الموضوع: تقرير عن عربيتى الاتراج بعد صيانة 1000 كيلو (هام جدا)

أنا اتصلت بالتوكيل وقلي إن آخر فئة فيها واحد ايرباج بس برضه !!

تقرير ممتاز ربنا يديك خيرها ويكفيك شرها

اول مشوار بعيد بالاتراج
السفر من دمياط الى الاسكندرية ثم من الاسكندرية الى مطروح
طبعا كانت العربية لسة ماشية 70 كيلوا بس لذلك ماذودتش عن 100 90 110 بحد اقصى استهلاك العربية وصل معايا لحدود 18 كيلو متر فى الللتر على السرعة دى و كنت مشغل التكيف بس مش ديما
العربية ثابتة و حلوة وتسارع ممتاز و الفرامل اكثر من رائعة
مشوار العودة من مطروح فولت العربية فى مطروح و مشيت لحد اسكندرية كانت العربية عاملة 720 كيلو فى العداد فتجرأت وجبت 120 ثم 130 و فجئت للحظات انى ماشى على 150 العربية ما شاء الله ثابتة بس كالعادة فى حدفة يمين بس مش مأثرة فى العربية المهم رجعت اسكندرية عملت صيانة 1000 كيلو ورجعت تانى يوم دمياط ماشى على 120 كيلوا مع توقفات كثيرة نتيجة اصلاح الطريق المهم قطعت مسافة حوالى 578 كيلو و لما فولت خدت 37 لتر بمعدل 15.5 كيلو فى اللتر الواحد او 310 كيلو متر فى الصفيحة المهم ظبطت الزواية ومعدش فى حدفة يمين لان الفردة اليمين كانت مقفولة 0.7 بالظبط
المهم التجربة ممتازة و العربية جديرة بالاحترام الراجل مركز تظبيط الزوايا ميعرفش العربية لانها جديدة اول مرة يسوقها قلتلة فى فرق فى السحب قالى السحب ممتاز على 1600 قلتلة بس العربية 1200 بس استغرب قلتلة طب خد دى العربية 3 سلندر برقلى و قالى و لا حسيت باى حاجة من دى

بصراحة الحمد لله اختيار موفق

أن شاء الله انا هستلم الهاى لاين يوم الاتنين نبيتى

المشاركة الأصلية كتبت بواسطة fo1fo

مبروك اولا وربنا يديك خيرها ويكفينا جميعا شر العربيات . بالنسبه للتكييف هو بيأثر على طلعه العربيه من الصفر خاصه مع الحموله وفى السلانسيه يعنى فى الأشارات وداخل المدينه انما فى السفر وعلى سرعه عاليه ما بيبقاش له تأثير قوى على السحب وهو ده السؤال التكييف عامل ايه مع الطلعه وفى الأشارات ووسط البلد ؟

التكييف داخل المدينة ممتاز وعمرى مشغلته على 3 مبستحملوش وكانك فى شتا
وملوش تاثير خالص على السحب بس استهلاك البنزين بيكون عالى
وخارج المدينة اخرى 1 اتنين مش بستحمله

المشاركة الأصلية كتبت بواسطة tito_misr

أن شاء الله انا هستلم الهاى لاين يوم الاتنين نبيتى

مبروك مقدما والعربية هتعجبك قوى بس خد بالك من حكاية الحدفة ولو قدرت تعملها تست للعربية قبل ما تستلمها على سرعة 80 او 100 علشان تبان لانه واضح انها مشكلة عامة
ولو ظهرت بعدين فى الصيانة هتاخد العربية احسن من الاول