بنك فيصل الأسلامى فقط الى بيقسط بطريقه اسلاميه 100%

**ahmed4000** · 03-08-2009 01:20 PM

انا درست اقتصاد اسلامى لفترة بسيطة ومع علماء كبار (للاسف مش مصريين)
وكانت الفكرة ان البنك ممكن يوكلك انك تنزل تدور على العربية وتشوف احسن نوع وكمان تستلم
متفرقش حاجة فى عملية البيع مهو البنك اللى بايعلك ومين قال ان كل ممول او بنك لازم يكون بيمتلك السلعة دى اصلا
ايه المشكلة انه يشتريها مخصوص علشان يبعهالك

وموضوع شرا صورى، طيب مكل بائع بيشترى السلعة بالاساس علشان يبيعها لغيره مش علشان يحتفظ بيها، وممكن متقعدش السلعة عنده اصلا يبقى هل ينفع اقول انه شرا صورى؟

**mhoss** · 03-08-2009 02:18 PM

المشاركة الأصلية كتبت بواسطة ahmed4000

انا درست اقتصاد اسلامى لفترة بسيطة ومع علماء كبار (للاسف مش مصريين)
وكانت الفكرة ان البنك ممكن يوكلك انك تنزل تدور على العربية وتشوف احسن نوع وكمان تستلم
متفرقش حاجة فى عملية البيع مهو البنك اللى بايعلك ومين قال ان كل ممول او بنك لازم يكون بيمتلك السلعة دى اصلا
ايه المشكلة انه يشتريها مخصوص علشان يبعهالك

وموضوع شرا صورى، طيب مكل بائع بيشترى السلعة بالاساس علشان يبيعها لغيره مش علشان يحتفظ بيها، وممكن متقعدش السلعة عنده اصلا يبقى هل ينفع اقول انه شرا صورى؟

الأصل فى المسألة هو البيع قبل تملك السلعه....
نهى رسول الله صلي الله عليه وسلم عن بيع ما لا نملك حيث قال لحكيم بن حزام "لا تبع ما لا تملك"،

ممكن أى شخص يشترى سلعة و يقوم ببيعها لغيره بعد تملكها و حيازتها إن كانت من السلع التى يمكن حيازتها كالطعام و الاثاث و السيارات و ما إلى ذلك...و جزاك الله ىخيراً

**ahmed4000** · 03-08-2009 03:53 PM

انا عارف طبعا نقطة النهى عن بيع ما لا املك
بس اللى بقول انه مش لازم التملك انها تدخل فى حيازته لفترة طويلة وتستقر فيها
ممكن حتى ميستلمهاش ويبعيها لحد تانى
او حتى يوكل حد تانى يستلمها (فى حالتنا هنا اللى حيشترى العربية)
والله اعلم

**mhoss** · 03-08-2009 04:06 PM

المشاركة الأصلية كتبت بواسطة ahmed4000

انا عارف طبعا نقطة النهى عن بيع ما لا املك
بس اللى بقول انه مش لازم التملك انها تدخل فى حيازته لفترة طويلة وتستقر فيها
ممكن حتى ميستلمهاش ويبعيها لحد تانى
او حتى يوكل حد تانى يستلمها (فى حالتنا هنا اللى حيشترى العربية)
والله اعلم

لا اعلم...لازم نسأل فيها عالم...و الله المستعان

**R A N A** · 03-08-2009 04:19 PM

المشاركة الأصلية كتبت بواسطة mhoss

السؤال هنا هل البيع الأول من المعرض للبنك يعتبر بيع حقيقى أم بيع صورى؟...لا أعلم... يسأل فى هذا أهل العلم مثل الشيخ على السالوس...

و سؤال أخر....

هل توجد غرامات تأخير على الأقساط المؤجلة؟

أولاً انا ايه اللي يأكدلي ان البيع صوري ولا حقيقي؟
انا اللي ليا ورقة العقد اللي اطلعت عليها بنفسي وشوفت فيها بيانات العربية كاملة برقم الشاسيه بتاعها (رقم الشاسيه اهميته عشان متتبدلش بعربية تانية وعشان تكون سلعة بعينها) والعقد مكتوب فيه بوضوح ان العربية اصبحت ملك للبنك وله حرية التصرف فيها أوبيعها وانها موجودة في المعرض على سبيل الامانة لحين استلامها.
اعتقد اني ماليش اكتر من ورق مكتوب ومختوم بختم البنك وممضي من المعرض اصلي مش هاروح اشوف البنك بنفسي دفلعه الفلوس قدام عيني ولا لأ وهل فعلا العربية اصبحت ملك للبنك رغم وجود العقد ولا لأ؟ كون العقد صوري او حقيقي دي ترجع للبنك والمعرض مع بعض انا ماليش ذنب فيها بالعكس انا جيت على نفسي واتحملت فايدة اكتر (كان قدامي بنوك تانية بفايدة 6% وأنا رفضت) واشتريتها عن طريق البنك ده مخصوص عشان اجتنب الشبهات طب اعمل ايه تاني اكتر من كده؟

ولو البنك اشترى العربية ومدفعش فلوسها وقتها وقال للمعرض قدامك اسبوع واسددلك تمنها (والبيع بالآجل اعتقد مباح) وبعد مانا رخصت المعرض راح المعرض سلم ورقه للبنك وأخد فلوسه هل ده يحُرم؟
بالنسبة لبند الغرامة كان موجود في العقد القديم لكنه الحمد لله اتلغى واتحذف من العقد تماما والعقد اللي انا مضيت عليه مفيهوش بند غرامة التأخير ده تماماً ومبقاش في اي غرامة على تأخير الاقساط وفي حالة تأخير الأقساط والتأكد من ان العميل بيماطل ، يقوم البنك بإتخاذ الاإجراءات القانونية بتاعته

.

