الموضوع: الزن على الودان اقوى من السحر

انا واحد من اللي ب يهاجموا العربية
تحب تسمع وجهه نظر علشان الكل يستفيد
أولا لما الهجوم يجي من مالك للعربية لازم يحترم لاني مش بقولك أصل جربت عربية واحد ولا سمعت من واحد
الهجوم مش عرضه التشويه لا ده علشان اللي لسه هشتريها يبقي عارف مميزات وعيوب
مفيش عربية ملهاش عيوب وكل واحد باختيار ما يناسبه
انا لما فكرة اشتري العربيه كنت عارف ان فيها عيب فرامل بس عارف انها زيرو وضمان وتحت اسم نيسان واكيد مكنتش عاوز ارمي 125 الف
وكنت متقبل العيب ولحد هنا الموضوع ماشي
أما تلاقي الشركة غير مهتمة تماما بالعميل وان الشكاوي بتجري انت وراها وتتصل 20 مره علشان حد يعبر ك ومبيحصلش تبقي شركة زبالهههههههههه
ولما تتكشف أن نيسان مصر ملهاش ولا مركز خدمه تابع ليها مباشره وأنها مراكز خدمة معتمدة لازم ترجع للشركة وحليني
لما مراكز الخدمة الاتحاد الوطني يكون أداءها أقل من ورش ميكانيكية يبقي ايه
لما عربيه لسه زيرو وتروح التوكيل 5 مرات علشان نفس المشكلة اللي هي الفرامل يبقي ايه
من الاخر العربيه ثباتها وحش ومش بتاعت جري واللي يقولك والله جبت بيها 160 قوله جربت تتحط في موقف طارئ محتاج ثبات علي 100 كم حتي انا جربت وأقولك ضايعة
نقطه كمان مدي رضاء الواحد عن العربية معتمد هو كان راكب ايه يعني اللي كان راكب أوروبي حتي لو اوبل 2002 أو رينو 2006 أو 406 أو 307 هيبقي كأره نفسه

العربية كان ممكن تكون اختيار ممتاز كسارة مدينة بس محتاجة دعم من الوكيل وده مش موجود ومحتاجه تعديل في بعض خامات المكون المحلي
وصدقني القرار اللي انا وكل المحيطين بي مش بعد شراء الصني لا بمقاطعة النيسان تماما
انا راكب عربيات ميجان 2007 ولوجان 2010 و تريوس 2009 i30 2009 و ميجان 2014
ومتعامل مباشره مع أغلب توكيلات مصر وعمري واقسم بالله ما شوفت أداءه اسؤء من نيسان مصر
لدرجه أن إدارة نيسان الشرق الأوسط تنفي تبعية نيسان مصر لها يعني اللي عاوز حقه يخدوا بالزراع وده اللي انا عملته وغيرت التيل عافيه
والأحلي من كده 2000 كم ورجعت زي ما كانت
اللي عاجبه العربيه يحتفظ بيها واللي مش عجباه بيعها بس محدش يضلل حد أنه يشتريها

المشاركة الأصلية كتبت بواسطة safsaf43

على فكرة بقت 200 مشاركة و اعرف اني اقدم منك هنا باكتر من 3 سنين
و ردودي مش غلط و انت اللي بتكبر مشاكل العربية
انا مش بعمل دعاية علشان برد عليك انا اصلا ماقولتش اي حاجة عليها ده انا قولت ان فيها مشكلة معروفة في الفرامل !!
بالعكس انت اللي بتعمل دعاية سلبية بطريقة فجة
ماحدش بيكبر في العربية ديه لانها اصلا فئة صغيرة في العربيات ، بس مش معنى كده ان اللي معاه 100 الف جنيه مايركبش عربية زيرو
انت طلعت كل عربيات الموديل خربانة و كل اللي اشتروها عملوا بيها حوادث

عايزك ترد علي الناس اللي بتشتكي من العربيه اللي دخلت ترد علي الموضوع هنا بس . ماهو لو انت تعرف واحد شغال فالتوكيل كان حاكالك علي كميه الشكاوي اللي فأرض الواقع قد ايه
وقدمك فالمنتدي يحتم عليك تكون صريح
فرامل مش قد كده
ثبات مفيش
صاج ضعيف
وبلاش اسمع انها ياباني والكلام دا كفايه ان موتورها هندي

