الموضوع: وها قد اصبحت ماروتاوى-تقييم الماروتى بعد اول يوم

مبروك الماروتي يا باشا وتتربي في عزك :)

مبروووووووووك ربنا يباركلك فيها

الف مبروك يا خالد. بس متنساش تركبلها فلتر هواء سبور :)

المشاركة الأصلية كتبت بواسطة OlaOsman

مبروك على المدام الماروتي.. و لو كنت أفضل انها تجيب حاجة بباور ستيرينج و تكييف، كانت هاتريحها كتير في السواقة، عشان كده كنت باسأل ليه ما فكرتش في الألتو مثلا؟

هو بصراحة لو اى حد غيرك سأل السؤال ده كنت هقول انه بيضرب اسفين بينى وبين المدام

بس بما انى عارف علا كويس فانا متأكد من حسن النية

ولذلك هشرحلك الحيثيات

1- احنا عاوزين عربية قطع غيارها رخيصة لأن لسة عندنا مشكلة فى التمكن التام من السيارة
2-عايزين عربية صغيرة
3-عاوزين عربية قطع غيارها برة التوكيل ، مش كل ما المدام تطلع بيها فوق رصيف ولا تحرق اسطوانة دبرياج اروح احجز قطعة غيار من التوكيل يجيبوهالى بعد 49 سنة ، او احجز معاد صيانة الألفية اللى جاية، الحاجات دى تناسب خبراءالسواقة اللى مش متوقع منهم مشاكل كتير مع العربية
3-عاوزين عربية اثبتت نفسها فى السوق ومافيهاش مغامرات، يعنى كل العربيات الصينى كانت خارج حساباتنا
4- الفروق بين الماروتى والألتو كانت من وجهة نظرنا فى صالح الماروتى، لأن العشرة آلاف جنيه الفرق بين الماروتى، والألتو الفاضية اللى مافيهاش تكييف مقابل الشكل الخارجى الأحدث بدون اى تطوير فعلى فى السيارة سوى انها بقت انجكشن بدلا من كاربراتير، احنا لقينا اننا اولى بالعشرة آلاف دى، اما التكييف فبأذن الله هنركبه على دخلة الصيف القادم،(مع ملاظة ان الألتو ام تكييف تزيد فوق العشرتلاف تلات تلاف كمان) والحسبة ببساطة ان طالما ان الألتو ام محرك 800 سى سى بيركب لها تكييف يبقى الماروتى ام 800 سى سى يركب لها تكييف ، كما انها آمنة من جهة تركيب تكييف لأن لا حساسات ولا يحزنون ، اما ميزة الماروتى عن الألتو ان قطع غيار الماروتى عند البقالين
5-الفرق بين الماروتى وسيارات نفس الحجم من الشركات الاخرى ذات الأسماء التى يوثق فيها مثل الهيونداى والكيا فرق يشترى عربية تانية فبرضه لقينا اننا اولى بالفرق ده، خصوصا وان تمن الماروتى كان آخرنا فى الكاش وبعد كدة هنقسط، وانا بصراحة بتخنق من التقسيط واجراءاته ووجع قلبه، لأ انا افضل اجيب عربية كاش على قد فلوسى ووقت ما يجيلى تانى اعليها ،