صاحب البيت رافض ياخد الايجار

**drcobra** · 31-08-2014 05:37 PM

احسن تعليق سمعتة القانون معاك بس الشرع مش معاك

عمر السكان ما هيتفقوا على الفضيلة ويروحوا يزودوا الايجار بنفسهم
فى ناس مبسوطة ان الراجل مبيجيش ياخد ال 15 جنية

**الاسد المهاجر** · 31-08-2014 07:10 PM

المشاركة الأصلية كتبت بواسطة حسام الغرباوي

مشكلتنا يافندم اننا بنبص لغيرنا

فيها اية لما حضرتك تبدأ بنفسك وملكش دعوة بحد ...تروح لصاحب العمارة وتقولة والله انا هرفع الايجار بتاعي كذا عشان تكون انت راضي ومكنش ظلمتك وفي نفس الوقت عقد البيت معاك وتاخد ايصالات سداد
وملكش دعوة بقي بغيرك ..محدش هيتحاسب عن حد !!!

لو عملت كده لوحدي لبقي خسر جيراني لبس انا مثلا معا ادفع غيري معهوش وصاحب البيت عندنا او الورثه طمعيني

والسبب اني مينفع ابداء الي وصل صاحب البيت لكده جارنا راح قله عايز املك الشقه التاني رفض يملكهالو وقاله ديه شقتي عايز تسبها سبها لكن انا مش هبيعها ونته مش قاعد في والشقه انا هخدها والله زي مبقولك ده الي حصل ورفض ياخد منه ايجار التاني طبعا قام رايح دفع الايجار في المحكمة عشان ميخسرش شقة طبعا صاحب البيت اتجنن ازاي يعمل معايا كده مفكرش ان هوا الي بتدا برفضه الايجار
من الحظه ديه صاحب البيت عمل ايه
..رفض يجي ياخد الايجار(كان اول السنه يجري ياخد) ورفض حد يوديلو الايجار كل شويه ان جاي اخدهم ولحد الوقتي مجاش ولا عايز حد يرحلو بقالو سنتين
..بيرفع قواضي علي الشقق الي صحبها مسافرين او فاضيه(كل سنه الي شقته فاضيه بيجي يقعد شهر الشقتين مسافرين)
كل ده عشان واحد طلب يملك الشقه مبالك لو انا طليت منه اعلي ايجار شقتي. هيعمل ايه في باقي الجيران

**mk3** · 31-08-2014 08:00 PM

انا اعرف ناس والحمد لله انهم موجودين وسطنا,,,,, بعد اما ربنا فتح عليهم سابوا الشقه الايجار للمالك

**الاسد المهاجر** · 31-08-2014 08:09 PM

المشاركة الأصلية كتبت بواسطة mk3

انا اعرف ناس والحمد لله انهم موجودين وسطنا,,,,, بعد اما ربنا فتح عليهم سابوا الشقه الايجار للمالك

اكيد ربنا فتح عليهم من وسع اوي اوي اوي اوي هوا فيه حد بيسيب شقه الا لو كانت متلقش بمستواه خلاص ولو فكر يبعها هتجيب ملاليم
محدش بيضحي شكلك صاحب ملك

**mk3** · 31-08-2014 08:32 PM

المشاركة الأصلية كتبت بواسطة الاسد المهاجر

اكيد ربنا فتح عليهم من وسع اوي اوي اوي اوي هوا فيه حد بيسيب شقه الا لو كانت متلقش بمستواه خلاص ولو فكر يبعها هتجيب ملاليم
محدش بيضحي شكلك صاحب ملك

لا يا سيدى فى ناس بتضحى الظلم وحش...ويارب منكونش واياك من الظالمين

**الاسد المهاجر** · 31-08-2014 08:41 PM

المشاركة الأصلية كتبت بواسطة mk3

لا يا سيدى فى ناس بتضحى الظلم وحش...ويارب منكونش واياك من الظالمين

مش عارف اقولك ايه بقيت انا ظالم حسبنا الله ونعمه الوكيل صاحب البيت الي واخد حقه من زمان دلوقته بقيت انا الي ظالمه

