مقارنة بين السيارات العائلية في مصر أورتيجا 7 راكب - كارينز 7 راكب - افانزا 7 راكب

**NourElmansy** · 04-08-2014 05:42 AM

الافضل من حيث السعر و الكماليات و مصاريف التشغيل ( الاعتمادية ) هي الارتيجا ... فيها كل حاجه ب 125 !

**dr_samora** · 04-08-2014 09:17 PM

بصراحه سعر الارتيجا بيخلي الواحد يفكر ف 7 راكب

**gonet** · 05-08-2014 12:12 AM

المشاركة الأصلية كتبت بواسطة dr_samora

بصراحه سعر الارتيجا بيخلي الواحد يفكر ف 7 راكب

ربنا يوفقك

**gonet** · 05-08-2014 12:13 AM

المشاركة الأصلية كتبت بواسطة nourelmansy

الافضل من حيث السعر و الكماليات و مصاريف التشغيل ( الاعتمادية ) هي الارتيجا ... فيها كل حاجه ب 125 !

تمام جداااااااااا وانا قررت اتكل علي الله واشتريها

**gonet** · 05-08-2014 12:20 AM

المشاركة الأصلية كتبت بواسطة ضى القمر

اعتقد الكارينز واللوجان كويسين

عيوب قوية جداً في الكارينز بالنسبة لي
المقاعد الصف الثالث ( لسن صغير وليس كبار )
السعر عالي جداً

انا شايف الاورتيجا افضل واوفر

اللوجان 7 مقاعد 2014 و 2015 بطلت تنزل خلاص

وشكراً

**gonet** · 05-08-2014 12:31 AM

المشاركة الأصلية كتبت بواسطة D . a .\ AYMAN

1- الإرتفاع عن الأرض الإرتيجا 18.5 سم ... الكارينز 15.6 سم .. الأفانزا معرفش

2- إعادة البيع أكيد دلوقتي الكارينز لكن الله أعلم الإرتيجا هاتعمل إيه لأنها لسة عربية جديدة في السوق بإمكانيات حلوة جدا وسعر رائع جنب اللى زيها وأكيد السعر هايزيد بس بعد ما تعمل مبيعات كويسة زيها زي أي حاجة مصر .. والأفانزا سمعتها أصلا وحشة بس معرفش إعادة بيعها كويسة برضه عشان خاطر شايلة اسم تويوتا ولا إيه

3- مراكز الصيانة في الصعيد .. معرفش بصراحة دي محتاجة حضرتك اللى تسأل عنها عندك

4- المقاعد الأخيرة في الإرتيجا كويسة جدا وواسعة والصف اللي في النص قابل للحركة للأمام والخلف .. معرفش الأفانزا أو الكارينز إيه وضعهم

5- التوفير في البنزين ... أعتقد الإرتيجا ... وموتور 1400 سي سي 95 حصان على وزن 1180 كيلوجرام
الكارينز موتور 1600 سي سي و 135 حصان على حسب الموقع بتاع كيا مصر بس وزنها تقيل عن الإرتيجا بكتير حوالي 1600 كيلو

6- الشكل ده بتاعك بالنسبة لي الأفانزا شكلها سيء جدا
الكارينز والإرتيجا شكلهم حلو هم الإثنين ودي لازم انت تركب الإثنين وتشوفهم من جوة ومن بره وتشوف هاترتاح لأنهي واحدة أكتر

اشكراً جداً علي ردك المهم

وانشاء الله هاجيب الاورتيجا لاني فيها كماليات الكارينز وافضل من شكل الافانزا وقريبة من شكل الكارينز وارخص بكتييييييييييييييييير

وانا شايف انها هتنتشر جدا الفترة اللي جاية وهاتغلي في السعر جدا جدا

**D . a .\ AYMAN** · 05-08-2014 12:59 AM

المشاركة الأصلية كتبت بواسطة gonet

اشكراً جداً علي ردك المهم

وإن شاء الله هاجيب الاورتيجا لاني فيها كماليات الكارينز وافضل من شكل الافانزا وقريبة من شكل الكارينز وارخص بكتييييييييييييييييير

وانا شايف انها هتنتشر جدا الفترة اللي جاية وهاتغلي في السعر جدا جدا

خد اللينك ده فيه شوية صور ليها وتفاصيل الأوبشنز بتاعتها وفي ناس اتكلمت في الموضوع على إن الكراسي اللى في النص بتاعتها بتتحرك لورا وقدام وتتقلب تقريبا

http://www.nilemotors.net/Nile/430665-2015.html

**Ahmed Metwally** · 06-08-2014 11:12 AM

بص يا باشا
انا هتكلم من وجهة نظر الراكب مش السائق
انا ركبت الأفانزا والكارينز 2014

الأقانزا حسيت انها فقيرة شوية .. عادية مش وحشة ومش جامدة .. ماتحسش انها عربية حديثة

اما الكارينز فهى جميلة الصراحة القعدة فيها من جوة مريحة وواسعة
انا كنت قاعد فى الصف التانى .. حاجة نضيقة كده .. ودلع..
الصف التالت مجربتهوش.

**أبو_يوسف** · 06-08-2014 11:23 AM

بالنسبة لي لو عندي امكانية شراء كارينز وانا مستريح مش مضغوط هاجيبها لانها خارج المنافسة مع الموديلات التانية دي..
اللي ممكن المقارنة بينهم الارتيجا والافانزا..
الافانزا زي ما معظم الناس بتقول تحسها فقيرة وتصميمها مش حلو.. الارتيجا احلى واشيك..
بس بالنسبة للعملية والمساحات الافانزا تكسب مستريح..
في وضعية ال 7 ركاب الافانزا فيها شنطة مساحتها كويسة اوي..
وفي حالة طي او الغاء الكنبة الثالثة في الارتيجا بتضطر تقدم الكنبة الثانية للأمام.. اما في الافانزا بتفضل المساحة كويسة
وكمان في ميزة في الافانزا ان الكنبة الثالثة مقسومة على 2 يعني ممكن تستخدمها 6 ركاب مع مساحة كويسة جدا كشنطة للأمتعة ودي اللي كان نفسي تكون موجودة في الارتيجا تبقى الكنبة التالتة زي الكارنز كدا.. لاني شخصيا محتاج 6 مقاعد فقط
بس طبعا في فرق في السعر بينهم حوالي 25 ألف..
ودا يخليني شخصيا مفكرش في الافانزا لان حتى لو امكانيات تسمح بيها هافكر في الجراند تريوس شكلها احسن..
خلي بالك حجز الارتيجا دلوقتي والتسليم بعد 6 شهور حسب كلامهم.. فانت كدا كدا احجز وفكر براحتك .. الحجز ب 5000

**dreslam** · 06-08-2014 12:02 PM

تقارير الارتيجا في الهند كويسه جدا...التقفيل معقول جدا والموتور موفر للبنزين بطريقه غير طبيعيه...الثبات معقول والتكييف ممتاز وفتحاته اللي ورا في السقف ممتازه جدا.مواصفات الامان عاليه قوي وvalue for money كويس جدا.ممكن تقول سحبها في الاول مش قوي...نجحت في الهند يبقى تنجح ان شاء الله عندنا

https://www.youtube.com/watch?v=iaWPSMnFnY8