بنك فيصل الأسلامى فقط الى بيقسط بطريقه اسلاميه 100%

**dody_nany** · 27-10-2008 10:01 AM

انا بعت سؤالى عن شراء العربيه من معرض عن طريق بنك وجه الرد كالتالى ويا ريت كل المعترضين نوقف الجدل و نحترم اراء العلماء الى اعلم منا

الاسم: السيد مبروك صقر
الوظيفة: مدرس أصول الفقه بكلية الشريعة والقانون -جامعة الأزهر.

المؤهلات العلمية:
حاصل على درجة الدكتوراه في أصول الفقه وعنوانها "فتاوى الإمام محمد عبده وتخريجها على القواعد الأصولية"- من كلية الشريعة والقانون- جامعة الأزهر.
حاصل على درجة الماجستير في أصول الفقه وعنوانها "دراسة أصولية في حروف العطف وأثرها في استباط الأحكام" - كلية الشريعة والقانون -جامعة الأزهر-
ليسانس الشريعة والقانون -جامعة الأزهر 1991م.

أنشطة أخرى:
عضو الاتحاد العالمي لعلماء المسلمين
باحث شرعي بشبكة إسلام أون لاين.

السلام عليكم شيخنا الجليل
كنت اود ان اشتري سيارة بالقسط
يعني نظام ادفع مقدم لمغرض السيارات وبقية المبلغ يتم تقسيطه مع اخذ فائدة عليه لبتك
فهل في هذا الامر شئ؟

يعني هل هناك حرمانية لالك الفائدة التي تؤخذ

علما بأن هذا النظام هو المتبع في كل معارض السيارات هنا في مصر

فهلا افدتني شيخي الكريم حتى لا نشتري سيارة يكون فيها ولو شبهة ربا اعزكم الله

بسم الله، والحمد لله، والصلاة والسلام على رسول الله، وعليكم السلام ورحمة الله وبركاته، وجزاكم الله خيرا، وبعد :

إذا كان البنك يدفع لك السعر ويقسطع عليك بزيادة مقابل التقسيط فهذه صورة من صور الربا، حيث إن البنك إنما يقوم بدور المقرض فحسب.

والصورة الصحيحة التي يمكن أن تشتري بها بتمويل البنك هي بيع المرابحة، وهو أن يقوم البنك بامتلاك السيارة ، بناء على طلبك ، ولا مانع من تعهدك بشرائها منه بعد تمله إياها، ثم يقوم ببيع السيارة لك بالتقسيط ، وهذه الصورة لاشيء فيها لو فرضنا أنها موجودة ، والبنوك التي تتعامل بهذه الصورة هي البنوك الإسلامية .

وينبغي التأكد من أن البنك يشتري السيارة فعلا، كما ينبغي التأكد أن البنك لا يبيع إلا بعد التملك الفعلي ، وإتمام إجراءات نقل الملكية.

ولا بد من تسجيل السيارة باسم البنك قبل بيعها للمشتري، واكتفى بعض العلماء بكتابة عقد ابتدائي بين صاحب السيارة وبين البنك دون الحاجة إلى التسجيل لكن التسجيل أولى خروجا من الخلاف.

وعلى أية حال فيجب نقل ملكية السيارة إلى البنك، ونقل كافة مستنداتها إلى البنك قبل أن يقوم ببيعها. ولا يقوم بهذا إلا البنوك الإسلامية عادة.

والبنوك غير الإسلامية في مثل هذه الحالات لا تشتري السيارة، ولكنها تقرض من يريد شراء السيارة ثمن شرائها، وتدفع قيمة القرض لمالك السيارة بضمان السيارة، وتأخذ زيادة ربوية في مقابل هذا الإقراض، فيكون المعرض قد باع السيارة للعميل بمبلغ نقدا إلا أن العميل لا يستطيع توفير هذا المبلغ نقدا، فيقرضه البنك هذا المبلغ، ويتم تحويل هذا المبلغ من البنك للمعرض مباشرة دون أن يتسلمه العميل، ويكون البنك هنا مجرد ممول ، ويتلقى فائدة ربوية مقابل هذا القرض وهذا ربا حرام. وهذا ينطبق على الصورة التي عرضتها في سؤالك، فعلى ذلك فلا يجوز.

