الموضوع: بنك فيصل الأسلامى فقط الى بيقسط بطريقه اسلاميه 100%

انا عايز اعرف بنك فيصل دلوقتى هيشترى العربيه من غير ما ياخد منى اى ضمان او يكتب معايه اى عقد وايه الى يضمن للبنك انى فعلا هشترى العربيه ده
ازاى الدكتور على سالوس اقنعهم يشتروا البضاعه بدون اى ضمانات ممكن حد يفهمنى النقطه ده ؟

بعد ما كلمت الشيخ على سالوس يبقى برده بنك فيصل الاسلامى هوه البنك الوحيد الى بيقسط بطريقه اسلاميه وكفايه انه حريص على انه يغير قوانينه علشان يطابق الشريعه و ده حاجه تحسب للبنك مش ضده زى ما حضرتك بتحاول تبين انا ضد الهجوم على البنوك الاسلاميه وبشوف ان لو حتى فيها بعد النقاط الى مش مطابقه لشريعه ده بسبب تقصير العلماء فى توصيل الدين للبنوك ده و الدليل على كده ان البنك غير قوانينه لما الشيخ على سالوس كلمهم استجابوا و صلحوا من الوضع هناك وانا بجد بحترم البنك ده جدا على استجابته السريعه فى التغير

يعنى الحمد الله بشهادة الدكتور على سالوس بنك فيصل بيقسط بطريقه اسلاميه 100%


بس ممكن تشرحلى ازاى الدكتور على سالوس عدل فى قانون البنك حضرتك اتكلمت مع الشيخ بطريقه موجزه جدا مفهمتش منها اى حاجه يعنى الحرص على الحلال الى شايفه فى الموضوع
ده كان المفروض تستغل فرصة ان الشيخ الجليل ده معاك وتتاكد ان البنك تعامله تحول من غير اسلامى الى اسلامى 100% ازاى ؟
يعنى ببساطه دلوقتى البنك هيشترى العربيه من غير اى ضمانات
ودلوقتى ليه حرية التراجع عن الشراء فى اى لحظه والبنك هيضمن حقه ازاى يا ريت توضح لى بالتفصيل

وبالصراحه اكتر انت ليه اقفلت مع الشيخ من غير ما تعرف منه ازاى البنك عدل قوانينه علشان تبقى مطابقه للشريعه
حضرتك مش عايز اصلا تقتنع ان فى بنوك اسلاميه فى مصر و شايف ان ده كلها مسميات علشان يضحكوا بيها على الناس الغلابه الى مش فاهمه حاجه فى الدين وانا واحد منهم بس لما شيخ جليل زى ده قللك ان بنك فيصل فرع مدينة نصر عدل قوانيه و بقى حلال هل ممكن تشترى عربيه من بنك فيصل فرع مدينة نصر ولا برده شايف انه حرام

انا فعلا حتفرس فرسة هباب

طيب يعني مثلا عربية تمنها 10000 البنك الأهلي اللي مش اسلامي حيبعهالي بفايدة مثلا 13% فقول يوصل ثمن العربية 13000 في الأخر

إنما بنك فيصل حيبعهالي بـ 13000 ألف من أولها

فين بقي الأسلامي و فين بقي اللي مش اسلامي؟

احنا بنضحك علي نفسنا يا جدعان و لا بنستهبل بعض علشان نسميها اسلامي و خلاص

و الله انا لو اللي حديهالي بـ 12900 و مسمي نفسة يهودي حروحلة و اقولة شكرا با برنس

احنا بنضحك علي مين؟

هذة تجربتى :
انا كنت بادور على عربية بالتقسيط الاسلامى برضة فلفيت كتير وسألت كتير ووصلت للاتى:

1. مصرف أبو ظبى الاسلامى اللى هو كان البنك الوطنى للتنمية و اشتروا منة 51.3 % بعد ما خسر وفلس.
2. بنك التمويل المصرى السعودى.

