط ... عشان كدة أي منتج صيني ببعد عنه سواء في منتجات البيت أو غيره ومش باجيب حاجة صيني غير وأنا مضطر لأن مافيش غيرها مثلا

السويفت عربية ياباني واللى بتيجي مصر منها بتتقفل في مصنع سوزوكي في الهند بإشراف كامل من سوزوكي اليابانية ... وكمان العربية موجودة في الأسواق العالمية بقالها اكثر من خمس سنوات ... عشان كدة في بعض الثقة فيها شوية عن غيرها

**D . a .\ AYMAN** · 09-08-2014 03:20 AM

كنت هانسى !!

ما تقلقيش من موضوع الـ 1200 سي سي ده ... لأن وزن العربية مناسب ليه جدا وعموما من تجربة قيادتها خلال اليومين دول أعتقد إنه كويس جدا كمان ... أنا لسة طبعا ما شدتش بيها بس من الإحساس كدة الواحد ساعات رجله بتدوس زيادة على البنزين من غير ما يحس وبلاقي الاستجابة كويسة جدا الحمد لله