الموضوع: تجربة Bizol Green Oil 5w40 SN متجدد كل 500 كيلو

المشاركة الأصلية كتبت بواسطة Dr_Smart

الصراحه الموضوع بقى محير .. انا جربت الmobil 1 esp formula 5w30 ومانبهرتش .. هو كان احسن بشكل بسيط في استهلاك البنزين .. لكن الصوت والسحب والدواره الصبح مافرقتش .. بالعكس الصوت بقى اهدا دلوقتي مع ال5w40

بص يا ريس علشان ما تحيرش نفسك . موضوع اللزوجات ده راجع لكل عربيه و على حسب خلوصات البساتم . خلينا واحده واحده من الناحيه الفنيه و العلميه .

اولا انسي نسبيا موضوع الصيف و الشتا ده . مهما كان الجو فى مصر معتدل نسبيا لا احنا الخليج 9 شهور نار و ﻻ اوروبا 9 شهور تلج .

هو صوت الموتور بيعلى ليه ؟؟؟؟ دى كلمه بنقولها و مش واخدين بالنا من تفاصيلها .

علو صوت الموتور بيحصل نتيجة احتكاك زياده بين اجزاء الموتور . ده معناه انه التزييت بتاع الزيت ده ضعيف او مش قايم بدوره صح ايا كان الاسم او البراند .بتاع الزيت .

يبقا على طول دماغك تروح على درجة اللزوجه بغض النظر عن الاسم او الشركه . لو اللزوجه 5w40 اديتلك صوت موتور منخفض يبقا تعرف انه موتورك خلوصات البساتم عندك واسعه نسبيا و محتاجه زيت لزوجه عاليه و الزيت عمل عملية التزييت صح و قلل الاحتكاك . لو صوت الموتور مع اللزوجه انخفض مع اللزوجه 5w30 يبقا خلوصات البساتم عندك ضيقه و محتاجه زيت لزوجته منخفضه علشان يقدر يدخل فى الاماكن الضيقه فى الموتور و يقلل الاحتكاك بين الاجزاء و بالتالى صوت الموتور ينخفض زى ما حصل معايا و مع الاستاذ shohdy و ده فى معظم الحديث و ممكن مع الوقت و استخدام العربيه و كم اعلى صوت الموتور يعلى مع اللزوجه دى لان الخلوصات بتزيد طبيعى مع الاستعمال و عمر العربيه و نحط زيت لزوجه اعلى .

طيب ليه بيقول لك انه العربيه مع الزبت اللى لزوجتها منخفضه احسن فى استهلاك البنزين ؟

لانه مقاومة المكنه فى التشغيل للزوجه الاعلى بتزيد و بالتالى زيادة مجهود يؤدى لزيادة استهلاك البنزين . بس ده مش مهم . المهم يكون صوت المكنه واطى لانه ده معناه انه الاحتكاك بين الاجزاء اقل و بالتالى العمر الافتراضى اعلى .

الملخص . استخدم اللزوجه اللى بتخفض صوت المكنه ده اول امر و بعدين دور على باقى المميزات

تحياتى

المشاركة الأصلية كتبت بواسطة mido_soliman

طب دلوقتى علشان مدورش الضرب فيكوا وخصوصا انت يا شهدى :)
كورولا 2008 عربيتى عامله 100 الف كانت بتحط موبيل من الزيرو ف التوكيل الله يسامحهم رغم ان الكتالوج موصى ب 5-30 وقلتلهم الكلام دة اكتر من مره وقالولى علشان الحر والكلام دة كله وبتاع ومقتنعتش غير لما غيرت لبيزول الاخضر بالظبط على كلامك وفعلا حسيت بتحسن كبيــــــــــــــــــــــ ــــــــر ف الدواره ومشى العربيه خصوصا انى ماشى كيلوات كتير ومش زيرو يعنى بس حاله الموتور تمام ان شاء الله لانى بنزل كدة كدة الزيت بدرى
لحد دلوقتى مقتنع ببيزول وممتاز بالنسبه لموبيل اللى كان معلى صوت العربيه الصبح وكمان بيخليها تنعر بعد مشوار حلو ف الحر والشمس كنت بحس كانه حالل من بعضه !!!
السؤال اخلينى على اللزوجه 40 ولا انزل ل 30 زى ما الكتالوج قايل التغييره الجايه وعلينا خير !!!!

لا خلاص خليك على لزوجه 5w40 ما تنزلش علشان ما يحصلش نتائج عكسيه . موتورك اخد على اللزوجه دى و الخلوصات اتظبطت عليه

المشاركة الأصلية كتبت بواسطة ashouhdy

استهلاك البنزين ب 5w30 نزل الي


بعد ما كان 16.7 بزيت 5w40


طبعا جوة البلد بالتكييف ليل نهار اول تاني

يعنى تقصد استهلاك البنزين اقل دلوقتى , مش كده ؟ لانه الكميوتر عندى عكسك بيحسب لى كام كيلومتر فى اللتر . انا زاد عندى من 14.5 كم /لتر الى 19.5 كم/لتر بس من غير التكييف , بالتكييف من 10كم/لتر الى 13كم/لتر

المشاركة الأصلية كتبت بواسطة tareq mm

بعد اذن السادة الخبراءو المجربين ... عربيتى فيرنا 2013 ماشية 30 الف و للأسف غبور افندى خلانا نحط شل اصفر 15w50 زيت معدنى زى الفل .. و كل ما نقول عايزين زيت شل الترا تخليقى يقول هتخروجوا من الضمان ..... الكتالوج موصى ب 5w30 و 5w40 ..... هل ينفع انى اغير ل 5w30 و هل هوه ينفع فى الجو الحار بتاعنا و الجرى لأن انا ساكن فى الشروق و معظم المشى بسرعات عالية ... و الا 5w40 احسن و هيفرق معايا فى الاداء ؟؟ و هل التغيير من معدنى لتخليقى هيعمل مشاكل ؟؟ و تقبلوا تحياتى

اتكل على الله و غير 5w40 تخليقى . ما فيش مشاكل . بلاش 5w30 . كان من الاول طبعا .

غبور بيستهبل علشان يحط اللزوجه العاليه دى فى عربيه زيرو و كورى كمان . الكورى دايما بيفضل له اللزوجه الخفيفه . تلاقيه متعاقد على كميه و عايز يحركها من شل