المشاركة الأصلية كتبت بواسطة safsaf43

يا سيدي و انا ارد ليه ، انا اصلا ماعنديش نيسان و لا اعرف حد في التوكيل و لا قاعد في مصر اساسا
انا العربية كانت عاجباني و جربتها اسبوع كنت مأجرها و عارف ان في مصر عليها شكاوى كتيير من الفرامل بس لما واحد يكون اشتراها خلاص و العربية اللي معاه مافيهاش مشاكل و بالعكس بيقول انها انقذته من حادث خطير و نيجي نقوله فيه ناس عندها مشاكل و العربية وحشه !!
ما هي العربية معاه و الحمد لله كويسة و أكيد غيره كتيير جدا العربية معاهم سليمة و أيضا كتيير ظهرت لهم مشاكل
بس طالما معاه كويسة يبقى نقول ليه ربنا يباركلك فيها
مش لازم ننسى ان ديه نيسان العريقة اللي بتصنع عربيات شهيرة و فخمة ، و كل شركة اكيد ليها كبوة في موديل و اكيد مش مقصودة لأن القصد فيها انهم عايزين عربية رخيصة بس لأنها شركة كبيرة و قوية كان غصب عنها لازم تحط وسائل الامان ، و ده انعكس على الجودة النهائية

كده انت بتتكلم صح
بس الواجب علينا ننصح الناس اللي لسه مشترتش
واللي اشتري ربنا يبراكله فيها و ننصحه انه بلاش يجري بيها
عربيتي المفضله nissan gtr علي فكره بعشقها جدا دا موتورها hand made
وفعلا الصني غلطه نيسان الكبري
فرصه سعيده

بصراحة قسم نيسان بقى مرتع لكل واحد من كل الأقسام الظاهر أن موضوعات النيوصنى شيقة جدا ومجمعة كل الأعضاء من جميع الأقسام ويبدو أنه فيه فقر فى الموضوعات فى العربيات الأخرى أما النيوصنى موضوعاتها متجددة
1- مرة موتورها صينى
2-مرة موتورها هندى
3-مرة موتورها كورى
4- المثقف يقولك خامات هندى بأشراف يابانى
5-الفتيس هندى والموتور يابانى
6-الفتيس يابانى والموتور هندى
7-العربية هندى 100%
8-حوادث النيو صنى مغرقة مصر والدماء على الأسفلت للركب
9-أعداد القتلى والجرحى لا تحصى للنيو صنى
10-عربية سيئة ولا تصلح للأستعمال الأدمى
وهكذا ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,

عربية عظيمة ومجمعة الحبايب من كل أقسام المنتدى الحبيب دمتى لنا أيها النيو صنى
أكثر من 25000 عربية تجرى فى مصر وحجز 3شهور و4شهور وأوفر برايس كمان فعلا عربية فاشلة

الأستاذ المحترم صاحب الموضوع عربيتك مريحاك ومفيش مشاكل أحتفظ بها وحافظ عليها وياريت لما تشوف موضوعات تهاجم النيو صنى أبتهج وأفرح عشان الموضوعات دى بتزود مبيعاتها وسعر بيع عربيتك هيرتفع عشان لما تيجى تبيع وتغير وتعلى موديل تبيعها بسعر محترم وتحياتى لحضرتك وأتمنى أكون أفدتك

المشاركة الأصلية كتبت بواسطة safsaf43

++++ 1
الله يخليك
المهم فيه موضوع لسه مكتوب سخن و بصراحة ده اكتر موضوع حيادي قرأته هنا لأنه فعلا من واحد عنده خبرة و مالك للسيارة ، بصراحة فيه كل المميزات و العيوب بكل وضوح و كمان شرح اسباب العيوب
جزاكم الله خيرا و حفظكم من كل سوء

تقييم النيو صني

اخدت لبالك قال عيوب العربيه ايه ؟
فرامل . ثبات . صاج !
يعني نفس كلامي و كلام ملاكها الحياديين