الموضوع: استفسار ضروري بخصوص موتور بيجو ٥٠٨

دخلت علي السيرفيس بوكس لعربيتي بيجو ٣٠٠٨ موديل ٢٠١٤ وهي نفس ماتور البيجو ٥٠٨ ، واديتو vin number بتاع العربية فظهر كل تفصيلة تخص بالتحديد عربيتي ومنها الماتور ١٦٣ حصان .
علي العموم توكيل بيجو في ناس مش فاهمة حاجة في العربية انا بتكلم علي الصيانة وخصوصا فرع غمرة فما بالك بالمبيعات يستحسن متسألش .. معندهمش معلومات سليمة .
في فرع ابو رواش راجعت مع مهندس الاستقبال موضوع بنزين ٩٢ ، ولقيت عنده بلانشيطة بيراجع vin number العربية وقالي تقبل ٩٢ .
بالتوفيق في اختيارك .

المشاركة الأصلية كتبت بواسطة ammpage

دخلت علي السيرفيس بوكس لعربيتي بيجو ٣٠٠٨ موديل ٢٠١٤ وهي نفس ماتور البيجو ٥٠٨ ، واديتو vin number بتاع العربية فظهر كل تفصيلة تخص بالتحديد عربيتي ومنها الماتور ١٦٣ حصان .
علي العموم توكيل بيجو في ناس مش فاهمة حاجة في العربية انا بتكلم علي الصيانة وخصوصا فرع غمرة فما بالك بالمبيعات يستحسن متسألش .. معندهمش معلومات سليمة .
في فرع ابو رواش راجعت مع مهندس الاستقبال موضوع بنزين ٩٢ ، ولقيت عنده بلانشيطة بيراجع vin number العربية وقالي تقبل ٩٢ .
بالتوفيق في اختيارك .

غريبه جدا
ده الويب سايت بتاعهم برضه قايل انها ١٥٦ حصان و كمان الكلام ده لل ٣٠٠٨ تخيل ؟!!!
على العموم مش هتفرق جامد الواحد بس عايز يفهم
الف شكر لحضرتك

المشاركة الأصلية كتبت بواسطة eleanor

بالفعل العربيه بتنزل 156 حصان بس اتعملها ريماب من سنه 2013
علشان تشتغل ببنزين 92 والهورس بور بقي 163 حصان مع بنزين 95 مش 92
وبكده مش هاتخسر باور كتير مع 92
وتحت امر حضرتك

يعني من الاخر رفعوا الهورس باور عشان لما يتحط ليها بنزين ٩٢ يطلع نفس الباور بتاع ال ٩٥ قبل الريماب
اللي هوا ١٥٦ حصان
وبما ان التوكيل عارف ان محدش هيقل عقله و يخرب بيته بايده و يحط ٩٥ فكبر دماغه و بيقول ١٥٦ حصان على اساس بنزين ٩٢ و خلاص
اتمنى اني اكون فاهم صح ؟

معلومات عن عزم الموتور ونوع البنزين .............ممتازه

المشاركة الأصلية كتبت بواسطة ahmed amin

عاااش وحووووش البيجو, ردود أكتر من رائعة.


أستاذ hany63 أنت منورنا والله.
إن شاء الله البيجو تعوضك عن أيام الباسات لو ربنا وفقط في شرائها.

الله يخليك ده القسم منور بحضرتك وبالزملاء المحترمين اللي ليهم الفضل في اختيار ال ٥٠٨ رغم ان تجاربي القديمه مع بيجو كانت بعيد عنك مش قوي اول مره اتدبست زمان في ٢٠٥ و انضحك عليا فيها كانت خرده بمعنى الكلمه مفيهاش بلا مبالغه مسمار الا و مستهلك لدرجة ان مره الدركسيون فرك من مشرشر العلبه و التابلوه كان بينط و عصاية الفتيس طلعت في ايدي طبعا مفيش داعي اتكلم عن الموتور و العفشه و الفتيس الحاجه الوحيده انها مكنتش راشه دواخل ههههههه
تاني عربيه كانت بتاعة الوالد ٤٠٥ و كنا جايبنها عامله ١٦ الف بس الغلطه انها كانت بتاعة شاب ابن لواء كبير في الجيش كان مبهدلها برضه موتور و عفشه لدرجة اننا عملنا طقم صباب بس الوالد كان بيحبها لحد ما اتباعت


انا على العموم رحت امبارح حجزت ال ٥٠٨ و الاستلام في خلال شهرين و دعواتكم معايا و تظبط و تبقى التالته تابته و خصوصا ان دي من المرات النادره اني اشتري عربيه من غير ما اجربها