الموضوع: بنك فيصل الأسلامى فقط الى بيقسط بطريقه اسلاميه 100%

المشاركة الأصلية كتبت بواسطة r a n a

انا برده اعتقد انه يجوز إن السلعة المشتراه متكونش بتاعته اصلا
يعني مثلا لو ليا حد هايسافر دبي وانا طلبت منه يشتريلي برفانات ولا جهاز موبايل ولا mp3 ولا اي حاجة وهو اصلا لا بيبيع ولابيشتري ولا دي مهنته اساساً وانا طلبت منه سلعة بعينها واديته الفلوس قبليها او اشتراها بفلوسه وبعدين لما سلمهالي اديته حقها يبقي كده حرام لإن السلعة مش بتاعته اصلا؟
وبردة لو انا بشتري من محل معين بيبع ملابس وانا عارفة مثلا انه بيجيب بضاعته من تركيا مثلا ووصيته يجيبلي طرحة معينة أو شوز معين (سلعة بعينها) ولما جابهالي اشتريتها منه سواء بالتقسيط او كاش يبقي كدة حرام؟
نفس الامر لو المحل ده عنده طرحة لونها ازرق وانا عايزة اللون النبيتي منها وهو معندوش حاليا ووصيته انه يشتريلي واحدة لونها نبيتي ويخليهالي اشتريها منه فبينزل يجيبهالي مخصوص هل ده يبقي حرام؟

وكمان ممكن يكون شاريها بالآجل يعني معظم تجار الجملة مثلا بشتروا بضاعة كتير ومبيكونوش دافعين بس غير نصف تمنها او دفعة تحت الحساب وبعد لما يبيعوا بيسددوا باقي التمن وياخدوا بضاعة تاني هل ده يبقي حرام برده؟
لو طبقنا الموضوع ده على السيارات مثلا هانلاقي ان بنك ابو ظبي الاسلامي بيكتب عقد شرا بينه وبين المعرض بنوع العربية وموديلها والمندوب بتاع البنك بيروح يعاين العربية بنفسه ويكتب في العقد ده رقم شاسيه واحيانا رقم موتور (يعني بيحدد مواصفات العربية بالظبط في العقد اللي بينه وبين المعرض) وطبعا انت ممكن تروح معاه عشان تعاين العربية اللي المفروض هاتكون بتاعتك بعد كده وبعدين بتروح البنك تمضي التعاقد بينك وبين البنك انك اشتريت العربية من البنك وتمضي الشيكات وبعدين تخلص اجراءات استلام العربية من المعرض وبتروح ترخص والمعرض بياخد منك وثيقة التأمين وصورة الرخصة ويقدم ورقه كامل للبنك عشان يستلم الشيك بتاعه.

انا اصريت ان الامور تمشي بالترتيب ده عشان الموضوع يكون سليم.
بس هو تقريبا مضاني على ورقة طلب شرا العربية واعتقد الورقة دي مالهاش اي قيمة قانونية وتقريبا هي مش ملزمة ليك انك تشتري العربية فعلا والله اعلم
لإني سالت مندوب البنك لو العميل رجع في كلامه قاللي بنرجع العربية للمعرض ونلغي العقد وفي معرض خلانا ندفع غرامة عشان رجعنا في البيعة والعميل مشتراش .
عموما انا اشتريت عربيتي عن طريق بنك ابوظبي الاسلامي بفايدة 9% على 5 سنين بدون ضامن بدون توكيل بودن نسخة مفتاح بيشترط بس حظر بيع على العربية طوال فترة القسط (رغم ان كان قدامي البنك العربي الافريقي بفايدة 6% وكان بيكتب توكيل وبياخد نسخة مفتاح)

كل أنوع البيوع المذكورة عدا البنك لاشىء فيها من حيث أنك قمتى بتوكيل شخصى فى شراء سلعة او أن البائع أمتلك و حاز السلعة أولاً ثم قام ببيعها...

أما فى بيع البنك حضرتك ذكرتى
(وبعدين بتروح البنك تمضي التعاقد بينك وبين البنك انك اشتريت العربية من البنك)
و هذا لايجوز لأن البنك هنا باع مالم يملك....

و بيع السلعة على من طلبها قبل شرائها وحيازتها لا يجوز ،
لما ثبت على النبي _ صلى الله عليه وسلم _ من حديث زيد بن ثابت رضي الله عنه قال : ( نَهَى رَسُولَ اللَّهِ صَلَّى اللَّهُ عَلَيْهِ وَسَلَّمَ أَنْ تُبَاعَ السِّلَعُ حَيْثُ تُبْتَاعُ حَتَّى يَحُوزَهَا التُّجَّارُ إِلَى رِحَالِهِمْ )
رواه أبو داود (3499) ، قال الشيخ الألباني : حسن لغيره .

وقال _ صلى الله عليه وسلم _ ( لا تبع ما ليس عندك )

رواه أحمد وأبو داود ( 3503 ) وصححه الألباني في صحيح الجامع (7206) .

