الموضوع: وها قد اصبحت ماروتاوى-تقييم الماروتى بعد اول يوم

ألف مبروك يا باشمهندس خالد
ربنا يباركلك فيها
ويرزقك خيرها
ويكفيك شرها

الف مبروك يا سبعاوي باشا

انا من زمان معجب جدا باسلوب حضرتك في كتاباتك و مشاركاتك
بالمناسبة انا ليسة شاري مياجان 2008 من 4 شهور وكنت هجيب مراتي كيا بيكانتو بس بصراحة تراجعت تاني ودماغي راحت للماروتي خاصة ان مراتي اول مرة تسوق وهيبقى كل المشاوير داخل الرحاب لمدة مش هتقل عن عام حتى اطمن لسواقتها
و لما عرفت ان حضرتك جيبت ماروتي ثبت الفكرة في دماغي

ارجو من سيادتك الاجابة على الاستفسارات الاتية ان امكن

1-سعر العربية
2-الالوان المتاحة حاليا
3-لو اضطريت استخدم العربية في مشوار العاشر لاي سبب بدل عربيتي لفترة شهر مثالنا هل تسعفني
4-انا من الحجم Xxxxxl هل ينفع اركبها
5-هل بنزين 90 يمشي معاها
6-هل بعد فترة 3 سنوات تخسر اوي فل البيع اصلي مش ناقص كفاية الميجان
7-الضمان كام سنة

وا خيرا اتمنى اني مكنش طويلت على حضرتك

ربنا يباركلك فيها
ويديك خيرها ويكفيك شرها يااستاذ سبعاوي

مكنسة ايه بس

انا طولى 190 سم وركبتها وكنت مرتاح فيها مش مزنزق
انا كتبت فى مشاركة قديمة فى المنتدى بنصح واحد بيها وقلتله مميزاتها
هيا جميلة جدا ومناسبة لاى مدام او انسة ولاى شاب وبشوف رجالة كتيير راكبينها
والله عربية قيمة بس مظلومة شويتين عشان شكلها من برة صغيير و 800 سىسى مش بتاعت امريكانى والكلام الفاضى دا

لكن للى بيفكر هوا محتاج ايه من العربية بصورة اقتصادية هتبقى ممتازة ضمن اختياراتة

المشاركة الأصلية كتبت بواسطة Ramy_Ali

مكنسة ايه بس

واضح انك فهمت غلط

انا لو العربية مش عاجبانى وداخلة فى دماغى 100% مكنتش اشتريتها

لكن مافيهاش حاجة لما اقول انطباعى عن العربية اللى انا اشتريتها، وانا ده الانطباع اللى اخدته من حجمها وصوت محركها، فيما لا ينفى انى مبسوط بيها جدا وعاجبانى جدا، لكن مش معنى انى مبسوط منها انى هقول عليها اتوبيس 14 راكب او مرسيدس إس كلاس

المشاركة الأصلية كتبت بواسطة Ahmed Aly

ارجو من سيادتك الاجابة على الاستفسارات الاتية ان امكن

1-سعر العربية
2-الالوان المتاحة حاليا
3-لو اضطريت استخدم العربية في مشوار العاشر لاي سبب بدل عربيتي لفترة شهر مثالنا هل تسعفني
4-انا من الحجم Xxxxxl هل ينفع اركبها
5-هل بنزين 90 يمشي معاها
6-هل بعد فترة 3 سنوات تخسر اوي فل البيع اصلي مش ناقص كفاية الميجان
7-الضمان كام سنة

وا خيرا اتمنى اني مكنش طويلت على حضرتك

1-سعر العربية 38000
2-مودرن موتورز الدقى كان عنده ازرق وسماوى واسود
3-لى صديق كان راكب قبلها ريجاتا فى التسعينات وباعها وجاب الماروتى وفضل بيها 7سنوات مشواره من الهرم لمدينة نصر وكان بيحلف بحياتها، ووواحدة معرفة كانت بتسافر بيها اسكندرية مرتين فى الأسبوع
4-صديقى اللى بحكيلك عليه ده كان صوله مترين ومكانش له معاها مشاكل
5-وبنزين 80 كمان وحياتك
6-العربية مطلوبة جدا فى اعادة البيع، بس السعر كام السوق بيتغير من فترة لفترة
7-الضمان بأه هو اللى مش هتتخيله: تلات سنوات او 100 ألف كيلومتر