الموضوع: بحمد لله استلمت سوزوكي سويفت 2015 هاتشباك

الف مبروك على العربية
وفعلا عربية محترمة وسعرها كمان عادل يارب تكمل بالسعر ده سنه او اكتر علشان تنتشر وتاخد حقها فى السوق

معدل استهلاك الوقود للناس اللى كانت عايزة تطمن على استهلاكها للوقود عامل إيه

أول ما خدتها من التوكيل كانت طبعا مصفرة وقود تماما ... هي بيكون فيها في حدود أقل من خمسة لتر ... المهم طلعت من النوكيل على بنزينة إمارات مصر اللى على الصحراوي .. وفولتها لغاية الزور وكان الوقت ساعتها الساعة 2 الظهر تقريبا .. يعني عز الحر


خدت لغاية الزور 47 لتر بالضبط ... وده برغم إن الكتالوج بيقول إن سعة تانك الوقود 42 لتر فقط

عملت 580 كيلومتر لغاية ما لمبة الوقود نورت ... كلها قيادة هادئة للغاية بدون تسارع فجائي أو حتى سرعات عالية .. آخر سرعة جبتها كانت 100 كيلومتر / س ... والضغط على دواسة الوقود بصورة هادئة في الأغلب الأعم من القيادة .. وبطعا أنا بنزل وسط البلد كتير من التجمع يعني نقدر نقول إن ظروف القيادة فيها زحمة كثير ...

و كمان 95 % التكييف شغال في الحر اللى إحنا فيه ده ... قليل قوي ما شغلتش التكييف لما خرجت بيها بالليل وده ما كانش كتير يمكن مرتين ثلاثة ولا حاجة

من الحاجات اللذيذة شاشة الاستهلاك اللحظي للوقود .. ودي بتديك قراءة لاستهلاك الوقود في التو واللحظة حسب دوسة قدمك على دواسة الوقود وإذا ما كانت العربية طالعة مطلع أو نازلة منزل أو ما إلى ذلك ... ودي مفيدة في إن الواحد يضبط رجله شوية على دواسة الوقود

كمبيوتر العربية كان بيقول إن متوسط الاستهلاك العام 17 كيلومتر / لتر ... بس أنا كنت متوقع أكثر من كدة

وبالفعل لما قولتها تاني خدت بالضبط 39 لتر لغاية الزور برضه من بنزبنة إمارات مصر اللى في التجمع

وبحسبة بسيطة 580 كيلومتر ÷ 39 لتر ... نلاقي إن اللتر = 14.8 كيلومتر

يعني العربية استهلاكها في أول مرة تفويل لها عملت بفضل الله ... 297 كيلومتر / 20 لتر

يعني ما شاء الله العربية استهلاكها زي الألتو الـ 800 سي سي بالضبط أو مقارب ليها بصورة كبيرة جدا


=================


نقطة كمان بالنسبة لسحب العربية

-------------------------------------

الناس اللى كانت أو قلقانة لسة من سحب العربية وبتسأل عليه باستمرار وهو عامل إيه مع الموتور الـ 1200 سي سي

............................

من قبل ما أجيب العربية وأنا متوقع إن سحبها هايكون كويس جدا مع الموتور لأن وزن العربية مناسب جدا ليه ومش تقيل عليه نهائي ... والحمد لله تأكدت من صحة ذلك بعد قيادتها .. العربية ما شاء الله سحبها ممتاز جدا ومش حاسس بأي تقصير نهائي من الناحية ده حتى في المطالع العالية العربية الحمد لله بتطلع كويس جدا ... برغم إني لسة مش بحاول أحرق عليها في الغيارات نهائي

كل الكلام ده من غير تجربة الكيك داون بتاعها غير مرة واحدة من غير ما أقصد رجلي كانت تقيلة على دواسة البنزين وراحت هي مسقطة نقلة لوحدها وطالعة جامد ... وكانت طلعتها سريعة وقوية وكويسة مقارنة بالبروتون مثلا

غير إن فيها زرار أوفر درايف بيقفل عدد نقلات الفتيس على 3 نقلات فقط بدلا من 4 .. وبيخليه ما ينقلش غير على rpm عالي عند أعلى عزم للموتور لكل نقلة

الف مبروك ربنا يديك خيرها ويكفيك شرها

ماشاء الله استهلاك البنزين ممتاز .. ولسه لما تجربها في مشوار سفر هتنبهر بالاستهلاك ان شاء الله

وبالنسبه للسحب اكيد ١٢٠٠ مش قليل على حجم ووزن العربيه .. يعني الكورولا القديمه او السيتي ١٣٠٠ وماشاء الله زي الفل في السحب وعلى حجمهم ووزنهم ده

النقطه اللي عايز اسال عنها .. اخبار العفشه ايه ؟ وهل فيه صوت تخبيط في العفشه في الشوارع المكسره ؟

الكاتينه جنزير ولا سير ؟

المشاركة الأصلية كتبت بواسطة dr_smart

الف مبروك ربنا يديك خيرها ويكفيك شرها

ماشاء الله استهلاك البنزين ممتاز .. ولسه لما تجربها في مشوار سفر هتنبهر بالاستهلاك ان شاء الله

وبالنسبه للسحب اكيد ١٢٠٠ مش قليل على حجم ووزن العربيه .. يعني الكورولا القديمه او السيتي ١٣٠٠ وماشاء الله زي الفل في السحب وعلى حجمهم ووزنهم ده

النقطه اللي عايز اسال عنها .. اخبار العفشه ايه ؟ وهل فيه صوت تخبيط في العفشه في الشوارع المكسره ؟

الكاتينه جنزير ولا سير ؟

هي العفشة مش بتخبط ولكنها ناشفة شوية زيادة على عربية بالارتفاع ده ...

... في الشوارع المكسرة يعني الأصوات العادية .. مش مقرفة يعني

سير الكاتينة جنزير مش كاوتش

المشاركة الأصلية كتبت بواسطة D . a .\ AYMAN

هي العفشة مش بتخبط ولكنها ناشفة شوية زيادة على عربية بالارتفاع ده ...

... في الشوارع المكسرة يعني الأصوات العادية .. مش مقرفة يعني

سير الكاتينة جنزير مش كاوتش

اللى فهمته انها عاليه و النشفان شويه ده بتهيألى بيدى ثبات - صح ؟
ويعنى عفشتها متعبه يا باشا و لا مريحه و لا وسط و لا ايه ؟؟