التقرير المنتظر لسيارات سوزوكي 2015 المرتقبة

**D . a .\ AYMAN** · 25-07-2014 07:03 PM

المشاركة الأصلية كتبت بواسطة m!sho

هي حجم السويفت الهاتشباك اد البيكانتو ولا اكبر منها
والشنطه بتاعتها كام لتر ؟

بالنسبه لموضوع انها ١٢٠٠ سي سي على وزنها كويس جداً

اختي معاها البيكانتو القديمه ١١٠٠ سي سي ومجرمه في الجري والله

من ناحية الأبعاد الخارجية حسب اللى مكتوب في البروشور

السويفت أطول من البيكانتو بـ 25 سم
السويفت أعرض من البيكانتو بـ 10 سم
السويفت أعلى من البيكانتو (الإرتفاع الكلي للسقف) بـ 8 سم
السويفت قاعدة عجلاتها أكبر من البيكانتو بـ 4.5 سم
الإرتفاع عن الأرض (ground clearance) ... السويفت 17 سم ... البيكانتو 15.2 سم .. يعني السويفت أعلى من البيكانتو بـ 1.8 سم عن الأرض
البيكانتو الشنطة بتاعتها 200 لتر
السويفت الشنطة بتاعتها 511 لتر

.....

أنا لما قعدت في الإثنين من جوة ما حسيتش بفرق من ناحية الأبعاد قوي (يمكن عشان ماقعدش كثير في كل واحدة) ولكن حسيت إن قعدة السويفت مريحة أكتر من البيكانتو سواء من ورا أو قدام (إحساس جالي أول ما دخلت جوة السويفت) وفسرته بإن تنجيد الكراسي بتاعتها أفضل من البيكانتو (برغم إن البيكانتو اللى قعدت فيها كانت فرش جلد)

**bassemali** · 25-07-2014 07:03 PM

حجز خمس شهور !!!! دول كذابين .. ده تلاقيه بيحاول يلم حجوزات عشان يعرف يجيب شحنه كويسه .. ده البيكانتو والرينو اللوجان ماعملوهاش .. سوزوكي للاسف وكيلها فاشل وهو اللي مبوظ سمعة العربيات دي مع انها اعتماديه ممتازه .. حتى هنا ف السعوديه السوزوكي مبيعاتها سيئه بسبب ان قطع غيارها غاليه ومش متوفره مع ان الالتو والسويفت هنا مبيعاتهم كويسه .. لكن الوكيل ف مصر عمل حاجه كويسه انه جاب العربيه من الهند مش من اليابان وده هيخلي سعرها ارخص واسعار قطع غيارها كمان ارخص ..

**NaderNabil** · 25-07-2014 08:18 PM

معرض اباظة في التجمع حاطط البيكانتو و السويفت جنب بعض و اتفرجت عليهم امبارح

السويفت شكلها و حجمها اكبر بفرق ملحوظ جدا عن البيكانتو... تحسها ناضجة اكتر عن البيكانتو

تجهيزات و كماليات السويفت افضل بكتير من البيكانتو

كصفقة- السويفت تكسب بدون تفكير لحظة واحدة

**D . a .\ AYMAN** · 25-07-2014 09:02 PM

المشاركة الأصلية كتبت بواسطة nadernabil

معرض اباظة في التجمع حاطط البيكانتو و السويفت جنب بعض و اتفرجت عليهم امبارح

السويفت شكلها و حجمها اكبر بفرق ملحوظ جدا عن البيكانتو... تحسها ناضجة اكتر عن البيكانتو

تجهيزات و كماليات السويفت افضل بكتير من البيكانتو

كصفقة- السويفت تكسب بدون تفكير لحظة واحدة

ما سألتش عن سعرهم ياباشا والفئات المتوافرة

**NaderNabil** · 25-07-2014 09:49 PM

بصراحة مسألتش على الاسعار علشان كنت مستعجل و الدنيا كانت زحمة...
البيكانتو كانت الهايلاين (معرفش على ايه و هي فاضية و مافيهاش غير فتحة سقف) و اعتقد دي كانت سعرها ١٠٨

**star_2121** · 26-07-2014 03:42 AM

ياجماعه فى حاجه غريبة انا كلمت معرض الليثى قالى ان السويفت ب 111000 وعلى كونتاكت كار العربيات المستعملة هتلاقى ناس عارضة سويف 2015 عامله بس 10 كم وفى عامله 40 والسعر 110000 ؟؟؟؟؟؟؟؟ هو فى فرق كبير كده بين الوكيل والمعارض

**bassemali** · 26-07-2014 04:11 AM

المشاركة الأصلية كتبت بواسطة star_2121

ياجماعه فى حاجه غريبة انا كلمت معرض الليثى قالى ان السويفت ب 111000 وعلى كونتاكت كار العربيات المستعملة هتلاقى ناس عارضة سويف 2015 عامله بس 10 كم وفى عامله 40 والسعر 110000 ؟؟؟؟؟؟؟؟ هو فى فرق كبير كده بين الوكيل والمعارض

ده اسمه اوفر برايس ياباشا ... العربيه دي اكيد السيدان مش الهتشباك لان السيدان 107 الف وهما مزودينها 4 الاف كمان اوفر برايس ... سرقه يعني من الاخر .. اسال في كذا معرض وهتلاقيها باقل من كده بكتير .. ونصيحه اتقل شهرين تلاته وسيبها كده تقف شويه عند التجار عشان يتهدوا ... هما لاقوا ناس كتير بتسأل عليها فرفعوا السعر ...،سيبهم يهبطوا شويه.

