الموضوع: سؤال بخصوص ال Adsl ? و تحذير من التعامل مع شركة Im انترنت مصر

المشاركة الأصلية كتبت بواسطة shoudy2005

غريبه فعلآ انا مشترك مع im بقالى 3 سنين و مشفتش منها اى مشاكل و كل فتره حد منهم بيتصل و بيسأل هن احوال الخدمه و لو فيه مشكلة بتتحل فى ساعتها الا اذا كانت فى السنترال

المشكله بتحصل لما تحصل مشكله ... دعم فنى من اسوأ مايمكن ,دايما يجيبو العيب من عندك و يتبعو نفس الخطوات العقيمه كل مره تكلمهم .


الشركه :- طيب يافندم افصل كل خطوط التلفون و وصل الكمبيوتر على الخط الرئيسى , طيب يا فندم شيل التعريف بتاع المودم و نزله تانى , طيب يا فندم ستب ويندوذ من جديد , طيب يا فندم غير السلك الى طالع من البوكس ................... ايه الهبل ده و المشكله ان الخطواط ديه كل ماتكلم مره تانيه يتبع الخطواط هى هى من اولها لاخرها و لما تحلفلو انك عملت كل الخطواط ديه يقولك معلش يا فندم نعملها تانى !!!!!!!!!!!!!!!!!!!!!!!

* انا ححكيلك الى حصل و قولى اذا كانت شركة انترنت مصر ديه شركه محترمه ولا غير محترمه .

روحت دفعت اشتراكى فى اول الشهر ( شهر 9 ) و بعديها ب 3 ايام لقيت صحيت الصبح مالقيتش فى نت , كلمتهم و قولتلهم على المشكله كالعاده اتبعو معايا الخطوات الممله بتاعتهم و حلفتلهم 100 مره ان الخط كويس و الاسبليتر كويس " الخط مافهوش اى شوشره نهائى " و برده البيه المهندس يقولى اصل ممكن السلك يكون مقطوع و مع ذلك تلاقى الصوت مافهوش شوشره ...انهى غبى يقول الكلام ده .... حاولت افهمهم انى خريج نظم معلومات و درست شبكات و عندى خلفيه كويسه بالكمبيوتر . ولاحياة لمن تنادى .

المهم بليل النت اشتغلت تانى , قولت تمام , تانى يوم الظهر النت قطعت تانى و كلمتهم تانى و عملت نفس الخطوات الغبيه ديه تانى " مع ان المفروض عندهم ريفرانس للمشكله بتاعتى " و الخدمه مارجعتش و قالى حنبلغ على الخط اعطال .... قولت ماشى . , بليل النت رجعت تانى !! قولت تمام جدا .....

الصبح كلمنى واحد وقالى النت اشتغلت قولتله تمام شغاله .... بعديها بساعتين النت قطعت تاااااااانى
كلمتهم تاااااانى و قالولى حنبلغ على الخط بتاعك اعطال تانى ..... و على الفجر الخط اشتغل تانى و الصبح كلمنى نفس الشخص و قالى احنا بنأكد ان الخدمه عطلانه عندك قولتله رجعت و اشتغلت ..... لكن بتقطع بالنهار و تيجى بليل .

و مكملتش على الساعه 12 قطعت للمره مش عارف الرابعه ولا الخامسة و كلمتهم للمره العاشره قالولى احناالمشكله مش من عندنا ولا فى السنترال المشكله من عندك انتا ......... طيب ازاى اذا كان السلك سليم و جربت وصلت تلفون عليه و مفهوش ادنى شوشره و الكمبيوتر عندى سليم ...!!!!!!!! قالولى مش عارفين بس المشكله مش من عندنا احنا بلغنا على الخط اعطال مرتين و مش حينفع نبلغ تانى !!!!!!!!!!!!!!!!!!!!!!

طيب الحل هات المودم نعمل تيست عليه ... ماشى وديتلهم الموديم فى المهندسين .... واحد خده و جربه .. ها يا بشمهندس خير ... خير يا فندم احنا عملنا ريستارت للمودم ......!!!!انا بقى فى دماغى "نعم يا حلاوه " ريستارت " و عرفت انه اهبل و بيستهبهلنى ... قولتله انا عندى خلفيه كويسه فى الكمبيوتر و مافيش حاجه اسمها ريستارت للمودم ....ممكن تعمل فريم وير للراوتر ... لكن المودم لا
المهم اقنعنى انى حروح البيت الاقى الخدمه شغاله , روحت البيت طبعا الخدمه مشتغلتش

كلمتهم للمره المليون وقولتلهم بجد عيب جدا الى بيحصل ده انا جتلكم مخصوص من 6اكتوبر ..... بلا بلا بلا , و هما كالعاده الخ الخ الخ
روحتلهم تانى يوم علاشان ابدل المودم خالص , المهم ادونى مودم تانى و كان مستعمل و شكله مش ولابد .... قولت مش مشكله روحت البيت .... وصلت المودم و جى اسطب المودم , و كانت المفاجئة التعريف مش بينزل ..... يمين شمال التعريف مش عاوز ينزل و بيكتبلى ان فى ملف ناقص فى التعريف !!!!!!!!!!!!!!

