الموضوع: هي السوزوكي ألتو 2015 شكلها مكعبر ..ولا أنا بيتهالي ..

المشاركة الأصلية كتبت بواسطة m_m_sh_a

هي السوزوكي ألتو 2015 شكلها مكعبر ..ولا أنا بيتهالي ..

مش عارف لما ببص للعربية سوزوكي ألتو 2015 بحس إن شكلها كده أوفر قوي ..يعني بحس إني عاوز أقول للي صمم العربيه ..ليه يا عم كل ده ..ده العربيه كلها 800 سي سي 3 سلندر ..إيه الغلب اللي إنت عامله ده كله ..
يعني على سبيل المثال من ملاحظاتي :

1- الإنسيابيه بتاعة العربية جايه من ورا لقدام ..أيون ..العربية شكلها إنسيابي من ورا لقدام ..وده تلاحظه لو بصيلتها من الجنب هتلاقيها من قدام من عند القايم الأمامي أعلى من ورا من عند القايم الخلفي ..مع إن بقى المعتاد دلوقتي في العالم كله إن إنسيابية العربية بتكون من قدام لورا

2- حكاية الفانوس الأمامي اللي واصل لنص الرفرف ده بصراحه ..أوفر قوي ..يعني الفانوس يبقى فخم وإنسيابي وشغل العربيات الحديثه ..بس مش لدرجة إنه ياكل نص الرفرف الأمامي من فوق

3- الباب الخلفي بتاع الشنطة ..هما عاوزين يعرضوا الباب بتاع الشنطه من تحت ..ماشي ..كتر خيرهم ..بس مش لدرجة إنك عشان تعرض الباب الخلفي فمتلاقيش مكان تقوم رافع الفوانيس الخلفية لفوق

دي صور للسوزوكي ألتو 2015 ركزوا فيها وقولوا رأيكم ..الصور من مشاركة أحد أعضاء المنتدى
http://www.nilemotors.net/Nile/437841-800.html



كككككل اللي مكتوب فوق ده رأي شخصي ..عشان محدش يزعل ..

والله يا باشا هو فعلا زى ما قال اعضاء هى مسالة ازواق وقبول نفسى للعربية ... ودى حاجة بتاعة ربنا ... يعنى مثلا انا لما بشوف النيسان قشقاى بتضايق من شكله ... اما مثلا الكيا سبورتاج برتاح لشكلها جدا ... مع ان العربيتين قريبين جدا من بعض
اما بخصوص الالتو انا بصراحة كنت عاوز اجيب العربية من السنة اللى فاتت وكنت شبه خدت اجراءات فيها وبعدين وقفت الموضوع لما ركبتها ... بحس ان الشكل القديم منها من برة عبارة عن ماروتى على كبير شوية ومن جوة كمان الدركسيون كان شبة الماروتى اوى ... واول اما الشكل الجديد نزل ماترددتش وجبتها لان عاجبنى شكلها جدا ...
والانسيابية اللى فيها ده مش مجرد شكل ده بيبقى مجارى للهواء اللى بيصتدم بيها وهى ماشية عشان يثبتها قدر الامكان على الارض .. وده ينطبق على التمويجة اللى فى الجنب والتضليعة اللى فى السقف ( الكلام ده عن دراسة ... حاجة اسمها aerodynamics ممكن تشوفها على جوجل ... ممتعة جدا ) ... وده باين فى ثبات العربية معايا فى السفر على 130 و140 وكده
اما بخصوص الفوانيس فاحقاقا للحق الفانوس واخد من الرفرف بالظبط 13 سم من اصل 65 سم هو طول الرفرف ... يعنى 20% من الرفرف بالظبط مش نص الرفرف ولا حاجة .. يمكن يكون ده ايحاء او حاجة بس الحقيقة غير كده
بالنسبة للفوانيس الخلفية هو المصمم مش جاى على الشنطة ولا حاجة ... هو لو نزلها لتحت كان هايبقى نفس حجم الشنطة هو هو بس كان هاييجى على الاكصدام الخلفى ... فالحمد لله انه رفعها لفوق
اخيرا وبعد كل الكلام ده الكلام اللى اتقال فى الاول هو الكلام المفيد وسيبك من اى كلام تانى ... فعلا لولا اختلاف الازواق لبارت السلع .... تنوع الازواق حلو برضو

المشاركة الأصلية كتبت بواسطة Ramadan Kader

وكمان يا اجماعه المرايا الحقيره الى مركبنها بتاعت الأجناب مرايا الماروتي و كمان مش دي المراياالى نزلة معاها بره مصر. مخليه شكل العربيه زفت.

يا سيدي إنت جاي على المرايات ..طب هقول لحضرتك حاجه ..شوف فيديوهات العربيه على موقع ماروتي ..هتتعقد ..عارف يعني إيه هتتعقد ..يابا دي العربيه نازله في الهند عندهم فيها باور وتكييف وفرامل إيه بي إس ..وإير باج ..أحييه يا أبو سوسو أحيه ..اللي وصلت لينا دي بواقي الألتوا اللي نازله بره .