قرار مفاجئ في تغيير العربية ومحتاج رايكوا جدا

**Mamoud salah H** · 29-08-2014 07:09 PM

السلام عليكم يا اجدع قسم
انا محتاج رايكوا ضروري جدا في الموضوع دة

دلوقتي انا معايا فيكترا 1996 اوروبي ايكوتك كاملة مانيواال 1600
بقالها سنتين معانا وكنت لسة هبدا في شدها واحدة واحدة وفعلا عملت ميكانيكا وعفشة وكهربا
وفاضلي وش دهان وطقم للصالون واشد السقف واجدد الصالون بس ظهر حاليا قدامنا فكرة تغيير العربية عشان نركب حاجة اوتوماتيك تريحنا من الزحمة بص بصراحة العملية مش مستريحة اوي في الفلووس ومش هتعرف نعلي اوي ف المبلغ المتاح يركبنا اوبل استرا 2005:2006

محتاج رايكوا عشان هيفرق معايا اوي امسك في الفيكترا واصرف بزيادة نزاهة ولا اوفر الصرف وادفعوا فرق واركب الاسترا

سؤال جانبي

استرا 2006 ولا ميجان 2006

**amrelsaqqa** · 29-08-2014 07:13 PM

اركبها شوية باللى صرفته ع العفشة والميكانيكا والكهربة لانك كدة هتديها هدية للى بعدك، والاكيد انك هتروح تلبس في عربية محتاجة مصاريف تانى .. وساعاتها هتزهق وهتجيب اخرك وهترهق نفسيا وماديا

**mohamed-adly** · 29-08-2014 07:19 PM

عاوز رأئيي لو مصرفتش عليها كتير مثلا مش اكتر من 2000 جنيه بيعها وهاتلك حاجة اتوماتيك 2000-2002مثلا

**Mamoud salah H** · 29-08-2014 07:35 PM

المشاركة الأصلية كتبت بواسطة amrelsaqqa

اركبها شوية باللى صرفته ع العفشة والميكانيكا والكهربة لانك كدة هتديها هدية للى بعدك، والاكيد انك هتروح تلبس في عربية محتاجة مصاريف تانى .. وساعاتها هتزهق وهتجيب اخرك وهترهق نفسيا وماديا

والله انا مش هاحس بركوبتها الا لما ارشها واشد الصالون
ودة هيصرف بتاع 6 بواكي او 7 عشان اعمل حاجة محترمة مش اي كلام في حن اني ممكن ازد لحد 15 واركب استرا اوتوماتيك

ف بصراحة مش عارف

**Mamoud salah H** · 29-08-2014 07:39 PM

المشاركة الأصلية كتبت بواسطة mohamed-adly

عاوز رأئيي لو مصرفتش عليها كتير مثلا مش اكتر من 2000 جنيه بيعها وهاتلك حاجة اتوماتيك 2000-2002مثلا

هو انا صرفت حوالي 3 مثلا عشان كدة بفكر في التغيير

**engmody32** · 29-08-2014 08:04 PM

هو حضرتك عايز اوروبي ليه متركب حاجه كوري تكون اعلي في الموديل و اتوماتيك برضه

**Mamoud salah H** · 29-08-2014 08:25 PM

المشاركة الأصلية كتبت بواسطة engmody32

هو حضرتك عايز اوروبي ليه متركب حاجه كوري تكون اعلي في الموديل و اتوماتيك برضه

فين الكوري الي فييه abs واتنين ايرباج وايموبلايزر واوبشن كتيير زي زجاج كهربا تاتش اربع ابواب واربع وحدات رفع وفوانيس لينسات وتحكم فيمستوي الاضاءة واتجاه العدسات وكمان التحمك في مستوي الكراسي في 6 اتجاهات وكمان طارة متحركة فوق وتحت يمين وشمال جوة وبرة

وفوق كل دة ثبات معرووف ويكون ب 60 الف

والله يا باشا لو كنت لقيت كل دة كنت ممكن اتجه للكوري

**احمد فهمى** · 29-08-2014 08:57 PM

لو ناوي تبيع متعملش حاجه ﻷن ده مش هيفرق كتير فى سعر البيع ونصيحه ابعد عن الاسترا الاوتوماتيك لعدة اسباب اولها كل المتواجد مستهلك وهيقرفك وعمتآ الالماني المستهلك ميتركبش وانسى الكماليات تغور اودام سخونه واعطال وتسريب زيت وتكيف تعبان ولو هتصلح كل ده هتصرف تمنها لو عايز اوتوماتيك شوف كورى او ياباني يعنى شوف لانسر مكوه مثلآ او تيوتا ايكو او فيرنا دى العربيات فى حدود 60 الف اوتوماتيك تركب حاله كويسه تعتمد عليها فى مشاويرك وسفرك

**Mamoud salah H** · 29-08-2014 11:39 PM

المشاركة الأصلية كتبت بواسطة احمد فهمى

لو ناوي تبيع متعملش حاجه ﻷن ده مش هيفرق كتير فى سعر البيع ونصيحه ابعد عن الاسترا الاوتوماتيك لعدة اسباب اولها كل المتواجد مستهلك وهيقرفك وعمتآ الالماني المستهلك ميتركبش وانسى الكماليات تغور اودام سخونه واعطال وتسريب زيت وتكيف تعبان ولو هتصلح كل ده هتصرف تمنها لو عايز اوتوماتيك شوف كورى او ياباني يعنى شوف لانسر مكوه مثلآ او تيوتا ايكو او فيرنا دى العربيات فى حدود 60 الف اوتوماتيك تركب حاله كويسه تعتمد عليها فى مشاويرك وسفرك

طيب ليه التعميممشممكن يكون في حالات كويسة ونضيفة وهل الكلام دة بالنسبة للاوتوماتيك في الاسترا دي بس ولا الاوبل بشكل عام