الموضوع: صاحب البيت رافض ياخد الايجار

المشاركة الأصلية كتبت بواسطة adihamo

الرد على كلامك اعلاه اخى من كتاب الله ان شاء الله تعالى

فقد ذكر في سورة النحل: وَمِنْ ثَمَرَاتِ النَّخِيلِ وَالْأَعْنَابِ تَتَّخِذُونَ مِنْهُ سَكَرًا وَرِزْقًا حَسَنًا (النحل 67)

من تلك الاية نفهم ان الخمر ( المسكر ) كان رزقا حسنا اى تقريبا حلال

وفي سورة البقرة يذكر أن له منافع: يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا وَيَسْأَلُونَكَ مَاذَا يُنْفِقُونَ قُلِ الْعَفْوَ كَذَلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَتَفَكَّرُونَ (البقرة 219)

للخمر والميسر منافع للناس

ثم جاء الاسلام صريحا فى تحريم الخمر تماما

السؤال لك الان هل رغم علمك ان الخمر حرام ممكن ان تشربة الان ان كانت الاجابة نعم فلاحديث لنا بعدها

وكذلك الحال قبل الاسلام فى الزنا وامور كثيرة لما جاء الاسلام حرم تلك الامور فهل نفعلها

نفس الشى ينطبق على العقد زماااااااااااان الذى تتحجج بة لم يكن هناك غلو وخبث من الناس وسوء النية المتواجد حاليا فى امور الدينا وخصوصا الايجار فمن كان يستاجر كان يستاجر لغرض الايجار وليس فة نيتة ان يساوم صاحب الملك على ملكه ان احتاج الية

اما بعد ان علمت ان العقد صدر فية حكم شرعى بان شروطة باطلة وحرام شرعا فالمفروض ان نلتزم بالحكم والشرع لان ذلك ماسوف نحاسب علية امام الله

ان كنت تسمح لنفسك بشرب الخمر بعد صدور الحكم بانها حرام شرعا فلن يمنعك شى فيما تفعل

تقبل الحوار بصدر رحب نحن اخوة وننصح فقط وكل انسان حجيج نفسة امام الله انت طلبت راى الاخوة فى المشكلة وهاهى الاراء غالبيتها تقول ان الامر مرفوض فان اصريت على الاستمرار فيما انت مقدم عليه فعليك وحدك الوزر والجزاء

المشاركة الأصلية كتبت بواسطة medicalist

انا ما قريتش كل تفاصيل الموضوع
بس انا هسال صاحب الموضوع سؤال ده لو بيتك هترضى يتعمل فيك كده حتى لو انت على حق ومعاك عقد وبقيمه ثابته !

المشاركة الأصلية كتبت بواسطة eng f3lix

لازم حضرتك تقرا الموضوع كله

انا لو مكان صاحب البيت كنت طلبت من الناس يرفعوا الايجار بشكل رمزي شوية عشان يبقى مجزي لكن اللي عمله صاحب البيت يبقى يخليه ياخد ال 15 جنيه احسن ويحط جزمة في بقه وكله بالقانون

المشاركة الأصلية كتبت بواسطة amr011111

ابناء الملاك ( ورثه الملاك ) بيردوا من وجهة نظرهم فقط ولكن لو كانوا هم المستأجرين كانوا طلعلوا ليك 1000 سبب
واولهم
ان صاحب العماره اللى بناها من 60 سنه بالارض كلفته 5000 الاف جنيه مثلا
وباع كله شقه ب 3000 مثلا
وطلع له مكسب معتبر يوازى المكاسب الحاليه كنسبه وتناسب
وطبعاً برضه قول فى اول 20 سنه كان الايجار برضه متناسب مع الايام الحاليه
يعنى جاب تمن العماره وكسب اد 1000 مره

وبعدين دلوقتى الوريث عاوز المستأجر يسيب الشقه ببلاش
هل تعتقد ان الوريث مش هيبيع الشقه ب 2 مليون لو فى الزمالك او المهندسين
يبقى لو الوريث قال للمستأجر هديك مليون ونص وابيع الشقه على 2 مليون واكسب نص مليون هيوافق
انما الوريث مستنى ان صاحب الشقه يسيبها ببلاش ويروح يقعد فى الشارع
كلام غير منطقى

المشاركة الأصلية كتبت بواسطة omar11112010

للاسف كل واحد هيرد من وجهة نظره هو
والملاك دلوقتي بقوا اصحاب ذمم وملايكة ماشية ع الارض
والمستاجرين معندوهمش ذمم لا وايه كمان كفرة
هو مش بيقولوا اللي بيني وبينك عقد
لو عربيتك بي ام وقلتلك هاخدها بخمسة جنيه وانت رضيت حد له عندي حاجة
زمان الواحد لما كان بيروح ياخد شقة ايجار قديم كان المالك بيبيع ويشتري في المستاجر وهاخد خلو رجل وهاخد ايجار كذا يعني كان موافق وهو بياجرها وفي كامل قواه العقلية ولما كان المستاجر بيرجوه يقلل الايجار او الخلو مكانش بيرضي ويقولك انت مترضاش ليا الخسارة
للاسف كل واحد بيتكلم من وجهة نظره ومادام فيه عقد يبقي اخبط راسك في الحيط
اعرف واحد زميلي عنده شقة وهيعزل
شقته في المنطقة دي لو هتتاجر قديم تاني في الوقت دا الايجار بتاعها هيبقي 500 بدل 100
وصاحب البيت هياخد خلو 50 الف
زميلي عاوز عشرين الف ويسيبها لصاحب البيت
صاحب البيت نفسه قاله هديك باقي مقدم الايجار بتاعك اللي هو تلاتة الاف
بالاضافة لخمسة تشطيب
زميلي قاله انت هتكسب لما تاجرها
قاله هاجرها ب 500
وهاخد خلو 50 او 60 الف
مين بقي اللي طماع

بعض المشاركات للرد على استفساراتك
وبعدين مش معقوله حد ساكن فى المهندسين شقته تساوى 2 مليون ووريث المالك عاوز وريث المستأجر يسيب الشقه ببلاش ده على اساس انه هيروح لشقه تانيه فى الزمالك يخدها ببلاش
ولا على اساس ان وريث المالك لما يجى يبيع الشقه تانى مش هيبيعها ب 2 مليون وهيبيعها ب 100 الف فقط على اساس ان وريث المستأجر سابها ببلاش
لازم وريث المالك يدى لوريث المستأجر على الاقل 80 فى الميه من تمن الشقه علشان وريث المستأجر مش هيروح يقعد فى الشارع ويروح يدفعهم فى شقه تانيه بحيث يبقى ده استفاد وده استفاد
وخاصة ممكن تلاقى وريث المستأجر بلغ من العمر أرذله وموظف حكومه ومش معاه فلوس
لازم الموضوع يتم بالتراضى
وبعدين هوه حلال لوريث المالك انه يطرد المستأجر
اقرأ الموضوع كله