الموضوع: استفسار هام بخصوص تفصيل موتور بيجو 301

المشاركة الأصلية كتبت بواسطة monamize4

معظم العربيات الجديدة فيها rev limiter

على ال tachometer ,, عند rpm معين ال ECU هيعمل up shifting غصبا
عن اللى سايق حتى لو كان جايب اخر الدواسه و حتى لو كان سايق على التيبترونك
و دا ف حالة الاوتو

لو كنت مانيوال او اوتو و جايب اعلى غيار و حارق برضه او حتى كنت عالمور او ال N
و حارق للاخر ,, ال ECUهيوقف ال fuel supply عشان الموتور مايحصلوش damage
ال rpm value اللى عنده ال ECU بيفصل بيختلف طبعا من عربية للتانية و بيكون اعلى ف ال
high rev engines

و مع ذلك احيانا ف العربيات المانيوال بيحصل ما يسمى بال ((money shift))
بمعنى ان يكون سايق مثلا على التالت و جايب اخره و ينقل بالغلط على التانى بدل ما ينقل
على الرابع ف الحالة دى ال rev limiter مش هيفيد و الموتور هيودع

اخر حاجة ,,
مش شرط ال rev limiter يكون عند بدايه ال red line
واحيانا بيكون بعده بشويه ,, يعنى مش معنى ان ال rpm دخل ف red zone
يبقى العربية مافهاش rev limiter


اى استفسار ,,

مشكور علي الرد بس انا اقصد بالكلام ال 301 تحديدا ال rev limiter بيشتغل علي كام في بيجو 301

المشاركة الأصلية كتبت بواسطة monamize4

المعلومة المؤكدة هتلاقيها ف الكتالوج ان شاء الله

بس انت بتسأل ليه ؟؟؟؟؟؟
خلى بالك ان لو انت دايما بتحرق جامد على الغيارات ,, فا دا بيقلل عمر الموتور
حتى مع وجود ال rev limiter و حتى لو كنت ما بتوصلش لل value اللى بيفصل عنده



صعب جدا جدا جدا ان تلاقى عربية injection و مش متونه ,, و مفهاش rev limiter
دا حتى فى عربيات كاربراتير و فيها limiter

عموما ارجع للكتالوج لان هو دايما الفيصل

مشكور علي الرد انا فاهم كلامك كويس بس ساعات الواحد بيضطر انو يحرق علي الغيار علشان يعدي من موقف معين علشان كده كنت بسال علي الكلام ده

استفسار اخر بالنسبه لفتيس البيجو هل301 الاوتوماتك و هو علي ال steptronic لو عايز اسقط غيار يا تري لو سقط غيارين بالغلط ممكن يحصل اmoney shift الي سبق و ذكرته ؟