بحمد لله استلمت سوزوكي سويفت 2015 هاتشباك

**Shiemaa** · 20-08-2014 05:05 PM

هي فيها منها فاميه ولا لا

**sam_777** · 21-08-2014 08:35 AM

انا سألت امبارح في القرش قالي مفيش دلوقتي وتوصل كمان 10 ايام ، طب احجز دلوقتي قالي لا مفيش حجز دلوقتي لما توصل حضرتك ممكن تيجي تحجز ( مش عارف الكلام ده صح ولا ايه ) وبعدين سألت في المصرية قالي تحجز دلوقتي وتستلم كمان اسبوع ، بس المفاجأه ان سعرها عند المصرية ب 109000 !!!!! ،،، مش عارف بئى القرش مرضاش يخليني احجز عشان هيغلي هو كمان ولا ايه ، والمشكلة اني مستعجل عليها ومش هقدر استنى فترة الانتظار بتاعة التوكيل طبعا ، ولو فعلا غليت وبقت بالسعر ده انا شايف ان بالسعر ده او ازود عليه حاجه بسيطة واجيب عربية افضل من دي ،،، انتوا شايفين ايه ياريت تفيدوني ؟؟؟!

**أبو_يوسف** · 21-08-2014 08:44 AM

أنا بس خايف الوكيل يتغر ويرفع السعر بسبب الاقبال..
مع ان نسبة كبيرة جدا من عوامل الاقبال عليها ترجع للسعر..

**sam_777** · 21-08-2014 08:52 AM

المشاركة الأصلية كتبت بواسطة timtim

أنا بس خايف الوكيل يتغر ويرفع السعر بسبب الاقبال..
مع ان نسبة كبيرة جدا من عوامل الاقبال عليها ترجع للسعر..

بالظبط انا شايف ان سعرها مع امكانيتها كويس ، انما لو سعرها غلي وامكانيتها زي ما هي اعتقد هيكون في بديل تاني

**sa7fy** · 21-08-2014 12:29 PM

طب معلش يا دكتور أيمن كنت عايز افهم معنى ان العفشه ناشفه ؟ يعنى بحس جامد بالمطبات زى الالتو والماروتى كده ولا ايه بالظبط ؟ يعنى ناشفه اوى ولا اللى الواحد ميحسهاش اوى ؟

**D . a .\ AYMAN** · 21-08-2014 02:57 PM

المشاركة الأصلية كتبت بواسطة shiemaa

هي فيها منها فاميه ولا لا

لأ مافيش منها زجاج فاميه

المشاركة الأصلية كتبت بواسطة timtim

أنا بس خايف الوكيل يتغر ويرفع السعر بسبب الاقبال..
مع ان نسبة كبيرة جدا من عوامل الاقبال عليها ترجع للسعر..

لا أعتقد إنه يعمل الحركة دي .. لأنه أكيد فاهم إن أحد الأسباب الرئيسية للإقبال عليها هو السعر .. لأن نسبة كبيرة من الناس خايفة من عدم انتشارها أساسا

عمره ما هيعمل الحركة غير لما العربية تحقق انتشار كويس وبعد كدة هايرفع السعر لازم زيه زي أي حد في مصر

المشاركة الأصلية كتبت بواسطة sa7fy

طب معلش يا دكتور أيمن كنت عايز افهم معنى ان العفشه ناشفه ؟ يعنى بحس جامد بالمطبات زى الالتو والماروتى كده ولا ايه بالظبط ؟ يعنى ناشفه اوى ولا اللى الواحد ميحسهاش اوى ؟

العفشة ناشفة يعني مش بتاخد ودي مع المطبات وبالذات النقر والحفر اللى في الطريق بنعومة ... أو بمعنى آخر راكب السيارة بيحس بكل تغير في تضاريس الطريق

في عربيات مثلا ... وبالذات العفشة مستقلة التعليق ومتعددة نقاط التعليق وما إلى ذلك ... في الأغلب بتاخد مطب مثلا أو حفرة من غير ما راكب السيارة يشعر بيه أساسا ... وده بيرجع لنوع التعليق زي ما لمحت وكمان اتساع وحجم ومقاييس قاعدة عجلات السيارة وحجم ومقاييس الجنوط والكاوتش نسبة لمقاييس السيارة ذاتها

عشان كدة في الغالب بتكون العربيات ذات الحجم الصغير وقاعدة العجلات الصغيرة دايما بتكون العفشة بتاعتها مش بتاخد وتدي بنعومة مع تضاريس الطريق ... والعكس صحيح العربيات ذات الحجم الكبير بتكون مريحة جدا في القعدة بتاعتها ومش بتحس بتضاريس الطريق قوي ( وده في الغالب زي ما قلت .. يعني استثناء ده مثلا الجيب الشيروكي الليمتد أو حتى الجراند الموديل القديم بتاع 2010 تقريبا لما ركبتهم كانت عربية غبية جدا على الطريق وتجيب الغضروف من مشوار واحد وأعرف كذا واحد من زملائي باعوها للسبب ذاته )

وللسبب ده كنت متوقع تكون عفشة السويفت ناعمة عن مثيلاتها من البيكانتو والريو والسانديرو والأتراج ... لعدة أسباب من مواصفات السيارة المكتوبة ... زي قاعدة العجلات الأكبر وحجم ومقاييس العجل بتاعها الأكبر منهم كلهم

