ازاى احافظ على قيمة الفلوس او استثمرها خلال سنين الكلية ؟

**ehabouf** · 31-08-2014 08:28 AM

المشاركة الأصلية كتبت بواسطة live_1

شركة الفتح قرايبى حطين فيها بس انا مش عاوز احط فى حاجة مش مضمونة 100% وطبعا انتم ادري بظروف البلد عاملة ازاى واللى بيتمسك واللى بيهاجر ...الخ

شهادات قناة السويس بتبقى تبع بنك ايه ولا افتحها فين؟
ينفع سن اقل من 21 سنة يفتحها ويستلم ارباحها؟
كل 3 شهور 2000 جنيه ولا 1500 عشان الناس اختلفت فالمنتدي؟
واهم حاجة دي ملهاش علاقة بالسياسة والكلام ده 100% ؟ مش عاوز فلوسى تروح ..
وغير الشهادات دي
انهى بنك بيدي شهادة استثمار بأعلى نسبة فوائد ؟ وحتي لو سنوية عادي ؟؟
افيدوني

وشكرا جدا جدا لأعضاء أحلي منتدي :)

شهادات بنك فيصل السباعية
العائد كل 3 شهور (آخر عائد كان 2.6% على ال 3 شهور قبل ما البنكالمركزي يرفع سعر افائدة)
العائد يضاف الى اصل المبلغ وبتم احتساب العائد في الربع الذي يليه على اصل المبلغ + عائد الربع الأول .... وهكذا
لو حسبت الفائدة المركبة دي حاتلاقيها عدت ال 13% سنويا
انا عارف ان بنك فيص مش اد كدة لكن فعلاً الوعاء الإدخاري ده اعلى من جميع البنوك الي موجودة في مصر
عيبه الوحيد لو حاولت تسحب الفلوس قبل ال 7 سنين - بتخسر 50% من العائد علشان كدة لازم تتأكد الأول انك مش محتاج الفلوس قبل 7 سنين

**S.h.a.h.e.r** · 31-08-2014 11:02 AM

بكرر تاني ابعد عن المشاريع القوميه والكلام الفارغ دا
الناس مش مقدره حجم المخاطر فعلا ال ف البلد
سعب مقسوم نصين
جماعات اسلاميه محوطانا من كل ناحيه لن تهدا لها بال الا باسترجاع حقوقها
وعلمانيين كل هدفهم السرقة والتكويش والسلطه
وشعب ضايع بين الاثنين واحد بيشده والتاني بيزرع فيه الجهل والعصبيه والتخلف
الاقتصاد يعني سياسه - الدولار مرتبط بهيبه دولته وامريكا مازالت بعيده عن السقوط ف الوقت الحالي
الحل عندك يا تشتري الدولار يا تشتري اصول تقدر تبيعها زي ارض زراعيه
الخمسين الف يجبولك قيراطين وممكن تاجرهم

**Live_1** · 31-08-2014 02:19 PM

انا بحثت شوية فى موضوع الدهب لقيت ان
النهاردة الجرام عيار 21 بـ259جنيه
اغسطس 2013 (من سنة) كان بـ274جنيه
اغسطس 2012 (سنتين) كان بـ290جنيه
اغسطس 2011 (تلت سنين) كان ب306جنيه
يعني لو اشتريت من 3 سنين وبعت دلوقتي حخسر كتير ..
الدهب قلقني لأني معرفش بعد 3-5 سنين حيكون ايه ؟ حتي لو زاد ممكن تكون مش زيادة كبيرة وشهادة فى البنك حتجيب نفس القيمة ..

الدولار انهاردة 7.15 جنيه (من موقع البنك الاهلى) ، لو زاد ووصل مثلا 10 جنيه خلال 3-4 سنين حيكون فوائد البنك شبهه تقريبا (ولو مازدش للرقم ده حتكون البنك اكتر.. وانا اصلا بدور على حاجة مضمونة)

اراضى المبلغ مش كبير .. وانا بخاف جدا من الاراضى لما سمعته من قرايبى اراضيهم راحت وضع يد وانا مليش اي خبرة فى الاراضى ومش ناقص يتنصب عليا ، ده حتي الشقق اضمن

استاذ ehabouf شهادات بنك فيصل السباعية وانا حكون محتاج الفلوس قبل 7 سنين ، دي فترة طويلة ، غالبا ححتاجهم بعد 5-6 سنين

