الموضوع: L3 رائعة byd الجديدة كل شئ عنها بالتفاصيل والفيديو والصور

المشاركة الأصلية كتبت بواسطة abojessy

لايوجد مكان للمفتاح العادي فى أى مكان بالسيارة بما فيها الشنطة الا فى مكان واحد للطوارئ فى باب السائق
وعلية فأن زرار engin start
هو الذى يستخدم لتشغيل السيارة علما بأنة هو النظام الأحدث الذى أعتمدته الكثير من الشركات فى سياراتها
وبعضها تعتبره أوبشن تدفع عليه فرق ثمن

طبعا مشكور على التوضيح بس معنى كده ان ابواب السيارة مؤمنة جدا ضد السرقة لان الحرامى اللى هيقدر يفتح باب السيارة فهى حلال عليه

المشاركة الأصلية كتبت بواسطة هانى ظرف منصور

سؤال صغير ما مستوى الخامات المستخدمه فى تابلوه السيارة وفى فرش مقاعد السيارة ....بالاضافه الى مستوى تقفيل السيارة وجودة الدهان؟ فى انتظار اجابه من الاستاذ الفاضل ابو جاسمين وعيد سعيد على الجميع

زميلنا العزيز الأستاذ هانى ظرف منصور
وجه سؤال جميل كان لابد من سؤاله
وأقول لأخى الفاضل أن السيارة تعطيك أنطباع جيد جدا بمجرد دخولها وتحس أنهم قاموا فيها بمجهود حقيقى لتخرج فى أفضل صورة ممكنه
هذا عن ما شاهدته من نظرة سريعه على السيارة بمعرض الشركة
وقد أبديت الرأى من قبل فى مستوى الدهان وتقفيل السيارة

المشاركة الأصلية كتبت بواسطة abojessy

الصديق العزيز أ / باسم قدم لنا مشكورا مجموعة جميلة من صور النسخة المصرية من السيارة l3

وهى فرصة طيبة جدا لنقارن بينها وبين الصور التى رفعتها فى هذا الموضوع للسيارة الأصلية

والمقارنة تثبت ان الفروق بسيطة جدا ولا تذكر

ولابد ان اقر بأنى عندما عاينت السيارة بمعرض التوكيل سألت أكثر من مرة أذا كانت السيارة هى المصرى أو المستوردة ؟

فأكد لى انها تجميع مصر

( لأن جودتها جعلتنى أظن أنها مستوردة . خصوصا وأنا أقارنها بسيارتى )

فأندهشت جدا لأن السيارة تقفيلها وخصوصا دهانها مختلفان تماما عن سيارتى f3 التى اشتريتها من اربع سنوات

ويبدوا ان مصنع شركة الأمل قد تطور كثيرا خلال تلك السنوات

كما يبدوا ان خط الدهان الجديد ( ألبو ) أحدث فرق هائل فى جودة دهان السيارة

صورة للسيارة المجمعه فى مصر صورتها بنفسى بكاميرا الموبيل فى معرض شركة الأمل

على العموم فأن سيارة جميلة بهذه الأمكانيات وبكل مافيها من كماليات لا تحصى وبتقفيل جيد ودهان ممتاز وبهذا السعر
ستضع جميع منافسيها فى ورطة
لأنها كشفت لجميع الناس أن السيارة الصينية الجيدة جدا والتامة الكماليات فعلا + فتحة سقف + فيتيس أوتوماتيك 6 نقلات
يمكن بيعها تحت حاجز 100000 جنيه
بالضبط 97000 جنية
والمانيول هى نفسها تماما دون نقص أى شئ عن الأوتوماتيك بما فيها فتحة السقف 88000 جنية
ولا أظن أن الشركة تبيعها لله والوطن ولا تكسب فيها
فهل تراعى باقى التوكيلات الله فينا وتعطى سعر عادل لسياراتها ؟

المشاركة الأصلية كتبت بواسطة eltenin

اسمحوا لى ارد على الاخ الفاضل

احب اطمنك ان اللى انت متخيله مش مظبوط

بمعنى انك فاكر ان لو حد عرف يدخل جوه العربية وداس على زرار التشغيل حاتشتغل

وده خطأ

السيارة عمرها ما تشتغل الا لو كان مفتاح البصمة قريب منها ( اظن فى حدود 5 متر )

مفتاح البصمه اللى هو عبارة عن ميدالية المفروض تبقى معاك فى ميدالية مفاتيحك او تخليه فى جيبك

وبمجرد ما انت بتقرب من السيارة جهاز الاستشعار فيها بيلقط اشارة الكارت اللى معاك وعلى اساسه بتستجيب لاوامرك زى فتح الباب او الشنطة او انك تدورها

ارجو اكون وضحت لك تكنولوجيا البصمة بشكل مبسط واعتذر عن الاطالة

100 %

المشاركة الأصلية كتبت بواسطة bassem.naguib

بالظبط كدة .. وللمزيد من التوضيح .. أي عربية فيها ستارت انجن لازم يكون فيها نظام "الإيموبليزر" .. وهو ببساطة بيطابق ما بين الشفرة الموجودة في الكارت وما بين كمبيوتر العربية .. ولو تطابقت الشفرة تقدر تفتح العربية وتدورها ..

اه الحرامي ممكن يكسر الباب ويفتحها .. بس استحالة حيقدر يدورها ويمشي بالعربية حتى لو عمل أيه .. اللهم إلا لو سحب العربية أو رفعها على ونش .

نستنتج من كدة أن أي عربية فيها ستارت انجن يبقى ضمنياً فيها نظام ايموبليزر .

110 %

ملحوظة

فيه 10 % زيادة علشان رسالة التهنئه بالعيد
شكرا أستاذ باسم وكل عام وأنتم بخير

مفتاح البصمة المشفر للسيارة
BYD - L3