الموضوع: ازاى احافظ على قيمة الفلوس او استثمرها خلال سنين الكلية ؟

المشاركة الأصلية كتبت بواسطة حسام الغرباوي

السلام عليكم


هوضح لحضرتك بعض النقاط الاول قبل راي

اول حاجة ابعد عن شراء الدولارات والدهب لسببين :

1 - معتمدين بشكل اساسي على إقتصاد وسياسة البلد .
2- ممكن لقدر الله يتم فقدهم لأي سبب ما ( سرقة او ما شبه ).


تاني حاجة لو عايز تستثمرهم يبقي مع حد قريبك من الدرجة الاولي فقط - اخ عم خال ((( متستثمرش مع حد صحبك مهما كانت الظروف )))

افضل حل - من رأي الشخصي - عمل وديعه في البنك او شهادات استثمار قناة السويس

توضيح بخصوص قناة السويس
(( الشهادات تصدر من البنوك الحكومية وليس لها دخل بالحكومات او السياسة ))
(( الشهادات مضمونه من وزارة الماليه ))
(( الشهادات لها تغطية نقديه من البنك المركزي ))
(( الشهادة عليها افضل عائد 12 % )) يعني ال 50 الف عليهم فايدة شهريه 500 جنيه

مش شايف حضرتك ان غريبة جدا تقول ان سعر الدولار والدهب.. اللى هما بورصة عالمية انهم محكومين بسياسة واقتصاد بلد ... بينما تنصح بسندات مشروع محلى لدولة ممكن يتوقف ولايكتمل لأى سبب ومرتبط ارتباط وثيق باقتصاد بلد واحدة ( وهو اقتصاد ميت طبعا) بينما الذهب والدولار بورصات عالمية لا تحكمها دولة واحدة ؟

وبعدين هو لو اشترى دولارات وفتح بيها حساب دولارى فى بنك أو اشترى دهب وحطه فى خزنة بنك ...يبقوا حايتسرقوا ازاى ؟

بص مصر داخله علي تقلبات سياسيه الله اعلم الل هيحصل فيها ايه
مفيش استقرار علي الاقل 5 او 6 سنين قدام
نكون انت خلصت كليتك
مفيش استقرار يعني الدولار هيستمر ف الصعود وقيمة الجنيه في الهبوط
ممكن تخليك ف المضمون واشتري قطعه ارض زراعيه واجرها

شهادات قناة السويس غير مضمونة فى حالة افلاس البلد أو انهيار الاقتصاد وده مش بعيد فى ظل القرارات الخاطئة اللى بتتاخد بالجملة دلوقتى ممكن يحصل زى ما حصل فى الارجنتين و الدولة تجمد الفلوس ويا فرحتى يبقى عندك رقم فى البنك
ادخل مشروع احسن او اشترى قطعة ارض فى مدينة جديدة

اشترى بنصهم سبائك دهب ابعد عن الجنيهات عشان النصب فيها كتير
واشترى بالنص التانى دولارت
الدهب عمره مايخسر دة بالعكس انت ممكن تجيب اضعاف اضعافة فى الفترة دة
والدولارات انت شايف اهو من يوم الثورة بقا بكام ومنزلش طبعا
ولو افترضنا انى الدولار نزل فى مكسب الدهب هيعوض مكسب الدولارات

اعمل حاجه اسمها محفظه
يعنى نوع استثمارات ومتخفش الى هيخسر فى جانب هيكسب فى جانب تانى
اشترى دولار
اشترى دهب
اعمل شهادات استثمار
راقب الموقف وهتتعلم حلو اوى لمدة سنه والموضع مش هياخد منك اكتر من ساعه زمن فى الاسبوع على النت لمعرفه الاسعار بالزيادة او النقص

ابعد عن العقارت فى المدى القصير لان المبلغ صغير بس عينك على حاجه تشتريها بعد سنه تكون عارف كويس قوى انها بتزيد وتكون قسط سعتها بسهوله هيكون عندك خبرة عقارات وخبره دولار وودهب وشهادات
وبعد السنه احنا الى هنجى نسالك نستثمر فلوسنا ازاى