هنا بقى انفجرت كلمتهم فى التلفون و بهدلتهم بالزوق .

و روحت تانى يوم وانا فى دماغى انهم حبة نصابين على ناس مش فاهمين حاجه و عديمى الخبره ,
قولتلهم يعنى انا جايلك علاشان ابدل المودم ... تدينى مودم بايظ .... هى ديه الثقه !!!!! مش المفروض قبل ماتدينى المودم تجربه ...و انتا عارف ان انا جيتلك كذا مره ...... الواد معرفش يتكلم لانه عارف انه علطان و عرف انى بهزقه بالزوق
قولتله خلاص ده اخرى معاكم انا حلغى الخدمه انتو مش عارفين تحلو المشكله و بتدخلونى مشاكل تانيه ....... هو : طيب يا فندم ادينى فرصه يوم واحد و حنبعتلك هندس يشوف المشكله فين و حنحللك المشكله .
انا : خلاص انا عاوز الغى الخدمه و متشكر جدا على تعابكم معايا .. انا مش عاوز اتعبكم معايا و عاوز الغى الخدمه

و من ساعتها وانا دايخ على رقم الالغاء .


انا كده حكيت المشكله بأختصار و اختصار شديد كمان ..... و ليكم الحكم الشركه ديه فعلا محترمه ولا مش محترمه .

المشاركة الأصلية كتبت بواسطة aratux

و تى إى داتا علاقتها ايه؟

العلاقه ان شركه انترنت زفت . طلع تصنيفها Class B يعنى زيها زى اى موزع بياخدو الخطوط من Egynet و TE DATA , ورايا .و الخط بتاعى كان متاخد من TEDATA , وقبل كده كان مع ايجى نت بس كانت زى الزقت و حولولى الخط على خط تى اى داتا .......و زمان قبل ما اعزل ل 6اكتوبر كنت على خط رايا و كان اكتر من ممتاز و لمده سنه و نص تقريبا قطع مره او مرتين بس و محصلش اى نوع من المشاكل .

يا أستاذى مافيش مصاريف وقف خدمة بتروح للمصرية للإتصالات

شكرا لحضراتكم جميعا على اهتمامكم بالموضوع

اخر التطورات ... روحت السنترال تانى و ظبت مع موظف جوه السنترال انه يجيبلى الكانسليشن ..... و فعلا روحتله بليل و ادنى رقم و تحتيه تاريخ و ارقام تانيه .. رقم داخلى .. كابينه ..
المهم بعديها روحت اشتريت خط فودافون و كلمت خدمه العملاء وقولتلهم عاوز اشترك معاكم فى خدمه الADSl و عملت طلب
تانى يوم بعتولى رساله بيقولو فيها ان الخط مشغول و عليه مزود لخدمه الانترنت , و لما اخد الكانسليشن اكلمهم
المهم كلمت الراجل بتاع السنترال و حكيتله على الى حصل قالى طيب ماتديهم الرقم الى انا جبتهولك ....... فرديت عليه .. انى كنت فاكر ان كده الخط بقى فاضى و كأنه مكانش عليه اشتراك نت .
المهم قالى كلمهم تانى و اديهم الرقم و كلمنى تانى يوم الحد " بكره " و انا حعمل حاجه تانى على الخط بتاعك .
قفلت معاك و كلمت خدمة عملاء فودافون و قولتلهم انى معايا الكانسليشن و انى جايبه من السنترال مش من الشركه .... قالولى استنى شويه و قدم طلب جديد و حنعمل اتشيك على الخط بتاعك تانى .

فى كل الحوارات ديه انا تهت الصراحه و المسأله تفرعت

الى عايز اعرفه
-هل الكانسليشن ده لازم اخده من شركه الانترنت بشكل رسمى .... علاشان ينهو علاقتهم بالخط بتاعى .
- هل الرقم الى معايا ده ليه قيمه فعلا و اديه لخدمة عملاء فودا فون و ده يبقى اثبات انى لغيت الخدمه مع الشركه القديمه .