الموضوع: بحمد لله استلمت سوزوكي سويفت 2015 هاتشباك

المشاركة الأصلية كتبت بواسطة m.m.mohsen

أستاذ أيمن كنت محتاج أعرف من حضرتك هو أول ما أستلم العربية إن شاء الله همشى بيها على سرعات أيه لفترة أد ايه ؟؟ يعنى بمعنى أصح هلين العربية إزاى ؟ وهل اشغل التكييف عادى فى الاول لو احتجته ولا بعد فترة ؟

أهم حاجة الكتالوج بيقولها ... ما تطلعش طلعات فجائية أو تعمل إي تسارع مفاجئ

أو حمل زيادة على الموتور بمعنى ما تقطرش أي حاجة بالعربية

وبعد كدة بقى ما تخليش عدد لفات الموتور يزيد عن 2.5 أو 3 بالكثير ... يعني تقريبا سرعة 100 ك/س بالكثير

كل الكلام ده لغاية أول 600 ميل حسب الكتالوج ... أو 960 كيلومتر

بالإضافة لعدم الضغط على الفرامل بطريقة عنيفة أو مفاجئة أول 200 كيلو ... عشان طبعا التيل لسة بيطبع في الفترة دي ...

التكييف عادي هاتشغله وقت ما تحب مافيهوش مشكلة نهائي والكتالوج ما قالش محظور ولا حاجة ... وإن كان الجو دلوقتي كويس ما أعتقدش إنك هاتحتاج التكييف أصلا

واضح ان المشكله في التوكيل مش الطلب الكبير عليها عليها واضح ان المشكله اصلا ان الوكيل اتأخر في التعاقد عليها من المصنع في الهند لان الشحن من اسيا اكيد بياخد شهور ده غير ان ممكن الطلب من المصنع عالميا نفسه كبير ومفيش انتاج فائض للوكيل المصري حاليا

كان فيه هاتش باك فضى راكنة ادام البيت عندى من شوية :)

المشاركة الأصلية كتبت بواسطة أبو سهيل

أبيض و فضي
بس علي فكرة يا جماعه العربيه دي ظلمها الوكيل بتاعها و مش عايز اتكلم في النوايا لكن العربيه دي لو كانت متوفرة في السوق كأي عربيه كانت دمياط بس أكتر من 10000 عربيه خلال شهرين من عيد الفطر حتي عيد الأضحي و لكن الحمد لله علي كل شئ

العربية دي لو متوفرة زي بقية العربيات كان زمانها مغرقة مصر كلها مش دمياط بس ... ماتفهمش بقى مين من مصلحته تأخير العربية بهذا الشكل

المشاركة الأصلية كتبت بواسطة م/عصام امام

تخليو يا جماعة ان التوكيل ادي ميعاد بعد 9 شهور
طيب كدة هنكون دخلنا في السنة الجديدة هو ده معقول

في كلام على الفيس إن المشكلة دي هاتتحل بإذن الله على شهر ديسمبر ... وإن فترات الحجز هاتقل بشكل كبير عن اللى العملاء متبلغين بيه