الموضوع: تجربة الـMoS2 فـ الجيربوكس!! + تجربة زيت Bizol GL5 للفتيس المانيوال

السلام عليكم،

من فترة قريبة غيرت طقم دبرياج فـ البرافو T-JET Dualogic فـ التوكيل! العربية عاملة 80 ألف كم،
(طبعا الجيربوكس مانيوال M32 أو C615، و mechatronic دبرياج وshift-actautor كهرباء)!

وكنت بشتكى من نتشة فـ النقلات بين 1st و 2nd (معروفة فـ الفيات Selespeed والفولكس الـDSG)؟!!

بس كانت زايدة عن الطبيعى -مش مجرد lag/delay بين النقلات!! لأ دا حتى فـ الـdownshift والكيككات فيه juddering/jerking فـ الفتيس!
طبعا أعراض ديسك وإسطوانة بس فـ بدايتها أو عدت سيكا.. وأنا بردو -الحمد لله- بعرف أتعامل مع الفتيسات دى كويس.

وبكده: غيرت الطقم Luk ألمانى (ricambi-originali بتاع العربية من عند الكيلانى) - أوماترا محاولوش معايا أصلا (اللى هو مابنركبش قطع من برا وكده)؟!! تييييييييييييييت وشششش! ههههههههه
+ خصم اللى الكيلانى بيعملهولى -- والتوكيل ماأخدش مصنعيات! الحمد لله وفرت حوالى 40% من التكلفة المعتادة!!
(أنا كمان غيرت High-Pressure Solenoid ماستر علوى للدبرياج -عشان كان مسجل error والحساس اللى علية قراياته مش مضبوطة)!

المهم: معرفش أيه اللى قاللى حط الـMolybdenum Disulfide ده فـ الجيربوكس - بعد أسبوعين من تركيب الديسك والإسطوانة!



بيقولك: Additive for gears
http://www.liqui-moly.de/liquimoly/p.........&land=GB

المفروض انه بيقلل الإحتكاك والحرارة نتيجة الـfriction بين التروس! ده نظريا (وعمليا إلى حد ما)؟!!

قولت لمينا صبرى (power-zone) موزع ليكوى:: أيــــــه؟؟ قاللى متجرب. وأنا بثق فـ كلامه بصراحة!!
- وكمان لقيته recommended فـ فتيسات البورشه والبيمر المانيوال!!

حطيته الـMoly ده يامعلم: العربية تمام - الفتيس أنعم (فـ الأول بس ) وصوت الـwhining بتاع الـdrivetrain قل أوى.. بس لمدة يومين-3؟!!

بعد كام يوم>> لقيت الشيفتات بقت أصعب؟؟!!! والنتشة بقت مش بس أول-ثانى؟؟؟!!!!!!
دا لحد الغيار الرابع والخامس والسادس:: بقى فيه clunking-sound واضح أوى فـ النقلات؟!!

طبعا: سألت كذا expert و MotorHead: محدش أفادنى فـ حاجة! عملت search مكثف عـ الحته دى.. وكانت النتيجة:

- ان الـMoS2 ده (أو الـMolybdenum عموما) بيعمل lubrication جامد جدا -لدرجة الزحلقة! يعنى slip!
بس الكلام ده ينفع فـ الـDifferential (الكارونة) ومش أى كارونة كمان: الـSelf-locking أو LSD ماينفعش؟!!
وكذلك فـ الفتيسات المانيوال اللى مش Synchronized؟!! ينفع ok

لكن الفتيسات اللى فيها Synchromesh أو cone-synchronizers:: فكرة عملها أساسا:
ان الزيت بتاع الجيربوكس نفسه- يبقى فيه friction-modifiers تخلى الـsynchro يقوم بوظيفته؟!!
- وهى تضبيط سرعة الـdrive-shaft مع الـinput-shaft عشان مايحصلش نتشة والتروس تعشق بسهولة (زى الـdouble de-clutching أو الـrev-match)

للأسف: الـMoly بيعمل تزييت جاف (slippery) لدرجة انه بيعطل عمل الـsynchro..؟؟!!! مع ان الـcones دى نفسها ممكن تبقى عليها Moly-coat عشان يطول عمرها!

بعيدا بقى عن كل الكلام المعقد ده:
- الجيربوكس بقى يطلع سخونة عليا لما أحرق عـ العربية وأنقل شيفتات سريعة؟!!
قولت لأ بقى: كده لااااااااااااااازم أغير زيت الفتيس -وأنزل الهباب ده؟!! (واتمنى انه يكون نزل من أول مرة)!

>> فرصة أجيب زيت فتيس fully-synthetic بدل الموبيل الزفت اللى بيحطه التوكيل!
المفروض الموصى به من فيات-ألفاروميو: هو 75w-85 semi-synthetic.. بس الـ75w-90 تخليقى بالكامل عمل تغير غير-متوقع فـ الأداء!
(according لـ FiatForum وألفا Alfaowner والـClub-AlfaRomeo و Bravo.info الألمانى)!