فإذا أراد أي بنك أن يبيع لك سيارة عن طريق ببيع المرابحة، فلهذا البيع خطوات لا بد أن تمر من خلالها حتى تكون الصورة مشروعة، وإلا كانت مجرد تمويل ربوي.
وإليك هذه الخطوات :-

أ-طلب من العميل يقدمه للمصرف لشراء سلعة موصوفة.

ب-قبول من المصرف لشراء السلعة الموصوفة.

ج-وعد من العميل لشراء السلعة الموصوفة من المصرف بعد تملك المصرف لها.

د-وعد من المصرف ببيع السلعة الموصوفة للعميل .

هـ-شراء المصرف للسلعة الموصوفة نقداًَ، ( لاحظ المصرف هو الذي يقوم بالشراء لنفسه دون تدخل من العميل، ويقوم بحيازتها، وبعض العلماء يجيز هنا أن يوكل البنك العميل في عملية الشراء هذه، أي أن يحصل العميل على عقد وكالة من البنك له بمقتضاه يشتري العميل السيارة من صاحبها للبنك وليس لنفسه، ولكن مجمع الفقه كره هذه الوكالة لما فيها من معنى الصورية)

و-بيع المصرف للسلعة الموصوفة بعد شرائها وحيازتها للعميل بأجل مع زيادة ربح متفق عليها بين المصرف والعميل.

فإذا قبل البنك بأن يبيع لك السيارة مرورا بهذه الخطوات فلا مانع من ذلك شرعا إسلاميا كان البنك أو غيره.

والذي نحب أن نبينه لك الآتي:-

أولا : أن هذه الخطوات لا بد أن تكون مرتبة، وليس شرطا أن تتم من خلال عقود مكتوبة، فلا مانع من المرور بها شفويا، على أن تكون الخطوة الأخيرة هي بيع السيارة بعد أن يتملكها البنك بالفعل.
فإذا أعطاك البنك المال بيدك على أن تشتري به السيارة التي تريد فهذا لا يجوز، ويكون صورة ربوية، سواء أكان القرض باسمك أو باسم السيارة.

ثانيا:- يجب أن تكون هذه الأرباح المئوية غير منصوص عليها بالعقد مفصولة عن الربح، ولكن لا مانع من أن تتفاهم مع مندوب البنك بهذه الطريقة دون أن يسجل ذلك في العقد، أعني أن حساب الربح بالنسبة المئوية لا شيء فيه شرعا، بشرط أن يتفق البنك والبائع على مدة زمنية معينة للتقسيط عند التعاقد، ولا يتركا ذلك للمشيئة والظروف بعد العقد.

والله أعلم

**عمرو عمارة** · 27-10-2008 11:24 AM

المشاركة الأصلية كتبت بواسطة dody_nany

وينبغي التأكد من أن البنك يشتري السيارة فعلا، كما ينبغي التأكد أن البنك لا يبيع إلا بعد التملك الفعلي ، وإتمام إجراءات نقل الملكية.

ولا بد من تسجيل السيارة باسم البنك قبل بيعها للمشتري، واكتفى بعض العلماء بكتابة عقد ابتدائي بين صاحب السيارة وبين البنك دون الحاجة إلى التسجيل لكن التسجيل أولى خروجا من الخلاف.

وعلى أية حال فيجب نقل ملكية السيارة إلى البنك، ونقل كافة مستنداتها إلى البنك قبل أن يقوم ببيعها. ولا يقوم بهذا إلا البنوك الإسلامية عادة.

- للأسف البنوك مابتسجلش ولا بتعمل عقد إبتدائي وبيبيع العربية قبل إمتلاكها

المشاركة الأصلية كتبت بواسطة dody_nany

والبنوك غير الإسلامية في مثل هذه الحالات لا تشتري السيارة، ولكنها تقرض من يريد شراء السيارة ثمن شرائها، وتدفع قيمة القرض لمالك السيارة بضمان السيارة، وتأخذ زيادة ربوية في مقابل هذا الإقراض، فيكون المعرض قد باع السيارة للعميل بمبلغ نقدا إلا أن العميل لا يستطيع توفير هذا المبلغ نقدا، فيقرضه البنك هذا المبلغ، ويتم تحويل هذا المبلغ من البنك للمعرض مباشرة دون أن يتسلمه العميل، ويكون البنك هنا مجرد ممول ، ويتلقى فائدة ربوية مقابل هذا القرض وهذا ربا حرام. وهذا ينطبق على الصورة التي عرضتها في سؤالك، فعلى ذلك فلا يجوز.

