الموضوع: خبر يفرح لكل مستخدمى السيارات

المشاركة الأصلية كتبت بواسطة M_HaFeZ

اعتقد ان الافضل ليس تحويل الماء فى السياره نفسها الى هيدروجين او فك الماء ... الافضل هو استخدام خزانات من الهيدروجين نفسه جاهز

مهو الفكرة ان الهيدروجين لا يوجد بصورة منفصلة فى الطبيعة، السبيل الوحيد للحصول عليه هو فصله امن احد مركباته واسهلها الماء، وده يستلزم بذل قدر كبير جدا من الطاقة على اى مركب هنفصل منه الهيدروجين، يعنى مثلا نتخيل انى هعمل مصنع لانتاج الهيدروجين من الماء، المصنع ده علشان ينتج كمية هيدروجين تكفى لتشغيل 20 ألف سيارة قدرة كل منها 100 حصان هنحتاج اننا نوصله على محطة كهرباء السد العالى مباشرة ونوجه كل طاقتها للمصنع ده(أجريت عدة حسابات للوصول لهذة النتيجة يمكن ان ارسلها لمن يهتم)، فى حين ان لو قدرنا نعمل سيارات كهربائية تعمل ببطاريات يتم شحنها من مصدر كهربى فان الطاقة المنتجة من محطة السد العالى ستكفى لتشغيل 60 ألف سيارة لأن فواقد محرك الاحتراق الداخلى وفواقد مصنع الهيدروجين غير محسوبة هنا

اما بالنسبة لحلقة الدكتور مصطفى محمود- شفاه الله وعافاه- فانا كمان شفتها وفاكرها كما انى شفت محرك الهديروجين بعينى فى فرنسا من انتاج شركة بيجو، لكن سبب عدم انتشاره برغم ان بقاله سنوات عديدة جدا من ايام حلقة مصطفى محمود فى التمانينات هو انه (غير اقتصادى) وهو ده محور كلامنا كله، ان التشغيل بالهيدروجين-الذى يرى فيه غير المتخصصين حلما بتوفير طاقة مجانية- لم يطبق علميا بسبب انه(غييييييييييييييييييير اقتصادىىىىىىىىىىىىى) ، وبرغم توافر تكنولوجيا تصنيعه لشركات عديدة من شركات السيارات، يعن الموضوع لا سياسة ولا مؤمرات ولا يحزنون، لكن الموضوع مكلللللللللللف جدااااااااااااااااااااااا ا لأن تكلفة الكرهباء اللازمة لاستخراج الهيدروجين من المياه لا تزال مرعبة

المشاركة الأصلية كتبت بواسطة ruqi

آنتوا فرحانين ليه ؟؟ يا جماعة دا احنا آمة البترول !!
لو ماشوا عربياتهم باي حاجة تانية غيره ، قول علي امتنا السلام

هم مين دول اللى امة البترول يا عم، امة البترول هناك على الضفة الأخرى للبحر الأحمر، خدنا ايه من بترولهم علشان نتمحك فيه وللا فيهم ؟ مخدناش منه غير تطاولهم (الا من رحم ربى) علينا وقتالهم على شتى الاصعدة لمحو هويتنا وثقافتنا


احنا عندنا شوية بترول على القد بيكفوا عربياتنا بالعافية وخلاص، لكن لا احنا مصدرين بترول ولا راجعلنا منه حاجة ولا احنا علشان بنتكلم نفس لغة اهل البترول نبقى منهم

الطاقه المجانيه
هى طاقة الشمس والرياح بس ممكن ييجى من يحول بعض الطاقات المجانيه الى طاقه يمكن استخدامها فيما بعد
ولكن موضوع الميه ده أحلام جميله

شكرا يا أستاذ سبعاوى على التوضيح و أعتقد بعد كلام الأستاذ سبعاوى و الشرح المستفيض مفيش كلام يتقال بعد كده.
السيارة الهيدروجينية احدى بدائل السيارات الحالية بعد نفاذ البترول, ميزتها الوحيدة انها عملية الى حد ما لأن السيارة الكهربائية تحتاج الى وقت للشحن و قدرتها ضعيفة على تخزين الطاقة, لكن فى المقابل فان عيوبها هى احتياج الهيدروجين الى طاقة كبيرة لفصله كما قال الأستاذ سبعاوى, و لو افترضنا مثلا اننا هنحلل الهيدروجين بواسطة مفاعل نووى, و بعدين نشحن العربيات بهيدروجين (تخزين الهيدروجين له بعض الصعوبات و مشكلته انو ممكن ينفجر فى الحوادث) يبقى احنا كده خدنا طاقة نووية بطريقة غير مباشرة(لأنى مينفعش احط مفاعل نووى فى سيارة!) و لكن بكفاءة أقل كثيرا و بطريقة ملكفة جدا جدا ,لكن فى المقابل الميزة الوحيدة فى طاقة الهيدروجين انك ممكن تحول السيارات الحالية الى سيارات هيدروجينية عن طريق بعض التعديلات الطفيفة على المحرك, و دى الحاجة الوحيدة الى مخلية البعض بيفضل الهيدروجين عن السيارات الكهربائية مثلا, اننا هنقدر نحافظ على صناعة السيارات كما هى مع بعض التعديلات الطفيفة, لكن فقط بعد حل مشكلة تخزين الهيدروجين بطريقة عملية و كل ده بشرط انو عملية تحليل الهيدروجين لازم تتم عبر مصدر خارج السيارة ثم يتم شحن السيارة بالهيدروجين بعد ذلك.