حد يعرف مباحث التليفونات فين ؟

**Mido Casper** · 24-07-2014 06:13 AM

بص يا باشا .. المكان اللي حصل فيه السرقه هتروح السنترال وتقولهم عايز اعمل بلاغ عن السرقه وهيقولك انهي سنترال ماسك المنطقه دي .. عشان مش كل السنترالات بيكون فيها التقديم .. وهتاخد العلبه بتاعت الخط و صورة بطاقه وهيصورهالك وهيديلك رقم .. الرقم دا هتاخده وتروح تعمل بيه محضر في القسم ومن القسم هييزودلك رقم عليه عشان يتفتح بيه ملف ف القسم ويتعرف كله و بالرقم دا هتعمل بيه مذكره في المحكمه ومن المحكمه هيرفعها لوكيل النيابه ودي بتكون اخر خطوه بعد كده بتابع معاهم كل اسبوعين تلاته و الحاجات دي بتاخد منك بتاع اسبوعين تلاته وبعدين من المحكمه بتابع الاخبار او بيدوك قسم شرطه اللي هيكون مكلف بالمأموريه دي وبتابع مع القسم كل اسبوعين تلاته

**tarek12** · 24-07-2014 11:40 PM

المشاركة الأصلية كتبت بواسطة mido casper

بص يا باشا .. المكان اللي حصل فيه السرقه هتروح السنترال وتقولهم عايز اعمل بلاغ عن السرقه وهيقولك انهي سنترال ماسك المنطقه دي .. عشان مش كل السنترالات بيكون فيها التقديم .. وهتاخد العلبه بتاعت الخط و صورة بطاقه وهيصورهالك وهيديلك رقم ..

شكرا لمحضرتك بس انا مش فاهم اول نقطه ( المقتبسه )

و استفسارى ,, ما دخل السنترال فى السرقه
وما هو المقصود بالسنترال ؟؟؟
يعنى السنترال الماسك الهرم اسمه ايه و مكانه فين

ياريت الرد
جزاك خيرا

**Mido Casper** · 25-07-2014 04:21 AM

المشاركة الأصلية كتبت بواسطة tarek12

شكرا لمحضرتك بس انا مش فاهم اول نقطه ( المقتبسه )

و استفسارى ,, ما دخل السنترال فى السرقه
وما هو المقصود بالسنترال ؟؟؟
يعنى السنترال الماسك الهرم اسمه ايه و مكانه فين

ياريت الرد
جزاك خيرا

السنترال عشان هو اللي بيسجل السيريال بتاع الخط وبيديلك بيه رقم .... اول نقطه اقصد اني لما حبيت اعمل بلاغ ف سنترال سراي القبه حولني لسنترال الماظه ليه معرفش بس قالي هو اللي ماسك المنطقه .....
لو الخط بس وعايز ترجعه دي سهله جدا بانك هتطلع علي اي مركز معتمد للشركه بتاعتك وهتطلب تطلع عليه ودي مبتاخدش منك اكتر من ٥ دقايق ... ولو الخط باسمك ممكن توقف عنه الشبكه وتوقفه من خلال خدمه العملاء ... ولو الموضوع كبير حاول تروح لفرع للشركه اللي انت فيها وبلغهم بالوضع ...
السنترال اللي ماسك الهرم معرفوش والله بس اسال جوه السنترال