الموضوع: كارثة النيو صني اسوا عربية في مصر

كمان معلش لازم ناخد بالنا اللي بيشكر في عربية بيقارنها باية ماهو كمان مانزلش من 128 واركب صني طبيعي هافتكر نفسي راكب لمبورجيني واقعد اقول لا دي عربية حلوة

المشاركة الأصلية كتبت بواسطة سامح سامي

انا دايما بستغرب من تعصب الناس لعربياتهم لدرجة اني الاقي تراشق بالالفاظ يا جماعة معظم العربيات لحد 200 الف فيها عيوب وغالبا كم العيوب وخطورتها معتمد علي سعر العربية للاسف وخةش معني ان عربيتك فيها عيوب يبقي انت اللي معيوب كلنا ركبنا عربيات وحصل لنا فيها مشاكل المهم اللي عندو عيب يقولو علشان يفيد غيرو وهو دة الغرض من المنتدي وانا اعز اصدقائي معاة صني والراجل قالي انا لو سافرت هسافر باليارس لان العربية موش امان وانا في رايي هو متخمش لان العربية قد تمنها انما توصل لعيوب قاتلة في الفرامل كدة يبقي عيب تقفيل وتصنيع وعيوب توكيل ولازم الناس تعترف بعيوب العربية علشان نضغط علي التوكيل يصلح اخطاؤة والل العربية موش هاتتباع عادي ويا جماعة محدش يجيب عربية ب120 الف وعاوزها زي ام 200 لانت ناصح اوي ولا اللي دفع 200 اهبل كلو بتمنو وانا معايا عربيتين وفرقة السعر بينهم 140 الف جنية تقريبا وكل واحدة فيهم ليها مميزات الرخيصة قطع غيارها رخيصة وصيانة تسهل واشغلها للبهدلة بس طبيعي فراملها موش زي الغالية ولا انعم منها ولا افخم كلو بتمنو يا جماعة وشرا العربيات مينتاليتي بالعقلية انا لقيت واحد راكب 128 وهو مليونير وواحد راكب عربية ب 180 الف جنية وبالقسط وموش عارف يدفعو كمان يعني من الاخر الواحد موش بعربيتو وماتحكمش علي حد من مظهرو ولا عربيتو
طولت عليكم عموما حمدلا علي سلامة الاخ بطوط (معلش هو دة الاسم الموجود)

باشا حضرتك مفيش حاجه اسمها كده انا عمي مستشار حصله قصه مشابهه بنسبة 70% بس كان في تيوتا كرولا 2004 ورفع قضيه على الشركه اخد تعويض يعادل 60000 مصري والكلام ده حصل في سنة 2006 .... وطبعا الكلام ده مكنش في مصر بس احنا طبعا حياة الناس عندنا هنا في مصر ملوش تمن بعني لو كان رفع قضية زي ديه هنا كانوا ضحكو عليه او افتكروه مجنون