على فكرة انا حاولت في الاول اتعامل مع بنك فيصل لإنكوا ذكرتوا هنا انه اجراءاته شرعية لكن لاقيت معاملتهم سيئة جدا جدا وحسسوني اني هاخد قرض بييجي 50 مليون جنيه واهرب بره البلد مش حتة عربية تمنها ميكملش 80 الف جنيه وكمان هادفع 30% من تمنها مقدم

والموظف بتاعهم مش بيتابع وبينفض ومش مهتم بالعملاء بتوعه خالص وبيقولي مش بنتعامل غير مع الشركات الحكومية او شركات القطاع الخاص الكبييييييييييييرة

مع ان شركتى واحدة من ضمن مجموعة شركات وعدد موظفين شركتى بس اكتر من 150 موظف ده غير موظفين باقي شركات المجموعة، لأ وكمان بيشترط وجود ضامن والغريب إنه حاول يقنعني اني اخلي والدي هو اللي ياخد منهم العربية عشان موظف حكومة قلتله والدي قدامه 3 سنين ويطلع معاش يقوللي خلاص قسطيها على 3 سنين

قلتله انا عايزة العربية ليا انا وهاقسطها على 5 سنين انت عايز تمشينى على مزاجك ليه مش فاهمة حضرتك انا لجأت لبنك فيصل بالذات عشان قالوا ان نظامه اسلامي هو انتوا ليه عايزين تصعبوا الموضوع علينا وتكرهوا الناس في الدين قاللي طب هاشوف واكلمك وفضل حوالي شهر ولا سأل ولا عبر لحد ماتصلت انا واشتكيته لمديره وقررت اني مش هاتعامل مع البنك ده لو حتى هايديني العربية بدون فوايد اصلا

.
لكن الصراحة بنك ابوظبي تعاملهم محترم والمندوب بتاعهم كان بيتابعني لحد ماستلمت عربيتي.
ممكن حد يقولي ايه الفرق بين بنك فيصل وبنك ابو ظبي في الإجراءات ؟ لو حد قسط معاهم يعني من الأعضاء؟

**ahmed4000** · 03-08-2009 04:25 PM

الحقيقة انا تعاملت مع بنك ناصر ونفذ كل الكلام ده ولقيت عقد شرا للعربية من المعرض وبعدين عقد بيع ليا
ومالزمنيش بتامين خالص من اى نوع
ومفيش غرامات تاخير لان ببساطة القسط بيتحول من المرتب

بس هو عيبه انه لازم يكون موظف حكومة او الضامن حكومة

**R A N A** · 03-08-2009 04:39 PM

المشاركة الأصلية كتبت بواسطة ahmed4000

الحقيقة انا تعاملت مع بنك ناصر ونفذ كل الكلام ده ولقيت عقد شرا للعربية من المعرض وبعدين عقد بيع ليا
ومالزمنيش بتامين خالص من اى نوع
ومفيش غرامات تاخير لان ببساطة القسط بيتحول من المرتب

بس هو عيبه انه لازم يكون موظف حكومة او الضامن حكومة

ماهو انا كان نفسي اخد العربية من بنك ناصر وكنت هاوفر مبلغ كويس لكنه اشترط وجود 2 ضامنين موظفين حكومة أو اكتر كمان (لإن طبعا مرتب اتنين ضامن ين ممكن ميغطيش ضعفين او 3 اضعاف القسط) الموظف قاللي هاتي اقل حاجة 2 ضامنين وطبعا انا اساسا مكنتش عارفة اجيب ضامن واحد هاجيبه 2 او 3 او 5 منين بس

عشان كده قسطت مع بنك ابو ظبي الاسلامي هو بس بيشترط إنك تأمن على العربية طول فترة القسط لكن مفيش غرامة تأخير والحمد لله

**mhoss** · 03-08-2009 04:40 PM

زى ما قولت لحضرتك يجب استشارة فقيه اقتصادى زى الدكتور على السالوس و أنا كتبت رقم تليفونه...

و التحرى قبل الشراء كان أوجب منه بعد الشراء و جزاك الله خيراً على تجنبك الشبهات...

و حكم من تعامل بمعاملة محرمة في الماضي ، فإن كان وقتها لا يعلم بتحريمها ، وأقدم عليها وهو يظن أنها حلال فلا شيء عليه ،
لقول الله تعالى بعد ما ذكر تحريم الربا
( فمن جاءه موعظة من ربه فانتهى فله ما سلف ) البقرة / 275

**Abomar77** · 14-10-2009 07:29 PM

جزاكم الله خيراُ ...

**shevechinco** · 02-11-2009 09:41 AM

المشاركة الأصلية كتبت بواسطة ahmed4000

الحقيقة انا تعاملت مع بنك ناصر ونفذ كل الكلام ده ولقيت عقد شرا للعربية من المعرض وبعدين عقد بيع ليا
ومالزمنيش بتامين خالص من اى نوع
ومفيش غرامات تاخير لان ببساطة القسط بيتحول من المرتب

بس هو عيبه انه لازم يكون موظف حكومة او الضامن حكومة

افهم من كدة يا جماعة ان بنك ناصر بيشتري العربية الاول بعقد بيع من المعرض ثم يقم ببيع العربية بصفتة المالك لها و لا يوجد تامين ؟
فهل هوة دة البيع الحلال علي حسب مافهمت من الموضوع