ودي نفس الخطوات الي البنك إتبعها!!!!!؟؟؟..............

**أبومعاذ** · 27-10-2008 01:28 PM

المشاركة الأصلية كتبت بواسطة محمدعيسى

يا جماعة الشيخ علي السالوس اطلع على كل اجراءات البنك بنفسه و كل الاوراق و العقود(فرع عباس العقاد) وهو يؤكد على ان المعاملة دي حلال وهو اكيد من اعلم الناس بالمعاملات دي

المشاركة الأصلية كتبت بواسطة ahmed1981

أتفق معك

ولا داعي للجدال وتضييع الأوقات
فالعلماء الثقة هم من لهم الأهلية لإصدار الأحكام وليس العامة

وطالما الشيخ علي السالوس قال إن بنك فيصل فرع عباس العقاد تقسيطة إسلامي يبقى إسلامي
ولا داعي للجدال

ومن يرى أن هناك بعض الشبهات ويريد التورع فليتورع لنفسه ولا يفرض التورع على الناس (التورع هو ترك بعض المباح خشية الوصول للشبهات أو للحرام )

أحب أكرر كلام الأخ أحمد للمرة التانية بس ياريت حد يقراه المرادي
يا أخوانا هل في حد فيكم فقيه او عالم وعشان كدا بتحكموا برأيكم؟
الجواب لأ يبقى نسأل عالم و أحسن واحد يتسأل في الموضوع ده هو الشيخ علي السالوس
طيب يمكن الشيخ حد ضحك عليه او المعلومات اللي وصلته مش مظبوطة؟ لأ لأن الشيخ أكد أنه أطلع على كل الأوراق والإجراءات حتى عقد الـتأمين بتاعهم وأكد إن نظامهم حلال واللي في قلبه شيئ يرجع للشيخ بنفسه

**tamera** · 27-10-2008 01:50 PM

المشاركة الأصلية كتبت بواسطة محمدعيسى

أحب أكرر كلام الأخ أحمد للمرة التانية بس ياريت حد يقراه المرادي
يا أخوانا هل في حد فيكم فقيه او عالم وعشان كدا بتحكموا برأيكم؟
الجواب لأ يبقى نسأل عالم و أحسن واحد يتسأل في الموضوع ده هو الشيخ علي السالوس
طيب يمكن الشيخ حد ضحك عليه او المعلومات اللي وصلته مش مظبوطة؟ لأ لأن الشيخ أكد أنه أطلع على كل الأوراق والإجراءات حتى عقد الـتأمين بتاعهم وأكد إن نظامهم حلال واللي في قلبه شيئ يرجع للشيخ بنفسه

طب اذا كنت حضرتك اتأكدت بنفسك من الموضوع دا - ان الشيخ اكد انه اطلع على الاوراق - ممكن تقولنا نتأكد زيك ازاي؟

**tamera** · 27-10-2008 02:02 PM

أو ان الأخ اللي كلم الشيخ السالوس يقولنا التفاصيل بالظبط ,, وتبقى العهدة والتبعات عليه..

**mhoss** · 27-10-2008 02:18 PM

المشاركة الأصلية كتبت بواسطة tamera

أو ان الأخ اللي كلم الشيخ السالوس يقولنا التفاصيل بالظبط ,, وتبقى العهدة والتبعات عليه..

