الموضوع: شارك ٢٠١٤ ولا كروز ٢٠١٤؟

سعر الشارك نزل 5000 وبرده الكروز عليها عرض وده كلام الوكيل لان سعرها الرسمى كان ب 160 بس بعد العرض 150 وديه حاجة متعبش العربيتين طبعا الفتيس والموتور متغيرين بس محدش برده جرب العربية سنة ولا اتنين علشان يأكد انها بدون عيوب جوهرية وفى الاخر انا شايف ان العربيتين كويسين جدا ما شاء الله وفى الحالتين انت الكسبان وبالنسبة لاعادة البيع شارك 1600 افضل من سابقتها 1500 والكروز من 2010 حتى 2013 اعادة بيعها مش كويس والله اعلم 2014 اعادة بيعها هيكون ايه

المشاركة الأصلية كتبت بواسطة waleed94wel

أخيراً ظهر حد معاه العربية :) العربية عاملة كام كم مع حضرتك و إيه انطباعك عنها؟ و هل في مشاكل في الجيربوكس زي الموديلات القديمة؟ و يا ترى حاسس ان كان في اختيارات تانية كان ممكن تكون أنسب؟

لسه ما كملتش 1000 كيلو بس الانطباعات مبنيه على اني كنت راكب الميجان 2009 الفئه اللي قبل البانوراما.....انطباع رائع شكلا واداء وموضوعا
الموتور سحبه ممتاز والفيتيس سلس جدا جدا جدا
اما الاختيارات فكانت تنحصر بين الشارك والسيراتو ودي...الفلوس بتحكم برضه كان اخري 150
وكنت عايز زيرو
الشكل الداخلي والعزل فرقوا معايا ...كنسلت الشارك اللي مع ابن خالتي 2011 هايلاين بفتحه سقف والعزل معجبنيش.
واللي معايا مكانش يجيب سيراتو هايلاين طبعا كان يجيب ريو هايلاين وركبتها 24 ساعه ما اقتنعتش
ما فيش انسب من اللي جبتها الحمد لله سعرا وموضوعا وعايز اقولك الثبات والعزل واداء الموتور...روعه ما شاء الله ضيف عليهم التكيييييييف "انا كان معايا ميجان هه" والشكل الداخلي المريح والمبهج

المشاركة الأصلية كتبت بواسطة d.ahmed ismail

تصدق كانو كتير مش لاقيهم :d
عموما انا افضل الكروز
مميزات الشارك و الكروز ( ثبات عالي - عالية عن الارض -امان )
الشارك تتفوق في السحب من الزيرو اعتمادية الياباني
الكروز تتفوق في العزل و اعادة البيع
عيوب الشارك : العزل و الاكصدام الغريب
عيب الكروز : منصور

ولا يهمك يا باشا :) البركة في حضرتك و الناس هنا متفاعلين بشكل جيد جداً ... انا ملاحظ ان في اختلاف في موضوع اعادة البيع من شخص للتاني.
طيب حضرتك بتقول عيب كروز منصور، ممكن تقولي ايه مشاكله بالتحديد عشان الصورة تبقى واضحة؟ و ايه موضوع اكصدام الشارك؟ و هل دياموند احسن كتير من منصور؟ معلش بطول في الأسئلة بس الواحد محتار فعلاً

المشاركة الأصلية كتبت بواسطة max13

سعر الشارك نزل 5000 وبرده الكروز عليها عرض وده كلام الوكيل لان سعرها الرسمى كان ب 160 بس بعد العرض 150 وديه حاجة متعبش العربيتين طبعا الفتيس والموتور متغيرين بس محدش برده جرب العربية سنة ولا اتنين علشان يأكد انها بدون عيوب جوهرية وفى الاخر انا شايف ان العربيتين كويسين جدا ما شاء الله وفى الحالتين انت الكسبان وبالنسبة لاعادة البيع شارك 1600 افضل من سابقتها 1500 والكروز من 2010 حتى 2013 اعادة بيعها مش كويس والله اعلم 2014 اعادة بيعها هيكون ايه

انا مع حضرتك لو المقارنة بين شارك و كروز من سنة فاتت كنت هختار الشارك طبعاً ... بعدين العيوب الجوهرية في الكروز كانت في الجيربوكس بتاعه و تم تغييره في الموديل الجديد بجيربوكس الاسترا اللي موجود من ٢٠١٠ و مافيش مشاكل ظهرت منه ... دلوقتي في سؤال لو الشارك عاملة مع حضرتك كم عالي محتاجتش تغير اي حاجة زيادة عن المقرر تغييره في الصيانات الدورية ولا في حاجات اضافية تم تغييرها؟

المشاركة الأصلية كتبت بواسطة dreslam

لسه ما كملتش 1000 كيلو بس الانطباعات مبنيه على اني كنت راكب الميجان 2009 الفئه اللي قبل البانوراما.....انطباع رائع شكلا واداء وموضوعا
الموتور سحبه ممتاز والفيتيس سلس جدا جدا جدا
اما الاختيارات فكانت تنحصر بين الشارك والسيراتو ودي...الفلوس بتحكم برضه كان اخري 150
وكنت عايز زيرو
الشكل الداخلي والعزل فرقوا معايا ...كنسلت الشارك اللي مع ابن خالتي 2011 هايلاين بفتحه سقف والعزل معجبنيش.
واللي معايا مكانش يجيب سيراتو هايلاين طبعا كان يجيب ريو هايلاين وركبتها 24 ساعه ما اقتنعتش
ما فيش انسب من اللي جبتها الحمد لله سعرا وموضوعا وعايز اقولك الثبات والعزل واداء الموتور...روعه ما شاء الله ضيف عليهم التكيييييييف "انا كان معايا ميجان هه" والشكل الداخلي المريح والمبهج

ربنا يديك خيرها و يكفيك شرها ... هو طبيعي ان حضرتك تحس بنقلة بين تكييف الميجان و الكروز ده فرق الاوروبي من الكوري ... دلوقتي كفت الكروز رجحت بنسبة كبيرة بس مش قالقني غير فرق الاعتمادية بين الكوري و الياباني ... بس في حاجة، لو قطع غيار الكروز سعرها ارخص من الشارك بشكل واضح ده ممكن يبقى نقطة في صالحها قصاد اعتمادية الشارك اللي قطع غيارها حاسسها غالية حبتين

لا مش عاملة معايا عدد كبير من الكيلوهات انا عامل 5000 كيلو ممكن حد تانى يفيدك اكتر يكون عامل عدد اكبر

المشاركة الأصلية كتبت بواسطة max13

لا مش عاملة معايا عدد كبير من الكيلوهات انا عامل 5000 كيلو ممكن حد تانى يفيدك اكتر يكون عامل عدد اكبر

شكراً للرد و آسف على الإطالة