اعتقد احسن حاجة شهادات
انهى احسن بنك بيدي اعلى فايدة دلوقتي وهي كام ؟

**أحمد كمال** · 31-08-2014 02:32 PM

المشاركة الأصلية كتبت بواسطة live_1

انا بحثت شوية فى موضوع الدهب لقيت ان
النهاردة الجرام عيار 21 بـ259جنيه
اغسطس 2013 (من سنة) كان بـ274جنيه
اغسطس 2012 (سنتين) كان بـ290جنيه
اغسطس 2011 (تلت سنين) كان ب306جنيه
يعني لو اشتريت من 3 سنين وبعت دلوقتي حخسر كتير ..
الدهب قلقني لأني معرفش بعد 3-5 سنين حيكون ايه ؟ حتي لو زاد ممكن تكون مش زيادة كبيرة وشهادة فى البنك حتجيب نفس القيمة ..

الدولار انهاردة 7.15 جنيه (من موقع البنك الاهلى) ، لو زاد ووصل مثلا 10 جنيه خلال 3-4 سنين حيكون فوائد البنك شبهه تقريبا (ولو مازدش للرقم ده حتكون البنك اكتر.. وانا اصلا بدور على حاجة مضمونة)

اراضى المبلغ مش كبير .. وانا بخاف جدا من الاراضى لما سمعته من قرايبى اراضيهم راحت وضع يد وانا مليش اي خبرة فى الاراضى ومش ناقص يتنصب عليا ، ده حتي الشقق اضمن

استاذ ehabouf شهادات بنك فيصل السباعية وانا حكون محتاج الفلوس قبل 7 سنين ، دي فترة طويلة ، غالبا ححتاجهم بعد 5-6 سنين

اعتقد احسن حاجة شهادات
انهى احسن بنك بيدي اعلى فايدة دلوقتي وهي كام ؟

اسعار الفايدة مش ثابتة برضه ........ و خلي بالك اما بتطلع معناها ان التضخم زاد فمش فارقة

الدولار مضمون جدا جدا صدقني .......

**محمد يوسف** · 31-08-2014 02:53 PM

المشاركة الأصلية كتبت بواسطة live_1

انا بحثت شوية فى موضوع الدهب لقيت ان
النهاردة الجرام عيار 21

مجرد ملحوظة : انت مش حاتشترى غوايش أو مشغولات ... دول اللى عيارهم 21 و 18... لو اشتريت حاتشترى جنيهات أو سبايك ودول بسعر الدهب العالمى عيار 24 بدون مصاريف تشغيل ومصنعية

**Live_1** · 31-08-2014 03:35 PM

المشاركة الأصلية كتبت بواسطة محمد يوسف

مجرد ملحوظة : انت مش حاتشترى غوايش أو مشغولات ... دول اللى عيارهم 21 و 18... لو اشتريت حاتشترى جنيهات أو سبايك ودول بسعر الدهب العالمى عيار 24 بدون مصاريف تشغيل ومصنعية

انا الدهب هو الحاجة اللى بفكر فيها فعليا بجانب الشهادات ..
لكن عندي اسئلة لو حد يعرف يفيدني
- الجنيهات الدهب ولا السبايك ؟
- الجنيهات الدهب سهل ابيعهم بعد كدة ؟ يعني ممكن اروح لمحل دهب ابيعه يقولى لأ ؟
- ازاى اضمن انه مش مضروب؟
- هل ده وقت مناسب حاليا لشراءه؟ وايه مؤشرات ارتفاعه وانخفاضه ؟

**Live_1** · 31-08-2014 03:59 PM

انا كلمت محل دهب (قرايبى كانو بيتعاملو معاه في شبكة وكدة)
اول ما سألت الراجل عن الجنيهات الدهب قالى احنا مش بنتعامل فيهم بطريقة غريبة وحسسني انى سألت عن هيروين :d
المهم اني كدة قلقت لاحتي لو اشتريت معرفش ابيعهم ...
هو قانونا السبايك والجنيهات والحجات دي فيها حاجة ؟؟

**حسام الغرباوي** · 31-08-2014 04:40 PM

المشاركة الأصلية كتبت بواسطة أحمد كمال

هاهاهاهاهاهاهاهاهاهاهاهاه ااااااااااااااااااااااااا ااااااااااااااااااااااااا ااااااااااااااااااااااااا اااييييييييييييي

هاهاهاهاهاهايييييي

ههههههههههههههههههااااااا ااااااااااااااااييييييييي ييييييييييييييييييييييييي يي

هو بعيدا عن سخرية حضرتك ...فسعر الدولار السنة اللي فاتت وصل 8 جنية وكان ثابت في البنك على 7.51ودا بعد مناشدة الحكومة العاملين بالخارج مساعدة مصر بتحويلات دولارية

دلوقتي سعر الدولار ثابت من اكتر من 4 شهور على 7.15 !!!!

