الموضوع: تعبت من كثره البحث

المشاركة الأصلية كتبت بواسطة kemoztanta

عندك حق دي مشكلة عامة ، الشاب 29 سنة وبيترفض عشان كبيييير والبنات دلوقتي بتتجوز 22 و23 سنة .. بدري بدري .. ومش عارف فين البنات علي قفا مين يشيل !
سافر و اتحرك كتير ومسيرك تقابل واحدة ترضيك .. بس برضة الموضوع دا عايز منك جرأءة وتكلم طوب الارض لحد ماتوصل للي انت عايزه لان في بنات كثير قمرات وحظهم قليل زيك بالظبط..
وياريت لو حد من الاعضاء شايف موضوعك دا و قدامة عروسة كويسة يبعتلك وتروح تشوفها ...

كلامك صح يا باشا بس انا من اللي شوفتهم بنات صغيرين في سن 22 او 23 بس تحس انهم صعب اوي يتجوزوا شكلهم اقل من كلمه مقبول و الله ما بتكلم علي جمال عالي و لا حتي ملكه جمال انا بتكلم علي واحده تبص ليها تريحك من 12 واحده اتنين بس كانوا لم تبصلهم متبقاش متضايق مكنوش ملكات جمال و لا حاجه بس يعني مش منفرين زي الباقي
موضوع البنات علي قفا من يشيل ده علشان الناس شايفه البنات ماليه الشوراع لكن الواقع ساعه الجواز انت مش هتجيب واحده شوفتها في ميكروباص و تطلب ايدها و لا انا كلامي غلط علي الاقل لازم يبقي في حد يعرف اهلها و يعرف طباعهم

المشاركة الأصلية كتبت بواسطة karim alaa

لا اله الا الله يا باشا ده نصيب و مكتوب فوق مكتوب اسمها و شكلها من زمان لو مكتوبلك ملكه جمال قاعده و مستنيه و لو مكتوبلك اوحش واحده فى الدنيا هتلف تلف و تتجوزها

بص انا حاسس بيك عشان من سنه كده كنت عامل زيك بس انا اصغر منك شويه انا عندى 28 و خطبت و انا عندى 27 سنه و برضه كنت زهقت و دورت حواليا ملقتش غير 3 4 بنات بس الى ممكن حاولت مع قريبتى منفعش محسناش بعض خالص و بعدين قررت اخطب الى بتحبنى واحده من ايام الجامعه بتحبنى معرفش ليه :) المهم خطبتها متدينه و محترمه و بتحبنى بس شكلا مش الجمال الى بالك فيه و رغم كده انا مرتاح لانها بتحبى بجد

مشكلتك ان حضرتك طبعا مركز كويس و اكيد تعليم كويس و دلوقتى بتكمل بس المظهر الاجتماعى عايز حاجه كامله من وجهه نظرك انت كانك بتشترى موبيل جديد و الناس لا تشترى جواز الصالونات اخره يعرفك بواحده بس لكن انت لازم تحدد اوليات فى البنت و لما تلاقيها تتغاضى عن الباقى لان الكمال حتى من وجهه نظرك برضه لله واحده مين شايف مراته خطيبته حبيبه كامله ؟؟

الى بيقولو فرز اول و تالت اكتر البنات الى بيقعدو هما اجمل و اشيك البنات و بيتجوزو متاخر لانهم بيقعدو يفرزو فى العريس مدام مش عن حب و يقولو لا انا استاهل احسن و انا بشوف لحد 35 سنه و جمالهم جبار و ابيض مفيش اى ارتباط من اى نوع لنفس السبب over-thinking لحد ميضيع واحد واتنين وتلاته مناسبين

انا بس بلوم عليك فى حاجه واحده عشان انا برضه محدش ساعدنى نهائى من اهلى لان قدرتهم كانت يدوبك يربونا و يعلمونا كويس ليه مخطبتش من سنتين مثلا لو انت دلوقتى بقيت جاهز مكده كده فتره الخطوبه بتجهز نفسك ليه محاولتش من قبل كده ؟

ده لاقتناعي اني مينفعش ادخل بيت ناس الا لو انا قادر علي الزواج يعني لو كنت انا بقالي 3 سنين بدور قبلها مكنتش اقدر اتجوز لاني كنت بكون نفسي و مكنش عندي حد يساعدني و الواحد مكنش حابب يدخل علي الناس بوعود و كلام الله يعلم حيحصل و لا لأ

المشاركة الأصلية كتبت بواسطة hitman235

للاسف بالمبدأ ده الفقير او متوسط الحال او الى اهله ما جابلهوش شقة مش هيتجوز الا بنات فرز تانى و تالت مع انه هيتعب و يطلع عينه علشان يكون نفسه و يلاقى المتاح كله لا يصلح
عكس الى ابوه او اهله مساعينه بشقه هيتجوز بعد التخرج و ينقى براحته و مش هيتعب