دول شغالين برضة بالنظام الاسلامى يعنى هوا يشترى العربية الاول و بعدين يقسطهالك مش يديك قرض ( قرض حسن - ربا فاحش) و تروح تشترى العربية و يقسطلك الفلوس هنا الاختلاف ودة الحلال لو انت حريص عليه .

بنك التمويل المصرى السعودى تقولة عايز عربية جديدة وممكن كسر الزيرو من التوكيل أو اجانس معين فيروح يشتريها و يبعهالك بالتقسيط بس كان عايز شخص اخر يضمنى أما فى مصرف أبو ظبى الاسلامى فلما سألت كان لازم العربية تكون جديدة والضمانات اخف .
الكلام دة كان السنة اللى فاتت ممكن يكونوا يغيروا سياستهم الان من حيث الضمانات و الاوراق المطلوبة و

قيمة القسط و عدد السنين و كل حاجة ...

وممكن تروح أى بنك و تسأل كل االى انتة عاوز تعرفة بسهولة .


.

*. و انا بادور سألت فى أحد التوكيلات الكبيرة و اعتقد الراجل كان أخ مسيحى فسالتة انت بتبيع العربية لي ولا للبنك فنظرلى و قالى انت بتسال عن الحلال والحرام قلتلة ايوة قالى طبعا حرام و دلنى على مصرف ابوظبى الاسلامى كأحد البنوك الاسلامية و قالى هما اللى بييجوا يشتروا العربية مع الزبون ودة طبعا رأية الشخصى.


الموضوع كلة طريقة كتابة الورق والعقود
http://www.islamonline.net/servlet/S...=1122528623732

http://www.islamonline.net/servlet/S...=1122528605036

المهم انا فى الاخراستلفت مبلغ من قريب لى و دخلت بيهم جمعية على سنتين و حاطيت مبلغ تانى معاية عليهم و جبت عربية استعمال ماشية معاية زى الفل ربنا يباركلى فيها ..


والله أعلى و أعلم

يا حدعان اية اللي بتقولوة دة؟

سلعة بالفلوس و فلوس بفلوس اية؟

انتوا متعرفوش ان الفلوس اساسا هي تعبير عن سلعة؟
هو يعني اية انك تمتلك دولار؟ يعني الولايات المتحدة مدينة ليك بما قيمتة واحد دولار سلع امريكية، هو دة تعريف الدولار و هو دة تعريف العملة، المفترض أن العملة تساوي منتجات و سلع اساسا، و علشان كدة ظهر في الأقتصاد اختراع اسمة التضخم و علشان كدة قيمة العملة بتطلع و تنزل.

انتوا بس علشان ماشيين بمنطق مصر اللي هو إطبع يا بطرس حاضر يا ريس فالدنيا خرابة و الجنية مبقاش يجيب رغيفين عيش

انما في الواقع ورقة البنكنوت هي سلعة.

أما بقي موضوع الأزمة المالية و خفض اسعار الفائدة للزيرو فدة تم علي الودائع مش علي القروض، و كان الهدف منة أن الناس تنزل فلوسها السوق علشان السوق يمشي و يفك من الأزمة ملوش علاقة إطلاقة بسوء نظام الفايدة.

و بعدين يعني هو انت مش كدة كدة في الحالتين ماضي شيكات؟ و كدة كدة لو مسددتش حتروح المحكمة، و في الغالب البنك حيستولي علي العربية.

و علي فكرة سيتي بنك بيدفع فلوس العربية كاملة للتاجر و بعدها بيستفرد بسعادتك تسددلة مش تسدد للتاجر.http://www.nilemotors.net

و علي فكرة أحيانا في المدد قصيرة المدي بتبقي الفائدة أعلي في الأسلامي من العادي، دة غير طبعا أني لو قولت للبنك حقسط العربية علي سنة حيبقي سعرها أقل مما لو حقسطها علي خمسة.

لسة السؤال مستمر إحنا بنضحك علي مين؟