**الاسد المهاجر** · 31-08-2014 08:51 PM

اثنين من جيرنا راحو لصاحب البيت رفض ياخد الايجار بحجت معهوش الايصالات
بيقول انتو مجتوش دفعتو ليه من ٢٠١٢ مع انو هوا الي رفض حد يجيلو او يجي ياخد الايجار باي حجه
قالك النهارده محدش يجيلي انا هبقي اجي اخد الايجار ردو احنا هنجيلك بكره تكون جبت الايصالات وندفع للبيت كله قلهم لق اصل معرفش ظروفي قعدو يلحو بالادب قالهم بمنتهي التناكه تيجيبو ايجار البيتين قالو ماشي هنلمهملك نجيلك امته قالهم مش عارف ظروفي ايه قالو هنجيلك بكره قالهم هشوف اصل الوصولات مش عارف ايه والكلام ده فاكدو هيجيلو بكره

المهم
صاحب البيتين او الورثة ماشاء الله عندهم برجين ومعرض عربيات كبير وربنا فاتح عليهم من وسع وجي يبص لبيت ايجار قديم طمعان فيهم بعد لما ابوع بعهم زمان بالشئ الفلاني
ايه رائيكم

**egyptawy2010** · 31-08-2014 08:53 PM

القانون ده من اهم اسباب انهيار العقارات فى مصر
يعنى لو بين ايجاره 100 جنيه فى الشهر صاحب البيت هيهتم ليه انه ينضفه او انه يرممه

الحل قانون فورى لارجاع الحق لاصحابه ويعمل فنرة انتقالية سنتين مثلا لكل ساكن انه يسيب المكان المؤجر

وبعدين فى ظل الضريبة العقارية لو بيت تمنه 2 مليون جنيه وايجاره الف جنيه فى السنة ياترى صاحبه هيدفع عليه ضريبة عقارية ازاى؟

ثم اذا كان الشرع قال حرام يبقى ما بنى على باطل فهو باطل والله اعلم

**mk3** · 31-08-2014 08:55 PM

المشاركة الأصلية كتبت بواسطة الاسد المهاجر

مش عارف اقولك ايه بقيت انا ظالم حسبنا الله ونعمه الوكيل صاحب البيت الي واخد حقه من زمان دلوقته بقيت انا الي ظالمه

يا سيدى الله اعلم مين الظالم
بتفكيرى البسيط بعيدا عن الرأى الشرعى اللى اعتقد انه مش هيختلف كتير
هو واخد حقه من زمان ازاى ؟ هل هو اتفق معاك او مع الوالد ان الشقه تمليك بالقسط ؟ هل انت معتقد ان الشقه ايجار حتى لو كان 10 الاف جنيه انها لا تحتفظ بقيمتها وتزيد لمالكها ؟ حاول تتساهل وتاخد فى الشقه مبلغ يجبلك شقه تمليك (حتى لو اقل شويه بس تبقى ريحت نفسك وضميرك) وربنا يعوض على المالك او برضه فى حل تانى وشغال اليومين دول حاول تتساهل وتاخد شقه فى نفس المكان لو طلع برج وربنا يبارك فى بقيه الشقق للمالك.
وارجع واقولك منه لله اللى عمل قانون الايجارات القديم وعمل ازمه اسكان من 40 سنة

**الاسد المهاجر** · 31-08-2014 09:07 PM

المشاركة الأصلية كتبت بواسطة mk3

يا سيدى الله اعلم مين الظالم
بتفكيرى البسيط بعيدا عن الرأى الشرعى اللى اعتقد انه مش هيختلف كتير
هو واخد حقه من زمان ازاى ؟ هل هو اتفق معاك او مع الوالد ان الشقه تمليك بالقسط ؟ هل انت معتقد ان الشقه ايجار حتى لو كان 10 الاف جنيه انها لا تحتفظ بقيمتها وتزيد لمالكها ؟ حاول تتساهل وتاخد فى الشقه مبلغ يجبلك شقه تمليك (حتى لو اقل شويه بس تبقى ريحت نفسك وضميرك) وربنا يعوض على المالك او برضه فى حل تانى وشغال اليومين دول حاول تتساهل وتاخد شقه فى نفس المكان لو طلع برج وربنا يبارك فى بقيه الشقق للمالك.
وارجع واقولك منه لله اللى عمل قانون الايجارات القديم وعمل ازمه اسكان من 40 سنة

وا رافض يملك الشقق وياخد مبلغ

حضرتك هوا رافض يدي لحد مبلغ ويسيب الشقه
رضو والله زي مهقولك. ديه شقتي اديك فلوس عشان تسيبها ليه عايز تسيب سيب لاكن مش هديك فلوس