الموضوع: مشورتكم..محتار انزل بعرييه من السعوديه ولا اشتري من مصر وخلاص

السلام عليكم
محتاج مشورتكم يا مغتربي الخليج
مثلي مثل اي واحد عايز بعد سنين الغربه دي كلها انزل اركب عربيه كويسه في مصر
مش فيرنا لا لانوس مع احترامي لملاكهم

انا عايز اركب عربيه في مصر بس في الفئه اللي فوق ال 200 الف بالنسبه لفئات مصر
يعني باسات سكودا اوبل انسجنيا او اي عربيه كروس اوفر مثلا كيا سبورتن او هيونداي فور باي فور كده يعني

بس مش عارف الواحد يشتري من هنا ويقسط وبعد كده يجمركها
ولا لما ينزل مصر يحلها حلال

بس الصراحه الواحد حاسس لما ينزل حيستكتر يدفع مثلا 250 الف كده مره واحده في عربيه
لكن لو جابها بالتقسيط هنا ممكن مش حيحس بيها اي

وفي ناس بيقولوا ان هنا العربيات كمالياتها اقل من مصر
مع اني شايف ان التقفيل هنا وعيوب الصناعه احسن

وفي نفس الوقت الواحد خايف يجيب هنا سكودا او باسات او اوبل
ويضطر يبيعها مثلا لاي ظرف سوقها ينزل النص علطول

او لو حصل حاجه ملهاش قطع غيار هنا اوي



الصراحه الواحد محتاار ومش عارف يفكر
انتوا رايكو ايه
مع العلم محدش يحط كورولا ولا النترا في الاختيارات ((( بالبلدي بكرههم ومستغليهم ))
عربيتين حلوين وعمليين بس مش عاجبني ومش حاببهم علما ان عربيتي دلوقتي كورولا

وعايز حاجه تكون اعلي في الفئه و البرستيج


انتوا ايه رايكو ولو فيه اقتراحات لعربيات تانيه
بس تكون 1600 فقط

المشاركة الأصلية كتبت بواسطة romioromio

شكرا لمشاركاتكم
وبالنسبه للاستاز لاند كروزر
ما انا بسال بدري عشان لو جبت هنا حجيب دلوقتي عشان علي بال سنتين تلاته تخلص القسط

واستاز باتمان
هو الجمرك ساعتها مش حيعمله حوالي 50 الف كده تتدبر

بس غلو الاسعار يوم بعد يوم في مصر حاجه تخوف الصراحه
يعني بعد سنتين تلاته ممكن تلاقي ال 200 الف ميجبوش كورولا ستاندارد

بس انا فكرتي لو الواحد اشتري من هنا
اهي ساعتها تبقي مستعمله لما تنزلها بس علي ايدك وانت عارفها مش مضطر تشتري مستعمل في مصر
ولا الفكره دي غلط
وادينا بنتناقش

في الحاله دي يبقي الافضل حضرتك تكمل المده اللي فاضله عندك بالعربيه اللي معاك و ما تشتريش دلوقتي و ممكن الفلوس اللي كنت هتدفعها في القسط تشيلها علي جنب و لما تيجي نازل تشوف حاجه موديل السنه و تنزلها من هناك او تشتري من هنا زيرو و انا افضل الحل ده بتاع الزيرو من هنا علشان الضمان . اليومين دول معظم الشركات بقت بتنزل فئات مختلفه و الموديلات ما بقتش محدوده زي زمان و كمان في اجيال جديده بتطلع كل شويه انما لو جبت زيرو من هناك و ركبتها سنتين تلاته قيمتها هتنزل و هتبقي موديل قديم و يجوز ينزل عليها شكل احدث و هتدفع عليها جمرك و ملهاش ضمان و لو بعتها وارد تخسر فيها بسبب مصاريف الجمرك اللي سوف تضاف عليها يعني مش هيبقي ليها اي ميزه غير الاوبشنز الاعلي