ابعد عن الشركاه مع اى حد عشان المبلغ صغير ومشاكل الشغل مع القرايب لا ول لها ولا اخر

لو تزود ساعه فى الاسبوع مذاكره فى البورصه ممكن بعد 6 شهور تغامر مبلغ بسيط
وتبقى نشاط جانبى لك تفرغ فيه مغامره الشباب

المشاركة الأصلية كتبت بواسطة محمد يوسف

مش شايف حضرتك ان غريبة جدا تقول ان سعر الدولار والدهب.. اللى هما بورصة عالمية انهم محكومين بسياسة واقتصاد بلد ... بينما تنصح بسندات مشروع محلى لدولة ممكن يتوقف ولايكتمل لأى سبب ومرتبط ارتباط وثيق باقتصاد بلد واحدة ( وهو اقتصاد ميت طبعا) بينما الذهب والدولار بورصات عالمية لا تحكمها دولة واحدة ؟

وبعدين هو لو اشترى دولارات وفتح بيها حساب دولارى فى بنك أو اشترى دهب وحطه فى خزنة بنك ...يبقوا حايتسرقوا ازاى ؟

اول حاجة سعر الدولار والدهب مرتبطين بسياسة البلد وإقتصادها ( قيمة عملة البلد ) لاننا بنستخدم عملة مختلفة عن العملة العالمية وبالتالي طول ما الاقتصاد بتاعنا في العالي وعندنا دخل من العملات الاجنبية (( قيمة العملة الاجنبية هتقل )) لان العرض يقلل من الطلب
------ وعشان كدا لما الحكومة كانت بتضخ دولار في السوق كان سعر الدولار في السوق السودا بينزل من 8 جنية ل سبعة وشوية -------

لو عايز تعرف اكتر
سعر الصرف - ويكيبيديا، الموسوعة الحرة





اما بخصوص الذهب ...وانو ممكن يحطه في خزنة في بنك (((فهو اصلا عايز استثمار يزود الفلوس ))) وكدا هو هيدفع مبلغ للبنك مقابل إيجار الخزنة (( عام 2008 كان ايجار خزنة صغيره جدا حوالي 250 جنية سنويا )) .....دا عام 2008 يعني من 6 سنين ((((((((( يعني قبل الثورة والتدهور الامني )))))))) دا بالإضافة لتأمين بتدفعه طوال مدنة الخزنة ...يسترد بعد فتح الخزنة

المشاركة الأصلية كتبت بواسطة S.h.a.h.e.r

بص مصر داخله علي تقلبات سياسيه الله اعلم الل هيحصل فيها ايه
مفيش استقرار علي الاقل 5 او 6 سنين قدام
نكون انت خلصت كليتك
مفيش استقرار يعني الدولار هيستمر ف الصعود وقيمة الجنيه في الهبوط
ممكن تخليك ف المضمون واشتري قطعه ارض زراعيه واجرها

المشاركة الأصلية كتبت بواسطة أحمد كمال

الدولارات عمرها ما هتنزل تاني .........


و الاهم ..... ممكن تشيلهم في حساب دولاري في البنك ..... منعا للفقد

كل المؤشرات بتقول ان الدولار سعره هينزل خلال السنوات القادمة ((( توقعات عشان المشاريع القومية اللي بتتعمل )))

+

معدل العائد علي الشهادة اعلى من معدل ارتفاع سعر الدولار

بخصوص شهادات قناة السويس ....مضمونة من البنك المركزي !!!....البنك المركزي غير مرتبط بأي سياسات اصلا ....بالإضافة ان في غطاء نقدي خاص بالودائع والشهادات ....



=========================

طبعا دا مجرد رأي ونقاش مع الاساتذة الافاضل مش اكتر :)

تحياتي