**مصطفى ابوعمر** · 26-07-2014 05:42 AM

تقرير رائع ومفيد جدا شكرا للمشاركة

**D . a .\ AYMAN** · 26-07-2014 06:27 AM

المشاركة الأصلية كتبت بواسطة bassemali

ده اسمه اوفر برايس ياباشا ... العربيه دي اكيد السيدان مش الهتشباك لان السيدان 107 الف وهما مزودينها 4 الاف كمان اوفر برايس ... سرقه يعني من الاخر .. اسال في كذا معرض وهتلاقيها باقل من كده بكتير .. ونصيحه اتقل شهرين تلاته وسيبها كده تقف شويه عند التجار عشان يتهدوا ... هما لاقوا ناس كتير بتسأل عليها فرفعوا السعر ...،سيبهم يهبطوا شويه.

بصراحة رأيي إن الناس تحجز عند الوكيل وتستنى أفضل مدة الحجز ... ولا إنها تكسب اللى اسمهم تجار على الفاضي

يعني يبقوا واخدينها بسعر أقل من العميل العادي وعايزين يبيعوها أغلى من الوكيل بخمس ألاف جنيه غير ربحهم المعتاد ...

ده غير المعاملة الغير آدمية اللى بيعاملوا بيها العربيات اللى عندهم .. يعني أنا بصراحة كنت عند أباظة إنهاردة لاقيت السويفت السيدات فقط هي اللى معروضة والهاتش باك إتباعت ... من معاينتي للسيدان اللى عنده لاقيته مبهدلها آخر بهدلة الموكيت مليان طينة من رجلين الناس وهو مش حاطط دواسات ورق حتى عشان يحميه والعربية ولا كأنها ماشية فوق الألف كيلو من البهدلة ... وإيه ده واحد بياخد عربياته من الوكيل على ونش مش بسواقين

ربنا يحفظنا بقى من التانيين اللى بيبعتوا سواقين ياخدوا العربيات والله أعلم بيعملوا بيها في الطريق

**elpilot** · 26-07-2014 09:23 AM

المشاركة الأصلية كتبت بواسطة D . a .\ AYMAN

بصراحة رأيي إن الناس تحجز عند الوكيل وتستنى أفضل مدة الحجز ... ولا إنها تكسب اللى اسمهم تجار على الفاضي

يعني يبقوا واخدينها بسعر أقل من العميل العادي وعايزين يبيعوها أغلى من الوكيل بخمس ألاف جنيه غير ربحهم المعتاد ...

ده غير المعاملة الغير آدمية اللى بيعاملوا بيها العربيات اللى عندهم .. يعني أنا بصراحة كنت عند أباظة إنهاردة لاقيت السويفت السيدات فقط هي اللى معروضة والهاتش باك إتباعت ... من معاينتي للسيدان اللى عنده لاقيته مبهدلها آخر بهدلة الموكيت مليان طينة من رجلين الناس وهو مش حاطط دواسات ورق حتى عشان يحميه والعربية ولا كأنها ماشية فوق الألف كيلو من البهدلة ... وإيه ده واحد بياخد عربياته من الوكيل على ونش مش بسواقين

ربنا يحفظنا بقى من التانيين اللى بيبعتوا سواقين ياخدوا العربيات والله أعلم بيعملوا بيها في الطريق

فعلا عندك حق يا دكتور الليثي بيبعت فعلا سواقين يجيبوها من التوكيل والادهي من كده بيبعتهم كمان يوصلوها للفروع اللي في المحافظات يعني انا بعتهالي الزقازيق بسواق واستلمتها كان العداد عامل بتاع 100كيلو وواير عداد السرعه مفصول وحاجه اخر قرف بالاضافه الي انه لاوعني بتاع شهر عبال ما جاب الورق وعملت الرخصة اظاهر ان كل المعارض كده فعلا

الموضوع: التقرير المنتظر لسيارات سوزوكي 2015 المرتقبة

LinkBack

أدوات الموضوع

عرض

-

-

-

-

-

-

-

المواضيع المتشابهه

مقارنة تفصيلية مبين تويوتا كورولا 2015 و سكودا a7 2015

هوندا تخطط بجدية لسيارات 2015 من الان ..!!

تجربة قيادة النيو سيراتو - التقرير المنتظر

إرهاصات زيارة أوباما المرتقبة لمصر

الكلمات الدلالية لهذا الموضوع

المفضلات

المفضلات

ضوابط المشاركة