ده صحيح يا باشا بس مش فكره فرز تاني او ثالث بس هتتجوز واحده من مستوي اقل شويه منك علشان تبقي انت بالنسبه ليها عريس لقطه مش معني كده انها مش هتكون جميله لا الجمال بيتواجد في جميع المستويات بس ممكن تبقي جميله و اسلوبها بلدي او طريقه كلامها مش حلوه نتيجه الوسط اللي هي جايه منه انا مش بعيب في حد بس لو اتجوزت واحده ساكنه في منطقه شعبيه و جميله فدي هيبقي ليها اسلوب و طريقه كلام صعبه خالص اه ممكن تكون محترمه و تصون بيتك و لما تسبها لوحدها تبقي سايب راجل في البيت بس في نفس الوقت هتبقي حاسس انها مش من طبقتك و مش من طريقتك و اهلك مش هيحسوا انها زيكم هيبقي في اختلاف

المشاركة الأصلية كتبت بواسطة ramymechanics

يا سبحان الله !!! انا لسة تامم 33 سنة من يومين متجوز من 9 سنين و شهر بعد قصة حب فى الجامعة و عندى الحمد لله 3 أطفال .... يوم ما تميت 33 سنة قعدت أفكر بالمسؤوليات اللى قاطمة وسطى دوالجهود دة لو رجع بيا الزمن هعملها تانى ولا لأ و انا لسة شايف صحابى اللى قدى منهم اللى متجوز من سنتين و منهم اللى لسة بيدور و منهم اللى مش فى دماغه ومقضيها ..... المهم قبل ما أوصل لنتيجة فالتفكير دة الواد الصغير فضل يعيط قمت غيرت له البامبرز و قلت الحمد لله هههههههههههههههه بس للأمانة المشكلة فالزواج المبكر دة ان اما الواحد يعدى عليه المدة دى وهو لسة صغير عينه بتزوغ هكا ولا هكا عشان يجدد الدماء بس اللى جربها مرة عمره ما يجربها تانى ههههههههههههه

بص يا باشا الجواز المبكر مش وحش برضه علي الاقل تخلص من تربيه العيال و انت فيك نفس يعني تخيل كده انك ال 9 سنين اللي فاتوا لسه بتبدئهم النهارده شوف عندك نفس طول البال و طول النفس بتاع زمان و لا لأ شوف الدنيا بقت اغلي ازاي و الحياه بقت اصعب ازاي
بغض النظر عن انت مبسوط ولا لأ بس من الاخر الطبيعي انك تتجوز و يكون ليك بيت مستقل لأنك في بيت اهلك مش عايش بنظامهم و اسلوبهم

المشاركة الأصلية كتبت بواسطة engmody32

ده صحيح يا باشا بس مش فكره فرز تاني او ثالث بس هتتجوز واحده من مستوي اقل شويه منك علشان تبقي انت بالنسبه ليها عريس لقطه مش معني كده انها مش هتكون جميله لا الجمال بيتواجد في جميع المستويات بس ممكن تبقي جميله و اسلوبها بلدي او طريقه كلامها مش حلوه نتيجه الوسط اللي هي جايه منه انا مش بعيب في حد بس لو اتجوزت واحده ساكنه في منطقه شعبيه و جميله فدي هيبقي ليها اسلوب و طريقه كلام صعبه خالص اه ممكن تكون محترمه و تصون بيتك و لما تسبها لوحدها تبقي سايب راجل في البيت بس في نفس الوقت هتبقي حاسس انها مش من طبقتك و مش من طريقتك و اهلك مش هيحسوا انها زيكم هيبقي في اختلاف

ده بالظبط الى حصل معايا فى اخر خطوبة قبل ما تتفركش
انا عندى 28 سنه و بدور من و انا 25 بس ظروف السفر هى الى مصعبه الموضوع عليا بالاضافه الى ان علاقاتى و معارفى قليلين

المشاركة الأصلية كتبت بواسطة graffittiii

+1
فعلا في بنات كتير قمرات بس نصيبهم لسه مجاش زيك ..
دور وإن شاء الله ربنا هيكرمك .

ما الواحد يكلم طوب الارض ازاي يعني مثلا تعجبك واحده و انت ماشي في الشارع تروح تكلمها
طيب لو ردت عليك ما ممكن تبدء تشك فيها انها ردت اصلا و بعدين ما الواحد يعرف منين تفاصيل عن اهل البنت اللي شافها في الشارع دي يعني رغم عيوب جواز الصالونات بس هو علي الاقل بيبقي في basic information موجوده من الناس اللي مرشحين العريس او العروسه منها السن و المؤهل و طبعا المفروض انهم بيبقي ناس كويسين و يعرفوا ربنا علشان كده المعارف مرشحنهم ليك
عامه انا كذا مره اكون قاعد في اماكن الاقي بنت تعجبني بس اعمل ايه يعني اجري عليها و اقولها تتجوزيني ساعتها بقي ممكن الاقي نفسي بيحصل فيا زي الصوره دي