لكن واضح إنهم عشان يخلوا العربية ذات ثبات مناسب عند المناورات والمنحنيات بالرغم من ارتفاعها الملحوظ عن الأرض عملوا مواصفات العفشة أنشف شوية

**Shiemaa** · 21-08-2014 03:27 PM

انا ركبت مع واحدة صحبتي البيكانتو كنت فعلا بحس بكل زلطة ومطب ع الطريق لكن لما بركب مع واحدة صحبتي تانية الاكسنت مبحسش كده خالص

**Sameh3k2000** · 21-08-2014 03:34 PM

المشاركة الأصلية كتبت بواسطة D . a .\ AYMAN

لأ مافيش منها زجاج فاميه

لا أعتقد إنه يعمل الحركة دي .. لأنه أكيد فاهم إن أحد الأسباب الرئيسية للإقبال عليها هو السعر .. لأن نسبة كبيرة من الناس خايفة من عدم انتشارها أساسا

عمره ما هيعمل الحركة غير لما العربية تحقق انتشار كويس وبعد كدة هايرفع السعر لازم زيه زي أي حد في مصر

العفشة ناشفة يعني مش بتاخد ودي مع المطبات وبالذات النقر والحفر اللى في الطريق بنعومة ... أو بمعنى آخر راكب السيارة بيحس بكل تغير في تضاريس الطريق

في عربيات مثلا ... وبالذات العفشة مستقلة التعليق ومتعددة نقاط التعليق وما إلى ذلك ... في الأغلب بتاخد مطب مثلا أو حفرة من غير ما راكب السيارة يشعر بيه أساسا ... وده بيرجع لنوع التعليق زي ما لمحت وكمان اتساع وحجم ومقاييس قاعدة عجلات السيارة وحجم ومقاييس الجنوط والكاوتش نسبة لمقاييس السيارة ذاتها

عشان كدة في الغالب بتكون العربيات ذات الحجم الصغير وقاعدة العجلات الصغيرة دايما بتكون العفشة بتاعتها مش بتاخد وتدي بنعومة مع تضاريس الطريق ... والعكس صحيح العربيات ذات الحجم الكبير بتكون مريحة جدا في القعدة بتاعتها ومش بتحس بتضاريس الطريق قوي ( وده في الغالب زي ما قلت .. يعني استثناء ده مثلا الجيب الشيروكي الليمتد أو حتى الجراند الموديل القديم بتاع 2010 تقريبا لما ركبتهم كانت عربية غبية جدا على الطريق وتجيب الغضروف من مشوار واحد وأعرف كذا واحد من زملائي باعوها للسبب ذاته )

وللسبب ده كنت متوقع تكون عفشة السويفت ناعمة عن مثيلاتها من البيكانتو والريو والسانديرو والأتراج ... لعدة أسباب من مواصفات السيارة المكتوبة ... زي قاعدة العجلات الأكبر وحجم ومقاييس العجل بتاعها الأكبر منهم كلهم

لكن واضح إنهم عشان يخلوا العربية ذات ثبات مناسب عند المناورات والمنحنيات بالرغم من ارتفاعها الملحوظ عن الأرض عملوا مواصفات العفشة أنشف شوية

انا حاجز العربية و كلامك عن العفشة قلقني و زعلني ،،، معلش انا عارف ان الناس سالتك كتير يا د ايمن استحملنا
العفشة زي الريو و لة زي البيكانتو ؟ لان فيه فرق كبير جدا جدا بينهم في النعومة ،،، عفشة الريو مقبولة جدا و جيدة لكن البيكانتو سيئة للغاية

مشكور مقدما و ربنا يكرمك و علي فكرة انا منتبهتش للسويفت و حجزتها غير من تقريرك المفصل
لازم تاخد شير في المبيعات

**Shiemaa** · 21-08-2014 03:35 PM

هو مفيش حل لموضوع النشفان ده

**D . a .\ AYMAN** · 21-08-2014 03:45 PM

المشاركة الأصلية كتبت بواسطة sameh3k2000

انا حاجز العربية و كلامك عن العفشة قلقني و زعلني ،،، معلش انا عارف ان الناس سالتك كتير يا د ايمن استحملنا
العفشة زي الريو و لة زي البيكانتو ؟ لان فيه فرق كبير جدا جدا بينهم في النعومة ،،، عفشة الريو مقبولة جدا و جيدة لكن البيكانتو سيئة للغاية

مشكور مقدما و ربنا يكرمك و علي فكرة انا منتبهتش للسويفت و حجزتها غير من تقريرك المفصل
لازم تاخد شير في المبيعات:copy of new:

العفشة أنعم من البيكانتو ... (وأفضل بكتير كمان) ... ولكنها قريبة من الريو شوية ... والريو أصلا عفشتها مش حلوة

وعلى فكرة هي نسبة وتناسب هاتاخد عفشة ناعمة يبقى تستغنى عن الثبات العالي .. هاتاخد ثبات عالي يبقى تستغنى عن نعومة العفشة

هاتاخد عربية صغيرة هاتش باك .. يبقى نادرا ما هاتلاقي عفشتها ناعمة أصلا ...

دي قاعدة استثناءاتها قليلة جدا