الموضوع: جواز من اجنبيه في مصر

المشاركة الأصلية كتبت بواسطة mk3

لا..صاحبى مسيحى
واللى كان هيجننى اكتر انه بيقول ان الشرب حرام عندهم ..بس بعد محاورة جامده قالى هما بيشربوا حاجه اسمها نبيذ الاباركة مش كحوليات...كلها اسماء لشئ واحد طبعا وتحايل.

لأ هو فعلا الخمر حرام فى المسيحية ... ولكنهم كما تقول يتحايلون على ذلك

المشاركة الأصلية كتبت بواسطة ibrahim sallam

صديقي من المنصوره اتجوز امريكيه ( حالتها الماديه تعبانه جدا)

اتعرف عليها عن طريق النت بعت لها تمن تذاكر الطياره ذهاب وعوده.

المهم جت المنصوره ( بلد ارياف جدا) .

شاف المرار معاها هما زاروني الحقيقه في اسكندريه ومكثو عندي 4 ايام

هي كانت مريضه بالوسواس القهري ( قلت له كثير ان حالتها وسواس قهري) لكنه لم يكن مستوعب

كانت تغير عليه جدا جدا جدا لدرجة انه اصطحبها للعمل ثم عمل عمل اخر وايضا اصطحبها معه

وكان لما يدخل الحمام تتصل بيه تقوله انت بتكلم مين انت داخل الحمام عشان تكلم حد:))

وهي كانت تحبه جدا جدا

وفي مره اختلفو وكانت تعرف عائله من الاسكندريه فذهبت اليهم وبالصدفه كان فيه من هذه العائله واحد من امريكا ( هي تعرفه) ذهب بها الى السفاره الامريكيه وقدمت شكوى في زوجها ان لديه افكار تطرفيه وارهابي :))

وبالفعل اطلقت وتزوجت الاسكندراني( اللي هو شافته بالصدفه عند العائله الاسكندرانيه).

كانت مسلمه على فكره.

البوسنيات الملتزمين بالتعاليم الاسلاميه ( استايل اوروبي وعادات مصريه)
صدقني يازميلي كله شمال ما انا اتعاملت معاهم
لو لقيت حاجه زي كده شفلي واحده معاك:)

مفيش احسن من الحور العين فوكك انت

المشاركة الأصلية كتبت بواسطة ibrahim sallam

متفق معاك طبعا

بس هو احنا نضمن ندخل الجنه اصلا فضلا عن الفوز بالحور العين:)

وبعدين انت رائيك نستنى يعني مثلا لحد ما نقابل الحور العين:)

لا ياراجل كله شمال

يانهار ابيض لما البوسنيات المسلمات شمال

امال الامريكان ايه والاوروبين ايه

علشان ما تقولش اني بفتري عليهم
اي نعم تعاملي معاهم كان نت
لكن اعطيك اراء ناس سافروا بانفسهم ورأوهم على ارض الواقع مقتبسه من موضوع تجربه السفر الى البوسنه
.................................

الله يسلمك يا هاني
بالنسبه للمسلمين هناك هما مسلمين بالاسم بس يعني بيشربوا خمور وبياكلوا خنازير .. يا راجل دا انا رحت مره اشتري اكل من سوبر ماركت فكان نفسي في لانشون ... وكنت فاكر انه زي عندنا بس لما جيت علي الكاشير وسألت فالانثه كان ردها ان ده pigy طبعا رجعته .... وبعدها رحت اكلت شاورمه ( الساندوتش ب 5 مارك ) .. وحليت ب ايس كريم ب 2 مارك ... علي فكره محلات الايس كريم هناك كتير جدا ......

بالنسبه للزواج من البنات اللي هناك انا هقولك علي الحقيقه :

1- 90 % من بنات البوسنه فقراء جدا جميلات شكلا مش مضمونا واغلبها يتمنيون الزواج من اي رجل غير بوسني لان الرجل البوسني شديد جدا مع مراته يعني ضرب وتهزيق وكده يعني
2- قانون البلد هناك بيسهل الزواج يعني لو هتتزوج هناك يبقي محتاج 3 ورقات بس
1- قيد فردي مترجم لانجليزي او فرنسي وموثق
2- شهاده ميلاد ....................................
3- فيش جنائي ...............................