السؤال بقى ايه اللي حصل بعد كدا؟؟

مدير الفرع فعلاً أتصل بالشيخ و راجع العقد معاه و مدير الفرع كلم أخويا على الموبايل و قاله انه راجع كل البنود المختلف عليها مع الشيخ و الأجراءت كلها اصبحت شرعية و لله الحمد و المنة و دية نمرة الشيخ على السالوس كلمه بعد صلاة الظهر و المغرب و هو بيرد على التليفون بنفسه و ربنا يوفقنا للحلال
22717370

**R A N A** · 27-10-2008 05:57 PM

طب ياجماعة بالنسبة للناس المعارضين لنظام البنوك الإسلامية وبيقولوا انهم مش بيطبقوا الطرق الشرعية بطريقة سليمة وان لسة فيها شبهة حرام
ممكن تقولولنا حلول للمشكلة دي؟ يعني ازاي الواحد يقدر يشتري عربية زيرو بالتقسيط بطريقة شرعية مفيهشا شبهة حرام ومنين؟
ولا مفيش اي حلول والواحد لازم يستني لحد مايحوش تمن العربية كاش وعلى ماييجي يحوش تمنها كاش يكون العربية سعرها زاد الضعف يرجع يحوش تاني والحاجة تغلى وهكذا؟
ياريت حد يرد رد وافي فيه حلول عملية بجد عشان الموضوع محير لناس كتيرة نفسها تشتري عربية جديدة بس مش معاها التمن كله على بعضه لكن يقدر يقسط من مرتبه

**tamera** · 28-10-2008 10:43 AM

المشاركة الأصلية كتبت بواسطة mhoss

السؤال بقى ايه اللي حصل بعد كدا؟؟

مدير الفرع فعلاً أتصل بالشيخ و راجع العقد معاه و مدير الفرع كلم أخويا على الموبايل و قاله انه راجع كل البنود المختلف عليها مع الشيخ و الأجراءت كلها اصبحت شرعية و لله الحمد و المنة و دية نمرة الشيخ على السالوس كلمه بعد صلاة الظهر و المغرب و هو بيرد على التليفون بنفسه و ربنا يوفقنا للحلال
22717370

جزاك الله خيرا كثيرا..
الحمدلله كلمت الشيخ وقال لي كلام طيب الحمدلله واليكم مضمون المكالمة:

- السلام عليكم
- وعليكم السلام ورحمة الله وبركاته
- اقدر اكلم الشيخ علي
- اتفضل معك
- الشيخ علي؟؟
- نعم معك
- الشيخ علي السالوس؟؟؟؟؟
- نعم يا أخي....
- لو سمحت يا شيخنا لي استفسار عن التقسيط مع بنك فيصل
- اتفضل
- انا لما رحت للبنك كانوا عايزين يعملوا معايا عقد بيع قبل مايشتروا العربية
- هذا لايجوز لابد لهم من شراء السيارة أولا
- عموما يا شيخنا الكلام دا كان من فترة وسمعت ان حضرتك اطلعت على العقود وعدلتها
- نعم هذا في فرع عباس العقاد
- ماهو دا الفرع اللي انا رحته
- نعم، الآن قمنا بعمل تعديلات كثيرة في العقود و ان شاء الله يكون الامر منضبط
- جزاك الله خيرا يا شيخنا

ولقد أسعدني هذا الكلام كثيرا..

ولكن لي ملحوظة عجيبة شوية ألا وهي:

ان بنك فيصل اصبح يقسط تقسيط اسلامي من شهر واحد فقط (أو خلينا نقول 3 شهور على الأكثر)
يعني بنك فيصل لحد الشهر اللي فات بس مكانش بيقسط تقسيط اسلامي..
يعني من شهر فات مكانش في ولا فرع من فروع بنك فيصل بيقسط اسلامي ..
ومن شهر واحد بس اصبح فرع عباس العقاد هو اللي بيقسط تقسيط اسلامي..

ازاي الكلام دا؟
بالرجوع لتاريخ المشاركة التاليه وهو 6/7/2008

المشاركة الأصلية كتبت بواسطة mhoss

الشيخ على السالوس قال إن بنك فيصل فرع مدينة نصر بيعمل تأمين إسلامى( بس أنا مش عارف اسم الشركة ايه) و بالنسبة للأجراءت مدير الفرع هايراجع الشيخ على فى بنود التعاقد لأن الشيخ على قال لا يجب الزام العميل بالشراء و البنك كان بيمضيك على العقد و الشيكات قبل مايشترى العربية و الكلام ده بناء على مكالمة تليفونية من أخى للشيخ على فطلب منه الشيخ على الذهاب لمدير الفرع و الأتصال به من البنك و الشيخ وضح لمدير البنك هذة النقطة و المدير وعد اخويا بمراجعة و مقابلة الشيخ و الرد على اخويا فى خلال اسبوع و ربنا ييسر الخير و على فكرة الشيخ استغرب لما اخويا شرحله اجراءت البنك و علشان كده قاله روح البنك و كلمنى من هناك و الكلام ده كان يوم الخميس اللى فات الساعة 10 صباحاً