طبعا الإختيارات كانت محدودة: LiquiMoly Racing 75/90 أو Castrol Syntrans 75/90 ولو مفيش:: يبقى Valvoline SynPower 75/90
(مانا مش هحط موبيل gearlube ولا شيل spirax أكيييييييييييييييييد)!

مدينة نصر: مفيش!
شارع دمشق كله- مفيش؟! حتى عند سامى فخرى ولا عند وكيل valvoline
لقيت وكيل فالفولين عنده دلوقتى Wolf البلجيكى.. قاللى شوف زيت الفتيس المانيوال أهو: لقيته mineral-based و semi-synthetic؟!! طبعا
رجعت لرؤوف -سامى فخرى- بعد ماكان قلبلى الدنيا أول مرة، فـ الستوك والمخزن.. وحتى عـ الـsite بتاع ليكوى -- وكمان راجع البضاعة اللى جاية فـ الميناء!

فـ الآخر قاللى معلومة (مش أول مرة أسمعها): Bizol؟؟!!! الزيت الأخضر الألمانى!
فاكرين الموضوع ده:
http://www.nilemotors.net/Nile/347091-a.html

قالك: اللى بيعمل LiquiMoly و Bizol.. هو شركة واحدة، بس different Trade-Name؟؟!! اللى هى Bita GmbH - ممكن يكون كلام تجار؟!!
(وكمان قاللى ان الليكوى مولى High-Tech مش هينزل تانى! ولأن كل الجديد بقى مواصفة SN:: بقى مفيش غير Top-Tec 4100 ودرجة كمان)!!

وجابلى الجركن 1 لتر: الصراحة شكله محترم أوى - وكمان Fully-Synthetic GL5 ودرجة اللزوجة اللى أنا عاوزها 75w-90
و made-in-germany مكتوبة بارزة عـ الجركن نفسه مش الـlabel



الفتيس عندى بياخد 1.9 لتر service-fill (و 2.3-2.4 لو dry-fill أو New gearbox)!
جبت عبوتين:

وروحت أغيرهم عند محل مشهور فـ الحى-العاشر: طبعا كالعادة - طلع عين الصنايعى لحد ما عرف يفك الطبه بتاع الـfill/top-up (وكذلك الـdrain)!
(+ غيرت زيت الموتور Wolf Vitaltech C3 5w-40 بردو Fully-Synthetic) وهعمل بيه موضوع منفصل -عشان دى أول تجربة للـWolf فـ المنتدى!

المهم: نرجع للفتيس:: لقيت الزيت نازل شكله رمادى؟!! ولولا ان أنا عارف اللى عملته: كان زمانى shoot-myself

بالضبط زى كده:


وريحة الـsulfide أيه؟!! تييييييييييييييييييييييت!

طبعا النتيجة بعد التغيير لزيت Bizol 75/90 جير-أويل: فرق رهييييييييييييييييييييب!!! impressive من أول شيفت 1st-2nd ياجدعان!!
أيه اللى أنا كنت عملته فـ نفسى ده! lol
>>> حتى مع السواقة الحرق والشيفتات الـaggressive على rpm توصل 5500-6000 rpm.. الفتيس still shifts smooth؟!!
بصراحة: وبعد التجربة دى - الـrecommendations:

1- أوعى تحط MoS2 أو MolySlip أو أى حاجة فيها Moly (أو أى إضافات لزيت الفتيس المانيوال -خصوصا اللى synchro بيبقى cone)..
فقط High-Quality Gear oil بلزوجة مناسبة!
(الـMoly يتحط فـ الموتور مع الـBoron Nitride زى السيراتيك OK لكن فتيس لأ)! ممكن يتحط فـ الكارونة العادية مش الـlock بردو.

2- التجربة المبدئية لزيوت Bizol الألمانية بتقول انها محترمة! (كمان واحد صاحبى حطه فـ باسات TSI والتانى فـBM مسقط مكنة 328 وبيشكروا فيه أوى)!!

حاجة أخيرة:
- الناس بيستغربوا جدا لما يعرفوا ان لون الزيت (بتاع الموتور) الـBizol أخضر؟؟!!!
أنا بس عايز أقول::
ان أفضل زيوت فـ العالم -مابتعتبش عندنا أصلا (اللى هى True Fully-Synth و group IV و V الـbase-Stocks والـEsters)!!
زى Amosil و Motul و Red-line و Torco و Selenia-Petronas و Royal-purple (الأخير ده لونه بنفسجى)!

>> الحقيقة: أنا مبسوط جدا إن بدأ ينزل عندنا زيوت ألمانية وأوروبية نظيفة -- بدل الـsh*t الموبيل والشيل والتوتال اللى كان مفيش غيرهم؟!!
أيوه بقـــــــــــــــــــــى!!
THX for Read