الموضوع: حل مشكله انقطاع الكهرباء وتجربتى مع الانفيرتر

المشاركة الأصلية كتبت بواسطة eng.winaxe

الجهاز السوكام بتيجي معاه وصلة علشان نعرف نركب الفيشة العادية والليمونس مش بتيجي معاه

الليمونس فيه مكان للفيشه العاديه وفيه مكان للفيشه الثلاثيه

صديقى حلها بطريقه بسيطه جدا جدا

قفل الريش سنه بسيطه والفيشه دخلت بقوه وراكبه فى مكانها بالظبط

لكن التحذير اللى انا عملته فعلا لازم اى حد يتاكد من الفيشه اى كان نوع الانفيرتر

المشاركة الأصلية كتبت بواسطة boriooo

أ / طارق عبد السلام ، انا قريت الموضوع صفحه صفحه وسطر سطر بناءاً على نصيحه حضرتك ، وبعد إذنك تبعتلي رقم

المستورد او المهندس علشان لو قررت اجيبه إن شاء الله ، وهل الجهاز بيجي معاه بطاريه ولا انا هشرتيها منفصله ؟ وعمره

الافتراضي مقارنه بالمولد الهواندا اللي حضرتك رديت عليا في موضوعي ، مين عمره الافتراضي أطول ، خصوصاً وانه كاتم

للصوت برضوا ولكن يعيبه العادم الي مش عارف هعمل في إيه ، وهل الجهاز ده فيه شاشه بتحدد هو مشحون بنسبه

قد إيه ، ولو إحتاج صيانه من المسؤول عنه ؟ اسف اني طولت على حضرتك وجزاك الله كل خيــر : ) .

تحت امرك رقمه هو --------------------01158248585-------اسمه الاستاذ عمرو الصفطى

الجهاز بيجى معاه البطاريه والترابزه التى يوضع بداخلها البطاريه .... لكن لو نوعيه البطاريه مش مناسبه لك ممكن متقبلش البطاريه وتشتريها انت.. انا جهازى معاه بطاريه 150 امبير جافه مش ديب سايكل

والجهاز ده فيه لمبه اشعار مرسوم عليها انه يحتاج الشحن او بيشحن او ممتلىء ولكن بدون ارقام ... واظن دلوقتى فيه اجهزه فيها الكلام ده

من ناحيه العمر الافتراضى اولا المستهلك فى الانفيرتر فقط هو البطاريه على فتره ومع كثره الاستخدام لكن الجهاز اصلا دوائر كهربيه وما اظنش يقارن بمولد كهربى يعمل كالمحرك اصلا

يعنى هو يكسب فى العمر الافتراضى..والجهاز بيكون معاه ضمان ولو انت عايز بيبعت لك حد يركبه او اى كهربائى يركبه لو حضرتك هتشغله اوتو مع قطع الكهرباء ودى انا افضلها لك

يعنى مش هيكون لك اى تدخل اطلاقا وقت انقطاع التيار او رجوعه واصلا لن تشعر بقطعها او رجوعها غير من صفاره الجهاز المتقطعه لثلاث مرات اثناء الانقطاع فقط......

قارن حضرتك بين اولا شراء بنزين وتعبئته للمولد.. وازعاج المولد حتى لو كاتم .. والعادم المدمر ومشاكل تغيير الزيت والاعطال وتقوم تشغل المولد وتقوم تفصله.... وبين الانفيرتر لاصوت اطلاقا لاعادم لابنزين ولازيت ولا صيانه وبدون تدخل اطلاقا والسعر لايذكر بالنسبه للمولد الهوندا....انا اصلا من يوم ماركبته نسيته بس كان فيه مشكله مع الفيشه واتحلت بفيشه جديده ب3 جنيه :)

بجد توكل على الله ده اختراع بجد... وممكن حضرتك تسئل عندك فى القاهره على اجهزه انفيرتر وقدرات اعلى يعنى باى طريقه كانت الانفيرتر افضل الف مره من المولد

المشاركة الأصلية كتبت بواسطة Boriooo

شكراً يا استاذ طارق على ردك والمعلومات المفيده ديه : ) ، انا حقيقي مش عايز اسأل عندي عشان ميتنصبش عليا ، القاهره مليانه نصابين ، انا بسأل مجرب ولا هسأل طبيب ، إن شاء الله هكلم استاذ عمرو واسأله عن تفاصيل أكثر بس كان ليا سؤال ، ممكن حضرتك تفهمني مين الي بيزود القدره على الاستحمال ؟ يعني لو جبت انفرتر اقوى ، ولا لو جبت بطاريه اقوي ؟ يعني من الي بيتجاب اقوى من التاني أو إيه المعادله بينهم ؟ شكراً .

العفو اخى الكريم

مثلا الانفيرتر عندى 900 va ده مثلا بيصفى 650 مثلا يعنى بيشيل قدره للحد الامن ده وهى ماذكرته فى موضوعى لو مثلا انفيرتر 1500 .. هيشيل اجهزه واضاءه اكثر مره واحد يعنى هتقدر تزود لمبات ومراوح مثلا انا عن نفسى الجهاز عندى تقريبا منو الشقه عدا المطبخ والحمام .. هو ممكن يشيلهم لكن لان معاهم اجهزه تقيله عليه جدا فضلت افصلهم لفصل الثلاجه والغساله مثلا


لكن كل ماتكبر الامبير للبطاريه بيزود عدد ساعات التشغيل يعنى سعه البطاريه تزيد الوقت

المشاركة الأصلية كتبت بواسطة islam nagiub

السلام عليكم ورحمة الله وبركاته اصدقائى حرصا منى على افادتكم بعد كثير من الاتصالات بالمنتدى الرائع نايل موتورز اخوكم م اسلام نجيب مستورد جهاز سوكام الهندى وجهاز ليفر الايطالى المستخدمين لحل مشكلة انقطاع الكهرباء بالمنازل والعيادات والمولات التجارية
ارقامى 01220076488 او 01028233770
https://www.facebook.com/inverter.islam?fref=ts
بالمناسبة احب ان اذكر انه فى تقديرى يتفوق السوكام والتريبال عن الليمنوس وذلك فى ثايرستور الشحن للسوكام اقوى وفى عرض المحول وابعاده مقارنة بالليمنوس الذى احدث لى بعض المشكلات مع الموزعين والتجار وبعض العاء وشكرا والسلام عليكم ورحمة الله وبركاته

ياسيدى سوكام او اى شىء انت بتبيعه زى الفل والله
موضوعى ليس ترويج لماركه معينه .. ومش هاخد جايزه من شركه لومينوس ولا حاجه

انا عامل الموضوع للافاده لااكثر وليس ترويج لشركه معينه.... وحضرتك فى مشاركه واحده سابقه لك فى المنتدى قلت انك المستورد لماركه سوكام....... وهو جهاز محترم واى جهاز هندى ناجح جدا فى الانفيرتر ....... فملوش لازمه انك تقول الكلمتين دول على اللومينوس ..لانها هتتفم على الاقل بعدم المصداقيه لان شهادتك مجروحه .وانى عامل موضوع يؤذى أى اخ لنا فى المنتدى احنا هنا كأننا اسره واحده.والحمد لله الجهاز شغال عندى زى الفل. من فضل الله

مش معقول هكون عامل موضوع لافادة الاخوه فى المنتدى وهضرهم.... انا لولقيت اى مشكله... اقسم بالله هبعدهم عن الموضوع خالص وهقولها لعدم ايذاء اى شخص...

وربنا يبارك لك ويزيدك