تعبت من كثره البحث

**engmody32** · 30-08-2014 06:25 PM

كلامك مظبوط ضيف علي كده ان لو لقيت بنت شكلها عاجبك حتي لو هي مش حلوه قوي و عاديه بس حست انها عجباك هتتعوج عليك و هترد عليك بالعافيه و بتناكه و انت عايز مني ايه و تكلمني ليه هو احنا نعرف بعض اصلا و انا مش كفايه عليا اللي اعرفهم مش محتاجه اعرف ناس جديده يعني تسمعلك كلمتين يحرقوا دمك و انت كل اللي عايزه انك تتعرف عليها بغرض انها تبقي ام العيال

**hitman235** · 30-08-2014 06:35 PM

المشاركة الأصلية كتبت بواسطة engmody32

ممكن كمان تضيف ان ثقافه المجتمع فاكره المهندس ياما هنا ياما هناك لكن اول ما بيعرفوا الحقيقه يقولك سيبك منه للأٍسف احنا الناس عندنا لو بنتها حلوه بيخلوها تاخد قلم في نفسها و تعيش الدور و تلاقيها معوجه جدا و مترضاش بأي حاجه و هما كمان بيشجعوها علي كده بمبدء انتي تتاقلي بالدهب تحس انها بيعه و شروه مش جواز ساعات بحس ان الموضوع بقي عامل زي البغاء بس في الحلال و تدفع فلوس السنين كلها مقدم استغفر الله العظيم

هو الموضوع فعلا مزاد و بيعه و شروه....... يا اخى احتى فى البغاء ليهم تسعيره مش الى يشخلل اكتر يشيل هههه
انا قربت اشيل الموضوع من تفكيرى نهائيا الحقيقه بل جواز بلا غم

**engmody32** · 30-08-2014 06:58 PM

المشاركة الأصلية كتبت بواسطة hitman235

هو الموضوع فعلا مزاد و بيعه و شروه....... يا اخى احتى فى البغاء ليهم تسعيره مش الى يشخلل اكتر يشيل هههه
انا قربت اشيل الموضوع من تفكيرى نهائيا الحقيقه بل جواز بلا غم

للأسف مينفعش تشيله من دماغك لأنه مش هتقدر تستمر من غير جواز كتير ده اولا
ثانيا لما تكبر هتبقي عايز حد يسليك او يساعدك في بعض نواحي حياتك خصوصا لو لا قدر الله جالك مرض من امراض الشيخوخه و لا حاجه
بس المشكله ان الواحد شكله هيعجز و هو بيدور علي بنت الحلال

**mr_safwt** · 30-08-2014 07:56 PM

اية يا جدعان كفاية بس اية الحكاية انا برضة مهندس
هى شوطة فى المهندسين ولا اية وسنى داخل فى 28 برضة
بس بجد السوق مضروب خااااااااااااااااااااالص

**hitman235** · 30-08-2014 08:08 PM

تقريبا راحت على المهندسين اليومين دول مالهم المحاسبين ولا بتوع الاتش ار هههه بيقبضوا زى المهندس و يمكن اكتر و بيخلصوا كليه فى 4 سنين ...

**moudy88** · 30-08-2014 08:54 PM

اخوكم مهندس اتصالات 26 سنه من اللي بشتغلوا في المواقع بال16 ساعه وبياخد الجمعه بالخناق اجازه

ولما تبص في الشركه تلاقي واحد اتش ار خريج كليه نظريه قاعد في التكييف وبيروح بيته الساعه 4

لحد دلوقتي بقول مين اللي هترضى بمهندس بيشتغل الوقت ده كله ؟؟

**aimank** · 30-08-2014 11:13 PM

الموضوع ده كده دخل فى حقد من المهندسين على المحاسبين :)
واعتقد والله اعلم انه هيقفل على خناقة والراجل الطيب ده هينسى موضوع الجواز و هيقعد يصالح الاعضاء على بعض هههههههههههه

**hazemhany** · 30-08-2014 11:22 PM

مهندس 26 سنة ونفس الأزمة: ساعات عمل طويلة- ارهاق ذهني وبدني - فرص التعارف محدودة - محيط عمل يسيطر عليه الذكور!

**engmody32** · 31-08-2014 01:59 AM

يا جماعه اعتقد الازمه بتطول المهندسين و غيرهم يمكن اللي مش بيحس بيها العريس اللي جاهز من و هو في الكليه لأن ده بابا بيجبله شقته و عفشه و بيجبله وسطه علشان يشتغل و بالمره يشوفله عروسه حلوه من معارفه و اللي طبعا هتلاقيه عريس لقطه عندها 22 و جاهز من مجاميعه يعني سن صغير و في كل المواصفات لكن اللي بيستني شويه بيجي يلاقي السوق فضي و اللي بيتعرض عليه هو اللي مكنش عليه اقبال يعني الدرجه التانيه اسف في الكلمه و ممكن ساعات يتعرض عليك واحده تبقي جامده جدا علي اساس انك بقي كبرت و معاك فلوس فهدلعها اوي لكن اول ما يكتشفوا ان ظروفط زي ظروف الشاب اللي اهله جوزوه يقولوا هو احسن نجوزها العجوز ليه للأسف انا شايف اننا ضحايا و البنات كمان ضحايا

**engmody32** · 31-08-2014 02:01 AM

بالمناسبه انا النهارد كنت قاعد في كافيه شيط و كان قدامي بنت و امها و اختها قاعدين و البنت ايه زي القمر
و عمال بصيت ليها لقيتها بتبصلي بصيت تاني لقيت نفس الموضوع طيب و بعد البص كان المفروض اعمل ايه اروح لأمها اقولها بنتك شكلها عاجبني ممكن اقعد معاها و اتعرف عليها اكثر طيب اعرف منين انهم ناس كويسين و اعرف منين عمرها كام و مناسب ليا و لا انا عجوز عليها كوميديا صح