بس نصيحه نصيحه نصيحه بلاش الزواج من بوسنيات .... لو انا كنت لاقيت الموضوع حلو والله كنت عملته ... انا شوفت بعيني هما هناك عايشين ازاي وتصرفاتهم ايه

بالنسبه بقي للبنات اللي كانوا هنا في مصر ....لما الحربت كانت موجوده هناك في البوسنه فالحكومه كتر الف خيرها اخذت البوسنيات اللي اجوزهم تعيش انت ... علشان تزوجهم لشباب مصر بس بشرط انه يمون عنده شقه وشغل وتأمين ...... بس بقي اللي حصل ( تزوجوا عادي جدا وانجبوا اولاد وبنات ولما الحرب خلصت اخذوا عيلهم وهربوا ) يعني قله الاصل متوفره فيهم ....


اظن كده الرؤيه وضحت

........................................

مظبوط يا أخ محمود.. بضم صوتي لصوتك .
أنا كمان كنت أول ما رحت البوسنة فكرت في الموضوع ده,شفت هناك بنات وكنت مفكرهم صربيات لكنهم طلعوا مسلمات مع الأسف..شرب سجاير وصحوبية ولاد وديسكو وبار بيسموه(كافانا) يعني مقهى بيقدم بيرة وخمرة..ونادرا ما تلاقي الشاسيه سليم إنما معووج(على رأي عادل إمام في الواد سيد الشغال) لأن البنت بتتصاحب على ولد من وهي في ثانوي ويعيشوا أكنهم متجوزين(طبعا فاهمني)..
ده غير التناقض الإجتماعي عندهم منتشر كتير..يعني تلاقي واحد بوسني مربي دقنه وملتزم وبيصلي الفرض بوقته وتقول ماشاء الله إيه الإيمان والورع ده..تشوف أخته أو بنته أو مراته..حاجة على النقيض تماما..تبرج ومكياج ومش بتصلي وكلام مع الرجالة الغرب عادي خالص وهو ولا أكنه هنا..
والعكس بقى..تلاقي واحدة محجبة وجوزها بيشرب سجاير وخمرة ولابس دهب ومش بيصلي..يعني تناقضات عجيبة فعلا..
بصراحة لاقيتهم واخدين الإسلام منظرة وللإستهلاك الإعلامي بس ولغيت تماما فكرة الإرتباط من البوسنة..برغم إن فيهم نسبة جمال وكده بس جمال الشكل مش كل حاجة..يعني هتاخد واحدة جميلة شكلا بس الجوهر تعبان .
بس على فكرة,البنت المصرية أصيلة وبتبان وقت الشدة لأن معدنها دهب مش فالصو..

كفايه كده
علشان تعرف بس ان كله شمااااااااااال والحياه مش ورديه ابداااا

المشاركة الأصلية كتبت بواسطة ibrahim sallam

هقولك انا

انا مش بقول انك بتفتري عليهم لا خالص انا مصدقك في كل كلمه

بس هي القصه ازاي

من خلال تجربتي واحتكاكي مع مسلمه امريكيه.

معاني الاسلام وخصوصا في الاخلاقيات والشريعه مش عاوز اقول مفتقده لا

لكن ليست بالصوره الصحيحه التي ينبغي ان تكون عليها وده نتيجة تقصير معين في هذا الجانب

يعني مثلا البنت اللي كلمتها اخلاقها عاليه جدا ومركزه جدا في العقيده الاسلاميه والفرق بينها وبين الشيعه هما مهتمين جدا بهذا الجزء.

وبالرغم من كده تلاقيها مثلا وقعت على كعب رحليها فورمت

فحبيت تصورلي الجزء الوارم ههههههههه

صورت منين بقا من فوق الركبه بشبر كده :o_stupid[1]:
هي ممكن تكون متعرفش ان كده غلط او حرام

يعني مثلا لما تقولي ( انا ذهبت للمسجد) المفرض تقول الحمد لله يعني تحمد ربنا على ذهابها للمسجد .. لاء تقول انا ذهبت للمسجد ماشاء الله..

ففيه حاجات كده عاوزه تتظبط عندهم


اللي عاوزه ااقوله يعني

اكيد طبعا في اي مجتمع التعميم لايصح

وحتى المنحرف اخلاقيا ( ااقصد شعر سايب ولبس قصير) ممكن مع التوجيه والمعرفه يجي منهم

ومتنساش طبيعة المجتمع لها دور.

مقبلتش بنات من البوسنه مشفتهمش على النت

انا كنت الاول بحارب علشان اتجوز اجنبيه وبعد خوض تجارب كتيرة لقيت ان الفكرة فاشله (فكرة الجواز عموما) سواء من اجنبيه غربيه او عربيه او مصريه
واديني قاعد اهو وتوقفت عن البحث من فترة كبيرة مستني لما تيجي لحد عندي علشان انا تعبت
وربنا يرزقنا واياك الزوجه الصالحه