الموضوع: كارثة النيو صني اسوا عربية في مصر

المشاركة الأصلية كتبت بواسطة saint2011

هههههههههههه أسوء عربية فى مصر = أعلى مبيعات فى مصر !!!!!!! مش غريبة شوية يا حضرات مع كامل أحترامى للجميع

حمد الله ع السلامة ياهندسة .. والنبى ماترد على حد .. هههههه .. كل موضوع تلاقى حد من اخوانا دول سيبهم يتكلموا عادى جدا

المشاركة الأصلية كتبت بواسطة eng f3lix

لفت نظري المشاركة دي ... ازاي 185 على التالت؟!! هيا العربية دي كام نقلة اصلاً؟

وغرزة عال 180 !!!

يا باشا اقرأ الكلام الهلامي عن الفرامل الحديد و انها فرامل اقوي من الشكل القديم الكوميديا انهم في الفيس بوك عاملين حمله عليها و يقولوا لا ننصح بشرائها و فراملها وحشه الحمد لله النت مش بينسي و كل اللي قالوه من سنه و؛ و شويه موجود و واضح اد ايه انهم للأسف مش متخصصين و لا حتي ثابتين علي ارائهم عموما محدش بيتعلم ببلاش

الناس بتزعل لما أصحاب العربية يقولوا ياريت اللي ينتقض العربية يكون ساقها، وأكبر دليل على صحة الكلام ده، مقولة ان الفرامل وحشة، والكلام ده بعيد جدا عن الواقع، وحوضح قصدي من الكلام ده. قصة تيل الفرامل اللي خامته السيئة وتأثيره على الطنابير مالهوش علاقة بقوة الفرامل، مش عارف ليه الناس بتخلط الموضوعين ببعض.
تاني مشكلة وهي ماستر الفرامل اللي كانت في الدفعات الأولى وأنا منهم: المشكلة كانت بتبان مع الفرامل على السرعات الهادية وهي طول مشوار الفرامل، ولازم تظغط على الفرامل بقوة علشان العربية تقف، وعلى عكس السرعات العالية لو كبست فرامل مرة واحدة العربية بتكلبش في الأرض، بس أعتقد الabs مكانش شغال، ومشكلة ماستر الفرامل دي ظهرت بعد عدة شهور من إستخدام العربية. المهم المشكلة دي إتحلت بتغيير ماستر الفرامل ﻷغلب الدفعات الأولى. ملخص الكلام العربية فراملها أكثر من ممتازة، بس نصيحة للي معاهم العربية الكاوتش مايقعدش أكتر من 40 ألف.

المشاركة الأصلية كتبت بواسطة adnfalcon

نوع الكاوتش ايه ؟

والله منا عارف، بس هو صناعة صيني، وعيبه إنه بيلم زلط.