الموضوع: ازاى احافظ على قيمة الفلوس او استثمرها خلال سنين الكلية ؟

المشاركة الأصلية كتبت بواسطة eng f3lix

متعرفش حد من اصحابك بتثق فيه بيشتغل في مجال الملابس وكدة او اي مجال كويس؟ ممكن تدخل معاه شريك وان شاء الله تبقى فتحة خير عليكم لكن منصحش بشهادات قناة السويس لان الموضوع ده بيفكرني بكفتة عبعاطي كله فانكوش

مفيش حد من الناس (المقربين) عامل حاجة زي دي حاليا... وبصراحة حتي لو فيه فأى حاجة زي ملابس وغيره حتكون محتاجة متابعة يومية وانا غالبا مش حكون فاضى لأن كليتي عملية زي ما قلت بالاضافة لانى مليش خبرة فى المجال اللى قلت عليه ..

المشاركة الأصلية كتبت بواسطة محمد يوسف

لو انت مش حاتمد ايدك عليهم طول الدراسة يبقى أفضل حل بعيد عن شبهة الفوايد انك تشترى بيهم جنيهات دهب

انا غالبا مش حمد ايدي عليهم طول الدراسة ، وفكرة الدهب حلوة جدا
بس لو عندك خبرة ياريت تفيدني
1- الدهب حيكون مكسبه اكتر من فوائد البنك خلال مدة 3-5 سنين من شراءه دلوقتي؟
2- اشترى امتي ؟ اليومين دول ايه الوضع؟
3- ازاى اعرف انه مش مغشوش ولا حاجة ؟
4- اشتري منين فى اسكندرية؟

معلش انا اسف لو طولت عليك بس انا قليل الخبرة فى الدهب برضه ومشترتش قبل كدة

المشاركة الأصلية كتبت بواسطة engmody32

اشتري شقه او ارض قيمتها هتيزد مع الوقت

ياريت كان ينفع ، المبلغ ميكفيش شقة



حالياً ايه الأفضل دهب ولا شهادات فى بنك ؟
ولو دهب فيه اسئلة فوق ياريت لو حد يعرف يجاوبني لانى مش خبرة فى الدهب
ولو بنوك محدش يعرف اعلى فوائد فأنهى بنك حاليا؟

وانا اسف لو طولت عليكم
شكرا لكل واحد رد ،، ربنا يجازيكم خير