المشاركة الأصلية كتبت بواسطة r a n a

حضرتك الخطوة دي تمت تاني يوم مالبنك اشتري العربية بعقد يعني مندوب البنك راح يوم السبت عاين العربية وكتب عقد شرا بينه وبين المعرض وكتب فيه رقم شاسيه العربية المذكورة ومضاه وتاني يوم اللي هو يوم الاحد روحت انا مضيت على عقد الشرا بيني وبين البنك بنفس رقم شاسيه العربية المشتراه يبقي ايه الحرام في ده.
مع العلم ان سمعت إن البيع بالآجل يجوز ولا برده في حالة البنك لايجوز؟
يعني البنك كتب عقد شرا بينه وبين المعرض إنه اشتري السلعة اللي هي العربية على أن يسدد تمنها بالكامل عند احضار الاوراق المطلوبة اللي هي (وثيقة التأمين وصورة الرخصة وشوية ورق تاني)
وياترى عقد الشرا اللي بين البنك وبين المعرض واللي تم قبل مانا امضي علي عقدي مع البنك وقبل الشيكات كمان صحيح ولا ايه؟
انا شوفت بنفسي كل الورق اللي بتكلم عنه ده واصريت على ده ولاحظت إن مكتوب كمان شرط ان يكون تاريخ عقدي مع البنك لا يسبق تاريخ عقد الشرا بين البنك وبين المعرض (ده شرط اساسي ومكتوب تحت في العقد على فكرة)

شراء السلع ( سيارات أو غيرها ) عن طريق البنوك لا يجوز إلا عند توفر شرطين :

الأول : أن يمتلك البنك هذه السلعة قبل أن يبيعها فيشتري البنك السيارة مثلاً من المعرض لنفسه .



الثاني : أن يقبض السيارة بنقلها من المعرض قبل بيعها على العميل.



وإذا خلت المعاملة من هذين الشرطين أو أحدهما كانت معاملة محرمة ، وبيان ذلك :


أن البنك إذا لم يشتر السيارة لنفسه شراء حقيقيا ، وإنما اكتفى بدفع شيك بالمبلغ عن العميل ، كان هذا قرضا ربويا ؛ إذ حقيقته أن البنك أقرض العميل ثمن السيارة (مائة ألف مثلا) على أن يسترد قرضه مائة وسبعة آلاف .


وإذا اشترى البنك السيارة ثم باعها قبل أن يقبضها ،


كان ذلك مخالفا لقول النبي صلى الله عليه وسلم لحكيم بن حزام
" إذا اشتريت مبيعا فلا تبعه حتى تقبضه "

رواه أحمد(15399) والنسائي ( 4613) وصححه الألباني في صحيح الجامع برقم : 342

وأما حكم من تعامل بهذه المعاملة في الماضي ، فإن كان وقتها لا يعلم بتحريمها ، وأقدم عليها وهو يظن أنها حلال فلا شيء عليه ،
لقول الله تعالى بعد ما ذكر تحريم الربا ( فمن جاءه موعظة من ربه فانتهى فله ما سلف ) البقرة / 275

منقول من موقع الإسلام سؤال و جواب.

معلش يا جماعة احنا مش هنا عشان حد يثبت انه صح بل عشان نعرف الحلال من الحرام
فانا اقترح ان نعيد طرح الموضوع على احد علماء الدين الموثوق فيهم مع توضيح كافة النقاط
هل البنك يمتلك السلعة اصلا فى مخازنه ؟ ام انه يشتريها فى حالة وجود عميل ؟
هل انا ملزم بالامضاء على اى اوراق او الالتزام بشراء السيارة قبل ان يمتلكها البنك و يسدد ثمنها بالكامل ؟
هل من حقى التراجع عن الشراء اذا اشترى البنك السيارة من المعرض فى اى وقت ؟
هل هناك فوائد على التاخر فى سداد احد الاقساط ؟
وما الى ذلك مما قد يحتاج ان يعرفه عالم الدين ...... و اعتقد ان رأيه بعد معرفة كل التفاصيل السابقة هيكون احسن و اصح منا جميعا
و ربنا يوفق الجميع

المشاركة الأصلية كتبت بواسطة r a n a

طيب مكتوب في عقد الشرا اللي تم بين البنك وبين المعرض إن العربية اصبحت ملك للبنك وله حرية التصرف فيها ببيعها لنفسه أو للغير وإن البنك سايبها في المعرض على سبيل الامانة لحين استلامها.
وانا لما شرطت على مندوب البنك اني ماليش اي تعامل مع المعرض تماما غير اني اروح استلم منهم العربية اللي موجودة على سبيل الامانة وافق عادي جدا حتى المقدم صممت ادفعه في البنك مش للعرض ودفعته فعلا في البنك واستلمت ايصال ايداع بالمبلغ ومستلمتش بإيدي ولا وديت اي شيكات للمعرض يعني المعرض بالنسبة ليا كان مجرد مكان شايلة فيه العربية المشتراه من المعرض للبنك والمباعة من البنك ليا لدرجة ان مندوب البنك لما لاقاني مصممة على ترتيب الاجراءات وشرعية الموضوع قاللي لو عايزة تستلمي العربية من قدام البنك مفيش مشكلة اروح اجيبهالك تستلميها هنا من قدام البنك لو تحبى لكني قلتله خلاص طالما انا اطلعت على الاوراق بنفسي وطالما هي نفس العربية وبياناتها ورقم الشاسيه بتاعها اللي موجودة في كل العقود وطالما انا مخدتش اي فلوس او شيكات تخص المعرض تماما والمعرض بالنسبة ليا كان مجرد جراج شايلة فيه العربية ومكان استلم منه عربيتي ليس الا وتعاملي كله تم عن طريق البنك والمندوب بتاعه فقط.

السؤال هنا هل البيع الأول من المعرض للبنك يعتبر بيع حقيقى أم بيع صورى؟...لا أعلم... يسأل فى هذا أهل العلم مثل الشيخ على السالوس...

و سؤال أخر....

هل توجد غرامات تأخير على الأقساط المؤجلة؟

الشيخ على السالوس دكتور الإقتصاد الإسلامى بجامعة قطر سابقاً و عضو المجمع الفقهى و له برنامج فتاوى اقتصادية معاصرة على قناة الرحمة...يقوم بالرد على التليفون كل يوم بعد صلاة الظهر ...22717370