الموضوع: انا بفكر انتحر ... اة والله

المشاركة الأصلية كتبت بواسطة hany63

عطار ايه بس ؟
حضرتك كشفت عليه و شخصت الحاله و كتبت الروشته ؟
انا مقدر نيتك بس بلاش و حياتك
افرض كان لا قدر الله عنده قرحه شديده مثلا تخيل ممكن يحصل ايه لو وقف العلاج و قبل ما ترد على النقطه دي اسئل دكتور

وهو ال١٥ دكتور اللي رحلهم وكشفوا عليه وشخصوا حالته وكتبوا روشته نفعوه بإيه ؟ وادي النتيجه انه بيفكر في الانتحار
مع احترامي للدكاتره انا مش بهاجمهم بس طب الاعشاب احيانا بيجيب نتيجه افضل بكتير من عشرات الادويه اللي بتهلك المعده وتسببلها القرح

و انا شخصيا اعرف شخص عنده قرحة في المعده ومفيش حاجه بتريحه قد الحلفا بر عشان كده انا وصفتهوله ، وتقدر تتأكد بنفسك بالبحث عن فوايده الكتير للمعده وتنقية المسالك البوليه لان مستخلصاته بتتباع في الصيدليات كعلاج زي البروكسيمول ، ومش معنى انه بيتباع عند العطارين انه يكون عشب مجهول او مضر ، بالعكس ده فوايده معروفه من زمان وملوش اي اضرار نهائيا

المشاركة الأصلية كتبت بواسطة a_h_m_a_d

هاقولك على نصيحه صغيره بإذن الله تعالى يكونلك فيها الشفا
ريح نفسك شويه من الادويه ، واشرب مغلي عشب الحلفا بر ، هاتلاقيه عند اي عطار وتأثيره قوي جدا في تهدئة المعده وملوش اي اثار جانبيه اطلاقا
جربه لمدة اسبوع واحد ٣ كبايات في اليوم وان شاء الله هاتلاقي فرق كبير وابقى قولي النتيجه

معلش قولتلى هو اسمة اية؟؟

المشاركة الأصلية كتبت بواسطة kar!m

صديق مقرب أوي كان عنده مشكلة مشابهه .. مش في المعده بس راح لأكتر من 40 طبيب من أشهر الأطباء بدون نتيجة .. و أنا شخصيا وديته المستشفى أكتر من مره و كان خلاص من كتر التعب بيوصيني على أسرته من بعده.

عمل حجامة بعد نصائح كتير من الأصدقاء و من يوم ما عمل الحجامة حتى الان الحمد لله زي الفل.

اعملها فين وهل فى حجامة على المعدة

المشاركة الأصلية كتبت بواسطة dr.kemooo

يا استاذ عبده متكبرش الموضوع الأمر أبسط من كده فعلا
اولا انا صيدلي اشتغلت في مستشفيات و هقدر افيدك ان شاء الله ثانيا انا عديت بنفس موقفك وربنا شفاني الحمد لله
المسأله محتاجه طبيبين في تخصصين مختلفين ألأول طبيب حميات والثاني طبيب جهاز هضمي وكبد
بص حضرتك اعمل التحاليل ده وخدها وروح ل د.مازن ابراهيم ابو النجا استاذ الجهاز الهضمي والكبد
في الدقي في عمارة ساريدار اتصل بالدليل خد رقم التليفون واحجز
1 تحليل التيفويد اسمه فيدال
2 تحليل حمى مالطيه بروسيلا
3تحليل براز ومزرعة براز
4تحليل الميكروب الحلزوني في الدم h.pylori antiboady in blood
5تحليل الميكروب الحلزوني في البراز h.pylori antiboady in stool
6لو كان في ارتفاع في درجة الحراره فقط اعمل مزرعة دم blood culture
كل الحاجات ده تعملها في معمل محترم وكبير لانه هيتوقف عليها التشخيص
وخدهم واطلع على الدكتور مازن وقولي قالك ايه ومتخفش خالص فعلا الامر بسيط

الف شكر يا دكتور على تعبك

انا عملت فيدال دا وطلع ايجابنى

عملت منظار قلولى عندك الميكروب الحلزونى روحت عملت تحيل للميكروب دا دم وبراز طلع سلبى اصدق مين بقا المنظار ولا التحليل

المشاركة الأصلية كتبت بواسطة 3abdo.it

الف شكر يا دكتور على تعبك

انا عملت فيدال دا وطلع ايجابنى

عملت منظار قلولى عندك الميكروب الحلزونى روحت عملت تحيل للميكروب دا دم وبراز طلع سلبى اصدق مين بقا المنظار ولا التحليل

خد الكورس بتاعه و خلاص تبقى ريحت دماغك

عليك بالصوم