تقرير تغيير طلمبة المياة فيكترا 2001 منوال

**Ahmed_Gad** · 19-08-2014 01:55 AM

السلام عليكم ورحمة الله وبركاته
النهاردة كنت بحل عجلة يمين امامية فلاقين نقط مية خضرا بتاعه الريداتير نازلة عالمصفحة اللي تحت الماتور وكمان المقصة اللي تحت فلتر الهوا والحمد لله المية عنزي بتنقص بسيط يعني كل اسبوعين بزود نص لتر بس انا من النوع الخواف مابحبش الاعطال اعمل للعربية صيانه بمزاجي احسن ماهي تعطل وتذلني في اي حتة
المهم روحت للميكانيكي عالساعة 8 المغرب وشاف قالي طلمبة المية باظت وفك وفعلا لاقينا المية نازلة من عندها بس عاوز اقولكوا هو اتمرمط عشان يحلها لان هو بيقول انها من الفابريكة ما اتحلتش قبل كدا المهم طلعناها وروحت جبت واحدة الماني ماركة hepu وجبت 3 مسامير بدل المصديين اللي ذلونا في الحل. وكمان جركن مياة حمرا. موبيل بدل اللي راحت كانت خضرا.. وبالمرة كنت جعان جبت حوواشي انا وعمر الميكانيكي ههههههههه والحمد لله الماتور بقي صوته انعم والمية اللي بتنزل قطعت وطلعت من عنده عالساعة 11 ونص
الاسعار بقى
طلمبة مياة hepu من عباس اوبل 220بلبل
جركن مية حمرا موبيل 85 بلبل
3 مسامير إلين للطلمبة ٣بلبل
مصنعية 90 بلبل وقهوة للصنايعي 10 بلابل
يبقي الاجمالي 408 بلبل دا طبعا غير الشاي والساقع والحواوشي ههههههه بس الحمد لله النتيجة مرضية وكمان تبقي جاهز لاي مسوار ومش قلقان والشغل تم عن الحاجة عبد العزيز في السيوف ورا قرية عبد الوهاب والصنايعي اسمه عمر شعبان