الموضوع: يا مدرسينا.. يا

نواصل .. نفسي اكتب عن كل المدرسين بس الوقت :

هانط لمرحلة ثانوي لأن فيها نموذجين عجيبين جداً .. رائعين جداً .. شبه كاملين، الأستاذ "حسن" مدرس الكيمياء والأستاذ "وجيه" مدرس الرياضيات. كانا ينهلان من منبع لا ينضب من الأخلاق والقيم .. لهما نفس أسلوب الشرح المحبب .. وإذا سألت أحدهما سؤالاً فإن لهما نفس العادة في أن ينظرا للسقف للحظة قبل أن يجيبا السؤال وكأنهما ينتظران وحياً سماوياً أو يستلهمان الإجابات من خلف حجاب .. وأخيراً لهما نفس القامة :) ونفس الشياكة في أسلوب اللبس، فكنت تحسهما -على الرغم من اختلاف ديانتيهما- شقيقين توأمين.
كان لهما نفس المبادئ، فكلاهما لا يعطي دروساً خصوصية لطالب في الفصل الذي يدرس له. وكانت لهما نقس النصيحة "اللي باقوله في الحصة هو اللي باقوله في الدرس مابزودش كلمة .. اكتب ورايا كويس في الفصل وآخر السنة ذاكر من الكشكول" وأكثر من ذلك كانا حريصين على إعطاء مجموعات تقوية للطلبة، كانوا بيحضروا الساعة 7 صباحا قبل الطابور بساعة مرتين أسبوعياً لكل مجموعة يعني مثلاً كان فيه مجموعتين واحدة سبت وثلاثاء وأخرى إثنين و خميس، وماكانوش يتأخروا عن الموعد (بالمناسبة دول ناس من اللي بيتحجزلهم من شهر 8 وساعات بيجيبولهم وسايط عشان يقبلوا! وكان صيتهم جامد جداً وقتها ومواعيدهم محجوزة للفجر).
حتى في الأيام الأخيرة من الفصل الدراسي الأول حيث لا يحضر أحد من الطلبة .. يحرصان على الحضور وتجميع الموجود من الطلبة (بيكون موجود بالكتير 3 طلاب من كل فصل لما يتجمعوا يبقوا 30 أو 40 طالب) وإكمال المنهج الدراسي على أحسن وجه.
على الرغم من قصر قامتيهما إلا أنه كانت لهما هيبة عظيمة .. مبدأهما "اللي عاوز يمشي من الحصة يمشي ومايعملش دوشة" إلا أن الفصل كان دايماً كامل في حصصهم وهدوء تام وكأن على رؤوسنا الطير، حتى زعماء عصابة المدرسة اللي كانوا في الفصل ينصتون جيدا في أدب واحترام كامل لا يمنحونه لأي مدرس آخر بالمدرسة!

بقي أن أقول أن أستاذ حسن درس لي بالفصل والأستاذ وجيه أخذت معه مجموعة صباحية وحصلت على الدرجة النهائية في الرياضيات وعلى 91% في الكيمياء .. وبارك الله لهما وجزاهما كل خير كأنهما شخصيتان من الأساطير.

-بجد يا علا مواضيعك زي العسل
مش هنسا
مسيو ممدوح بتاع الفرينش في ابتدائي
في مرة قعدنا نضحك عليه و هو بيشرح سواء ولاد و لا بنات لحد ما حلف انة هيفضل يضرب فينا لحد ما نعيط انا عن نفسي و شلتي خدت كل واحد 45 عصاية من غير ما اتهز و مش ايه عصاية خرزانة و بتلسوع قعدت اضرب لحد ما هو زهق و قالي يلا امشي

و في كمان ميس كريمة بتاعة الماث
دي كنت مسميها ميس جريمة
كنت بحب استغبا عليها اووووييييييي لحد ما فمرة من كتر الي عملتو فيها
راحت قاعدة ع الارض في نص الكلاس و قعدت تعيط مني
و سحبت ملفها من المدرسة بس رجعت تاني