http://www.nilemotors.net/Nile/showt...t=5618&page=10

يعني المشاركة دي كانت من 3 شهور تقريبا,, يعني من 3 شهور كان اكيد بنك فيصل مش بيقسط اسلامي..
طب تفتكروا كم وقت يكفي لمدير البنك ان يتصل بالشيخ ويرتب معه ميعاد؟ اسبوعين مثلا؟ اظن معقول
طب تفتكروا كم وقت يكفي للمداولات والمباحثات بين البنك والشيخ ومراجعة العقود اكثر من مرة بعد كل تعديل واكيد فرع عباس العقاد بيعرض على الادارة الرئيسية للبنك علشان ياخد موافقتها وان مكانش كمان بيعرض على البنك المركزي اللي هو خاضع لأحكام قانونه
تفتكروا اد ايه وقت لحد ماتبقى العقود سارية ويوافق على تغير نظام يسير عليه البنك منذ سنين عديدة .. ؟
انا شخصيا شايف ان ال3 شهور مايكفوش بس خلينا متفائلين ونقول شهر ونصف .. يعني تعديل العقود لحد مابقت سارية في البنك اخد وقت شهرين من تاريخ المشاركة اللي هي من 3 شهور.. يبقى العقد الجديد ساري في البنك من شهر واحد بس..
واسمحوا لي اعيد الملاحظات تاني:

بنك فيصل اصبح يقسط تقسيط اسلامي من شهر واحد فقط (أو 3 شهور على الأكثر)
يعني بنك فيصل لحد الشهر اللي فات بس مكانش بيقسط تقسيط اسلامي..
يعني من شهر فات مكانش في ولا فرع من فروع بنك فيصل بيقسط اسلامي ..
ومن شهر واحد بس اصبح فرع عباس العقاد هو اللي بيقسط تقسيط اسلامي..

أرجو بقى ان محدش يبعت تاني ويقولي بطل جدل وبنك فيصل بيقسط اسلامي من زمان..
دا مبقالوش شهر اذا كانوا بدأوا فعلا في تنفيذ العقد... وبرضه شهر مش كفاية للحكم على البنك اللي فضل ماشي بنظام معين لعدة سنين وفجأة غيره من شهر واحد فقط او من 3 شهور ع الأكثر..

الشيء اللي انا بتعجب له الآن هو ليس موقف صاحب الموضوع ولكن موقف الناس اللي انبرت تدافع وتصول عن البنك انه اسلامي مائة بالمائة وبيقسط بطريقة حلال وتصف كل من يقول غير ذلك بالمجادل وانه يتكلم بغير علم وانه بيفطس كل حاجة وان الدولة هي اللي ضاحكة علينا ومفهمانا ان البنوك دي مش اسلامية ولا حاجة - مع اني بتكلم عن تجربة شخصية وكذلك الناس اللي قالت نفس كلامي -
واللي بيقول اختلاف العلماء رحمة !! مع ان العلماء مش مختلفين في الموضوع دا خالص.. كلهم بيقولوا نفس الرأي .. الخلاف كان على بنك فيصل نفسه بيعمل كدا ولا لأ!!
نفسي اعرف الناس دي كانت بتتكلم على اي اساس؟؟؟؟؟
هما اكيد بيتكلموا على اساس واحد من الاساسين التالين:
أول اساس:-
انهم كانوا على علم بموضوع اطلاع الشيخ على العقود وتعديلها وانها بقت سارية من شهر واحد فقط.. او حتى هانفترض ان التعديلات تمت في لحظتها يعني من 3 شهور ع الأكثر..
يعني كانوا بيدافعوا عن البنك باستماتة لأنه اصبح بيقسط اسلامي من شهر واحد فقط او من 3 شهور على الاكثر.. واللي يقولي كدا ملوش عندي تعليق الصراحة..
او ممكن تعليق بسيط وهو "طب كنت قول يا راجل"
تاني أساس:-
انهم كانوا بيدافعوا على غير اساس
يعني لمجرد ان البنك اسمه اسلامي وكلام بيتنقل بين الناس وخلاص... وان اللي يقول غير كدا يبقى مجادل و و و و
مع اني كنت بتكلم عن تجربة شخصية وواقعية .. وكل اللي اعترضوا في الموضوع دا بيتكلموا عن تجربة...وبشهادة الشيخ الذي نثق فيه كلنا وبتستشهدوا بكلامه ان العقود مكانتش مظبوطة و مش حلال..