والزيادة المتوقعة في الدولار خلال السنين اللي جاية لن يتعدى بأي شكل من الأشكال عن 8 جنية

تعقيب بسيط بس
من الواضح ان حضرتك بتقول كلام من اللي بتسمعة او بتعيشة في الواقع ...اللي هو ظروف البلد وان الدولار مش هينزل وان الاقتصاد زي الزفت وان مش عارف اية واية ...الخ يعني مش كلام مدرس عن استنتاجات وخلافة .......

تحياتي لحضرتك

المشاركة الأصلية كتبت بواسطة live_1

انا بحثت شوية فى موضوع الدهب لقيت ان
النهاردة الجرام عيار 21 بـ259جنيه
اغسطس 2013 (من سنة) كان بـ274جنيه
اغسطس 2012 (سنتين) كان بـ290جنيه
اغسطس 2011 (تلت سنين) كان ب306جنيه
يعني لو اشتريت من 3 سنين وبعت دلوقتي حخسر كتير ..
الدهب قلقني لأني معرفش بعد 3-5 سنين حيكون ايه ؟ حتي لو زاد ممكن تكون مش زيادة كبيرة وشهادة فى البنك حتجيب نفس القيمة ..

الدولار انهاردة 7.15 جنيه (من موقع البنك الاهلى) ، لو زاد ووصل مثلا 10 جنيه خلال 3-4 سنين حيكون فوائد البنك شبهه تقريبا (ولو مازدش للرقم ده حتكون البنك اكتر.. وانا اصلا بدور على حاجة مضمونة)

اراضى المبلغ مش كبير .. وانا بخاف جدا من الاراضى لما سمعته من قرايبى اراضيهم راحت وضع يد وانا مليش اي خبرة فى الاراضى ومش ناقص يتنصب عليا ، ده حتي الشقق اضمن

استاذ ehabouf شهادات بنك فيصل السباعية وانا حكون محتاج الفلوس قبل 7 سنين ، دي فترة طويلة ، غالبا ححتاجهم بعد 5-6 سنين

اعتقد احسن حاجة شهادات
انهى احسن بنك بيدي اعلى فايدة دلوقتي وهي كام ؟

هو دا بالظبط اللي وضحته في ردي ....مهما زاد الدولار مستحيل يوصل نسبة الفائدة البنكية ....

الدهب مقدرش افيدك فيه اوي بس اميل للرأي انك اما تشتري ارض زراعية او متطرفة بالفلوس اللي معاك او تشتري شهادات استثمارية ...وابعد عن مخاطرة الدهب وانك تأجر خزنة في بنك ووجع دماغ

تحياتي

**hitman235** · 31-08-2014 07:10 PM

الدولار مش متوقع ليه الزياده فى الفتره الى جايه افتكروا ان الدولار قعد تقريبا 8سنين ينزل او ثابت من 2003 ل 2011 بعد ما كان طلع من 3.25 ل7.5 جنيه ايام عاطف عبيد و تعويم الجنيه
الدهب سعره مش مستقر و برتبط بأقتصادات اوروبا و امريكا .... بسبب الازمات و الديون فى اليونان و البرتغال و ايطاليا المعروض من الدهب زاد و سعره قل عالميا
افضل استثمار تشوف شىء يجيبلك عائد شهرى او ربع سنوى او سنوى تبقى معاك سيولة صغيره تفك بيها ازمه من غير ما تحتاج تفك الشهاده كلها لو عملتها بنوع العائد فى نهايه الاستحقاق
ارض طبعا صعب تجيب بالمبلغ ده او قده 10 مرات حتى ارض محترمه
لكن ممكن تجيب شقة مساحتها صغيره و اكيد هتزيد خلال 10 سنين اضعاف تمنها لو عايز ترشيحى الشخصى شوف مدينه بدر شقق الشباب هناك هتلك شقة اى مساحه و خلال 10 سنين يكون موضوع العاصمه الاداريه الجديده بان و الاسعار هناك هتضاعف على الاقل