الموضوع: تعبت من كثره البحث

المشاركة الأصلية كتبت بواسطة maryano

ههههه هو كل المهندسين كدة ولا ايه
اخوكم مهندس بردو و ليه نفس المشكله

اعتقد دى اخره حل الشيتات و الجرى ورا الملازم وورق الدروس

المشاركة الأصلية كتبت بواسطة engmody32

بالمناسبه انا النهارد كنت قاعد في كافيه شيط و كان قدامي بنت و امها و اختها قاعدين و البنت ايه زي القمر
و عمال بصيت ليها لقيتها بتبصلي بصيت تاني لقيت نفس الموضوع طيب و بعد البص كان المفروض اعمل ايه اروح لأمها اقولها بنتك شكلها عاجبني ممكن اقعد معاها و اتعرف عليها اكثر طيب اعرف منين انهم ناس كويسين و اعرف منين عمرها كام و مناسب ليا و لا انا عجوز عليها كوميديا صح

السلام عليكم
انا شايفة مادام لقيت اخيرا حد اعجبت بيه كنت استغل الفرصة و روح سلم عليهم و قدم نفسك و ممكن تقول اصل انا باشبه على الانسة انها مثلا زميلتك في الكلية او الشغل ولا حاجة و ابدا في التعارف و توكل على الله
ربنا ييسر الخير للجميع

أخى الحبيب
لا تحزن ولا تكتئب وعلم ان مشوار حياتك ححده سلفا العلى القدير فلا تحزن سيكتب الله لك باذن الله فرحا وسرور ودعلى اذكرك بكلام خير الخلق صلى الله عليه وسلم قوله :-
تنكح المرأة لأربع لمالها ولحسبها ولجمالها ولدينها ، فاظفر بذات الدين تربت يداك
وقوله الدنيا متاع وخير متاعها الزوجة الصالحة
لذلك اخى انصحك بان تركز فى صاحبة الدين فقد جمعت كل الخصال الحسان وتحفظك باذن الله وتطيعك فى حضورك وفى غيبتك اما الشكل الذى اراك مهتم به فالى زوال
ولك اسال الله ان يجمعك بما تحب دنيا واخرى امين

المشاركة الأصلية كتبت بواسطة moody_687

انا حصلي موقف مشابه وبالفعل استغليت الفرصة والحمدلله كنت قاعد مع اهلي
والبنوتة اللي اعجبت بيها كانت مع اصحابها
وقولت لاهلي هى دي فقلت لاختي وهما ماشيين قومي وراهم واطلبيها للحديث منفردة وبالفعل قامت
ولكن
اصحاب البنوتة سئلوا اختي قالولها ف ايه ؟؟ فردت اختي عليها وقالتلها انا عايزاها هي ؛؛ فردت وقالتلها شكل الموضوع عريس فقالتلها معلش انا مرتبطة عاطفيا !!!
وبالتالي انا قلت الحمدلله ع كل شئ
ده اللي حصل بعد ما استغليت الفرصة

السلام عليكم
جمييل اللى حضرتك عملته بس على الاقل اخدت الخطوة و لغيت ال option ده بدل ما دماغك تقعد تودى و تجيب . على الاقل دلوقتى تركز في option تانى و ربنا ييسرلك الخير .
اسعى يا عبد و انا اسعى معاك

المشاركة الأصلية كتبت بواسطة help4me

السلام عليكم
انا شايفة مادام لقيت اخيرا حد اعجبت بيه كنت استغل الفرصة و روح سلم عليهم و قدم نفسك و ممكن تقول اصل انا باشبه على الانسة انها مثلا زميلتك في الكلية او الشغل ولا حاجة و ابدا في التعارف و توكل على الله
ربنا ييسر الخير للجميع

و الله حضرتك لو قريتي الموضوع كنتي هتعرفي ان ده بيحصل كتير و لشباب كتير انه ممكن يبقي قاعد في مكان و يلاقي بنت عجباه بس ميعرفش يعمل بس حطي نفسك مكان البنت يجيلك واحد يقولك انا معجب بيكي ممكن نقعد و نتعرف علي بعض علشان نتجوز هتردي عليه تقولي ايه
و بعدين منين هيعرف سنك مناسب و لا لأ و مرتبطه و لا لأ و من بيت طيب و لا لأ
موضوع صعب صدقيني و احب اسمع ردك لو تعرضتي للموقف هتعملي ايه

المشاركة الأصلية كتبت بواسطة engmody32

و الله حضرتك لو قريتي الموضوع كنتي هتعرفي ان ده بيحصل كتير و لشباب كتير انه ممكن يبقي قاعد في مكان و يلاقي بنت عجباه بس ميعرفش يعمل بس حطي نفسك مكان البنت يجيلك واحد يقولك انا معجب بيكي ممكن نقعد و نتعرف علي بعض علشان نتجوز هتردي عليه تقولي ايه
و بعدين منين هيعرف سنك مناسب و لا لأ و مرتبطه و لا لأ و من بيت طيب و لا لأ
موضوع صعب صدقيني و احب اسمع ردك لو تعرضتي للموقف هتعملي ايه

مجتمع مليئ بالعقد والكلاكيع والعادات والتقاليد البالية ..لازم تبقي النتيجة كده ..تخيل انت غرضك شريف ومحترم ومنتش بتتسلي ولا حاجة ومع ذلك انت متأكد انك هتتفهم غلط والموضوع هيفشل بنسبة 100% ..يا اخي ***