يعني مش لاقي تفسير للمشاركة دي والتي لم يذكر فيها صاحبها متى حدث هذا الكلام ولا مصدر معلوماته:

المشاركة الأصلية كتبت بواسطة محمدعيسى

يا جماعة الشيخ علي السالوس اطلع على كل اجراءات البنك بنفسه و كل الاوراق و العقود(فرع عباس العقاد) وهو يؤكد على ان المعاملة دي حلال وهو اكيد من اعلم الناس بالمعاملات دي

مع ان المفروض اللي حصل ان الشيخ اطلع على العقود بعد مكالمة مدير البنك - من شهرين بس او 3 ع الأكثر - ووجدها غير شرعية ولذلك قام بعمل تعديلات كثيرة فيها كما ذكر
ياترى المعلومة دي نقلتها لكام واحد ومن كام شهر وانت بتقولها وكام واحد اخد بيها قبل مايتم تعديل العقود؟؟؟
ليه لما نقول الشيخ فلان قال كذا حلال مبنهتمش اننا نعرف الدليل والتفاصيل؟؟
مع ان في اقسام المنتدى هنا في المقارنات والكماليات والورشة بنهتم بتفاصيل التفاصيل عن العربية ومساحات العربية وكلاكس العربية؟
ولما بنيجي نروح لطبيب بنهتم انه يكون حاصل على ايه وايه ومعرفش ايه..؟
وليه في ناس بتتطوع وتتولى الدفاع عن قضايا خسرانة بدون ماتعرف تفاصيل عن القضية؟

للاسف الشديد زي ماهو في ظاهرة او مرض اسمه المغالاة والتشدد في ظاهرة خطيرة برضه اسمها التفريط والاستسهال بس للاسف المرض موضع الاهتمام فقط والمتعرض للهجوم هو المغالاة مع ان كلاهما خطر..
غير ان المعايير اختلفت دلوقتي واصبح التفريط اسمه وسطية والاعتدال اسمه تشدد !

احد المشايخ كان يرسم مربع ويقول الدين مثل هذا المربع ان دخلت فيه بقوة وتنطع وتشدد خرجت من الجانب الاخر من المربع وان دخلت فيه بتراخي وتفريط لم تدخل فيه اصلا..:)

وقال رسول الله صلى الله عليه وسلم: (يأتي على الناس زمان لا يبالي المرء ما أخذ، أمن الحلال أم من الحرام) هل اتى علينا هذا الزمان؟

تاني ياجماعة بذكركم ان بنك فيصل اصبح بيقسط اسلامي منذ شهر واحد فقط ... واظن دي حاجة تخلي الواحد يحتاط اوي ويتأكد من كل خطوة

حد فاهم يا جماعة انا بتكلم في ايه ولا انا بتكلم كلام غريب؟؟؟
ياريت لو حد من المتابعين للموضوع حاسس اني بتكلم كلام غريب يلفت نظري لو سمحتم

في النهاية ارجو من صاحب الموضوع ان يعمل موضوع تاني يسميه
بنك فيصل مكانش بيقسط اسلامي ولا حاجة
أو
بنك فيصل بقى يقسط اسلامي منذ شهر واحد فقط

ويذكر في هذا الموضوع رقم تليفون الشيخ السالوس علشان اللي عايز يقسط مع البنك يكلم الشيخ في كل خطوة بيعملها..
سؤال جدلي شوية - اصل اللي بيحب يفهم بيبقى مجادل-
هو ينفع فرع من البنك بس يمشي على نظام غير باقي البنوك؟؟ (مجرد سؤال للعلم بالشيء)
ولكم جزيل الشكر
اللهم استرنا واكفنا بحلالك عن حرامك
اللهم ارنا الحق حق وارزقنا اتباعه وارنا الباطل باطل وارزقنا اجتنابه