زميلي العزيز د.ابراهيم ....احكي لك حكايه ...قبل الاوبترا كان معي افيو ....ولو تدخل علي موقع شيفورليه في المنتدي تعرف يعني ايه افيو ...معظم الملاك بيشتكوا ..من العفشه الفرامل الثبات التكييف ،...كثير بيتكلموا عن تجربه زملائهم اللي اتقلب بالعربيه اللي جابت وش سلندر اللي العربيه مسكها بارومه ...لكن بصراحه العربيه كانت مريحاني و عيبها الوحيد عندي ان ثباتها ضايع بعد 100كيلو ...ورغم كل الانتقادات ..عادي جدا و قلت راي ان علي قد احتيجاتي الان مبسوط بيها و بعتها بعد 4 سنوات الا شهور قليله و مشفتش منها غير مشكله واحده في حساس الكامه و صلحته ب 250 جنيه
الان لو حد سالني عنها بقول عيوبها بوضوح و مميزاتها بوضوح اكتر و كمان بقول ان سعرها بقي مبالغ فيه
...زميلي العزيز ...والله ليس غرضنا ان نقرفكم في العربيه ..او نوقف سوقها و كمان ليس لنا انتمائات الي اي شركه سيارات ..فانا مثلا مدرس امراض نساء و توليد في القصر العيني ...كل ما نقوم به هو نقل تجربتنا او تجربه اصدقائنا في مجالات العمل او الحياه الي من يطلب المشوره
لكن و للامانه فان كثير من الملاك هنا لايتقبلون ذلك و يظنون انه بالنقد لنا او الاتهامات او التقليل من شأننا او من راينا سوف نصمت و ده مش هيحصل و سنقول مانعرفه بكل وضوح و كل امانه والله علي مانقول شهيد
المفضلات