الموضوع: شارك ٢٠١٤ ولا كروز ٢٠١٤؟

المشاركة الأصلية كتبت بواسطة omar mahmoud

مكنتش معايا هي مع واحد صاحب اخويا بس مكنتش مقتنع شوفتها في معارض و لقيت الحكاية دي بس تقفيلها مش تقفيل 128 يعني كويس بردو.
الكروز انا سألت الsales man في 2013 و انا بتفرج عليها قولتله"انا سمعت إن العربية فيها مشكلة في الفتيس الكلام ده صحيح؟؟قاللي فعلا كان في مشكلة بسبب إن الموتور ال107 حصان كان قليل علي العربية فمع فتيس اوتوماتيك كان الفتيس بيتبهدل معرفش كان قصده علي إن الكيك داون كتير و لا حاجة تانية.بس عموما مسمعتش عن مشكلة فيه من وقت التغيير لموتور الاسترا j غير إن الفتيس ده هو بتاع الاسترا j.
التوكيل مش كويس اوي بصراحة.

المشكلة ان الأسترا j فيها نفس الشكوى دي و لو ربطناهم ببعض هنلاقي ان الفتيس و الموتور هما الحاجتين اللي مشتركين فيهم و الاتنين نفس التوكيل

المشاركة الأصلية كتبت بواسطة ahmzd

أنا عن نفسي عايز أختار الشارك بس بصراحة فيها شوية منغّصات رخمة جدا في 2014 ( من وجهة نظري طبعا ):
1. فتيس عاااااااادي جدا 4 نقلات .. الناس النهارده بتتكلم عن cvt أو dsg أو حتى أوتو عادي بس 6 سرعات!
2. شكل داخلي تعباااااان خالص وخامات أي كلام وحاجات لا تليق ب 2014 ولا 2011 حتى!
3. شكل خارجي كان ثورة ف زمانه أما الآن فقد عفى عليه الزمن وخصوصا أن الكل يعلمون أنه من .2008!
4. توكيل لم يقدم جديدا للسيارة نهائيا، لا على مستوى فئات السيارة التي يطرحها ولا التسويق لها ولا خدمات ما بعد البيع لدرجة أنني أسأل نفسي أحيانا لماذا كلّف نفسه بنزع هذا التوكيل من الرواس طالما سيهمل السيارة بهذا الشكل؟!
5. العزل وصوت الكاوتش أصبحا من الأمور الأساسية جدا في هذه الأيام، ويكفي أن يعلم التوكيل أن هذه مشكلة نتحدث فيها جميعا ولا يحرّك ساكنا لمحاولة علاجها ولو حتى على حسابنا كمشترين وعملاء

انا معنديش مشكلة في انه فتيس قديم بس منعدم الأعطال و استجابته عالية و الصوت ممكن اتعود عليه لكن ملاقيهاش بتترج مني و هي عربية جديدة و التوكيل مش فاهم المشكلة و مش عارف لها حل (بتكلم عن الكروز) ... بس كلام حضرتك عن التوكيل بيقول ان دياموند من منصور مش فارقة كتير

المشاركة الأصلية كتبت بواسطة j a g u a r

esp + tc للكروز

شكراً علي التوضيح اصل انا كنت فاصل بين الثبات و الأمان

ربنا يهديك للأصلح وييسر لك أمرك ويكتب لك الخير

المشاركة الأصلية كتبت بواسطة ahmzd

ربنا يهديك للأصلح وييسر لك أمرك ويكتب لك الخير

آمين يا رب ... وربنا يسهل ونشوف آراء باقي الأعضاء

المشاركة الأصلية كتبت بواسطة omar mahmoud

لو قصدك شكوي التوكيل معاك حق
إنما مشكلة في الفتيس للاسترا او الكروز الجديد انا مسمعتش الحقيقة

و الله التوكيل ناس كتير قالولي منصور مش كويس ... و بالنسبة لمشاكل الرجة اتمنى يكون عيب بنزين