و في كمان مستر محمد بتاع الساينس
الراجل دة بجد صعب عليا اويييييي في مرة و احنا في المعمل حطينا
اكسيد النحاس بدل اكسيد الحديد و هو بيعمل التجربة راحت مفرقعة في وشة و طلع لنا من تحت الدخان و وشة اسوووووووود و شعرة واقف
بجد يومهااااا مت علي نفسي من الضحك



في بقي مدرسة لسة مرتبط بيها لحد دلوقتي و بزورهاا كتييير و ولادها ال 3 اصحابي
يعني بعتبرها من العيلة

كل دة في ابتدائي

في ثانوي برضة في بقي الي مش هنساهم
2 كنت باخد معاهم دروس
اول واحد هو اسمة مستر عصام علي
الراجل دة بجد كان عاملنا رعب رهيب و مكنش بيقبل حد جايب في كيمياء اولي ثانوي اقل من 18 من 20
الراجل دة بجد منظم بشكل غرييييييب جدااااااااااااااا
يعني في اول حصة ليه في الدرس خالص يديك مخطط فيه كل الحصص الي هانخدها و هناخد في كل واحدة ايه و لو في اجازات رسمية يقولك برضة هنعوضها امتي
يعني مقسم السنة من قبل ما تبدا
و لما تيجي تسالة علي حتة مثلا انت مش فاهمها
يقولك لا دي هناخدها بالتفصيل يوم كذا في الحصة كذا
في اخر 10 دقايق من الحصة و الراجل دة كان بيعمل امتحان ع المنهج كلة مش هنسا انا قبليها قعدت كام يوم مطبق و صاحي عشان اذاكر لدرجة اني وصل اني قطعت الملازم و جاتلي هيستريا و نزلت شتيمة فيه و برضة من كتر التهيس الي كنت فيه في الامحان و احنا قاعدين واحد صاحبي بيسالني في الخباثة
ايه الفرق بين رابطة "باي و سيجما "
رحت انا سمعتها غلط
و رادد اشتريتو عربية هيونداي ايه يا ابن ال تيت هو دة و قتة

و الراجل التاني اسمة مستر ناجي ويليام
الراجل دة كان مدرس ماث و كان عندة قرية سياحية في مطروح و بيخاف من الحسد و مش بيرضا يقول ابدااا
بس عندة برود غريب يعني ما يهموش انت قاعد مذاكر و لا لا ولا يهمة الوقت يعني درس مجموعة خدتة في 4 ساعات و حلت الي مطلوب منها ماشي مجموعة تانية خدن الدرس و حلت الي مطلوب منها في نص ساعة ماشي مش هنسا اني في مرة دخلنا الساعة 4.45 خرجت الساعة 5.30 و كان درس ماث 2
بس الراجل بقي كان بخيل جدااااااا يعني باين من لبسة يدي الدرس بالبيجامة و حاجات غريبة بس احلي حاجتين الاولي كان البيت بتنا
الي عايز يقوم يعمل شاي يعمل الي عايز يدخن ماشي
و التانية كنا بنعمل مصالح زي الفل
يعني كنا بناخد معاة الحصة ب 20 جنية و كان في احصاء ببلاش للي بيخدوا معاة رياضة كنا نروح البيت نقولهم 25 جنية حصة الاحصاء

المدرسة التالتة بقي
ميس جيهان ويليام " مش اختة"
دي كانت مدرسة الانجلش و في نفس الوقت خالة واحد صاحبي
احلي حاجة بقي فيها انها كانت هرشانا يعني هي تقول حاجة بدون قصد احنا نفهمها بمعي تاني " كنا مراهقين بقا" و نموت علي نفسنا من الضحك و هي تقولنا يا كلاب فهماكو بلاش دماغكو تروح لبعيد
ولا لما يحب يكلم بنت في الدرس تهرشة علي طول
و تستلم المدخنين خصوصا ابن اختها هزار
يعني تناولة قلم و تقولة عفررررر
اصطبحت ولا لسة




يااااه دة انا رغيت كتييير اويييي
اسف