الموضوع: كارثة النيو صني اسوا عربية في مصر

تلخيص كلام حضرتك .. كان معاك بيجو 301 وبعتها لظروف وبعد 3 او 4 شهور حجزت صني ومعاك حاليا جيتا موديل 86 !! وصاحبك قعد يضرب فرامل كيلو مثلا وكانت السرعة 80 والعربية ولا هنا ولا كمان في صوت احتكاك عجل !! ده كده الفرامل مش ضعيفة بس دي بلا فرامل يعني هما في نيسان كانوا حاطين لنا فل او فوم مكان الفرامل .. وبعد الحادثة خرجتوا لصاحب البيمر انت وصاحبك وبعدها توالت انفجارات الايرباجز واحد ورا التاني .. واصلا الحادثة كانت مش كبيرة وده كلامك !! ووقتها صاحبك بعد ماطلع يتطمن على الراجل التاني انهار وحضرتك فوقته !! وراح التوكيل ضرب كبير المهندسين بالروسية وجاب دم ومعملكمش حاجه - كبير المهندسين او المدير - عشان صاحبك ابوه مستشار !!! ومنها على الحرفيين اللي قالولكوا دي انتو ماتعرفوش دي صني البلد كلها بتعمل كده !!! عربية زبالة فعلا .. حاجة غريبة مع ان العربية معانا وبنضرب فرامل بنسمع صوت وبتقف .. يلا هيا النيسان كده زي البطيخه .. مبتدئين بقى

انا شايف ان كل واحد حصل معاه مشكله زى دى مايسيبش حقه ابدا وحتى لو كانت مشكله بسيطه زى الفرامل او نوعيه التيل

ليه مايتمش عمل شكوى جماعيه لكل المتضررين فى حمايه المستهلك معا وشكوى بنيسان مصر ونيسان الام هكذا تحل المشاكل بدلا من الكتابه على المنتديان وكلمه هنا وكلمه هناك بدون نتيجه

لازم الكل يكون ايجابى بالفعل لا الكلام

المشاركة الأصلية كتبت بواسطة د.عماد صلاح

الغريب بقي ان لما حد يشتكي من العربيه دي ...تلاقي الناس داخله بتقول لا ..لا ..لا ...فين الصور احنا عايزين نشوف الصور...و لما صاحبها ينزل ضورزي مواضيع كتر هنا منهم الزميل اللي وش عربيته متبهدل والايرباج مفتحش ..الناس تقعد تحط احتمالات هلاميه و لو اعيتها الحيل يقولو عيب فردي ....انا والله علي ما اقول شهيد لسه زميل لي حاكي لي حادثه عملها بالعربيه دي علي االدائري و هو مش فاهم ايه اللي حصل لان العربيه عومت والايرباج فتح و بعد كده خبطت في الاسمنت اللي في النص و باعها بحالتها ب 60 الف ...اللي عربيته كويسه يحمد الله و لا يقلل من بلوه زمايله في عربياتهم

ويعني وجود الصور دليل ايه بعد اذن حضرتك ..؟ يعني هيا الحادثة متصورة فيديو مثلا وخبراء حللوا الموضوع ووصلوا لعيب في العربية ؟ طب ياسيدي ماكل العربيات بتعمل حوادث . يوميا في حوادث لكل الماركات في العالم . طب اشمعنى الصني هيا اللي فراملها سايبة مع اللي عمل الحادثة ؟ طب ليه مش شايبة معانا كلنا ؟ انا مش بقلل او بكذب انا بقول شيء منطقي لما حد يقولك ماشي 80 وضرب فرامل من مسافة طويلة والعربية حتى ماعملتش اي حاجة ولا خففت سرعتها وخبط يبقى ايه الكلام ده يعني ياراجل ده لو راكب توكتوك حيقف !! الكلام لازم يكون منطقي وبعدين انا بشوف في الشارع الناس اللي بتعمل حوادث محدش شايف نفسه غلطان من اساسه .. يبقى اتنين راشقين في بعض واكيد واحد غلطان ومفيش حد شايف نفسه مخطيء !! كله شايف ان العربية فيها مشكلة .. طيب ليه معانا كويسة ؟ سؤال بسيط ؟ وهل كل واحد عمل حادثة نقول ان العيب من العربية وانها معيوبة ونعمم ؟ الموضوع مستفز للملاك جدا خصوصا اللي تجربته بتكذب الكلام ده . ده لو قلبت الصني وواحد كان طاير بيها وكان غلطان حيقولك ايه فايدة الabs ولا ebd ? الواضح ان المنتدى تحول من مكان للافادة ونقل التجارب بموضوعية في اطار علمي لساحة كل يدلو بدلوه ؟ وبعدين حضرتك ليه الناس بتزعل لما نرد ؟ يعني هو المفروض اسمع حاجات غريبة وماردش ؟ قسم نيسان تحول لمرتع من كل الاقسام كل واحد مش لاقي حاجه يعملها يطلع يقول كلمتين وهو ممكن يكون مش مطلع رخصة وعمره ماركب صني اساسا .. شكرا