الموضوع: فكرتين عمليين لمشروعين

المشاركة الأصلية كتبت بواسطة باسم يوسف

المشروع الافضل

الهجره خارج البلد

فى ردود كتير ليك بتفكرنى ب هانى رمزى فى مسرحية ( وجهة نظر ) مفيش فايدة - مافيش فايدة !!!

المشاركة الأصلية كتبت بواسطة باسم يوسف

المشروع الافضل

الهجره خارج البلد

+1111111111111111111
جارى تنفيذه بإذن الله

المشاركة الأصلية كتبت بواسطة s.h.a.h.e.r

هو السؤال ليه العجل؟
لان سعره بسيط
لان الاستهلاك فيه سهل تعويضه - يعني ساعه ما حد هيمرمط عجله هيبوظ فيها ايه كاوتش ولا بدال مثلا
ومين هيعرض نفسه لمسؤليه جناية علشان يسرق عجلة؟
طيب انا كمستثمر هعمل ايه؟
هعمل وحدتين او 3 علي حسب مقدرتك - في الوحدات دي هتعمل نظام اللوك الاوتوماتيك او الاقفال (زي اللي ف الصورة ودا افضل لانك مش هتحتاج حد يكون معاك لكنه هيكلفك شويه علشان تعمله) - لو مش هتقدر تعمله ممكن تشغل واحد يقعد ف كل وحده وخلاص - هتعمل شبكه نت صغيره كدا علشان كل واحد ياخد عجله بياناته تتحط علي الشبكه علشان لما يروح يسلم العجلة ف الوحده الثانيه يلاقي ما يثبت انه كان واخد العجله من عندك.
الوحدات دي بقي اللي العجل هيكون فيها هتكون ف مناطق حيويه
انت حضرتك هتشوف مواصله بسيطه الناس بتدفع فيها مبلغ وقدره او مفيش عربيات بتوصلها ومشوار بسيط او او او .....
تقوم تعمل عن بدايه المشوار وحده وفي اخرة وحده. الموظف او الطالب او او بدل ما ياخد عربيه هياخد العجله اللي هتكون ارخص واسرع
بلاش كدا
ممكن تعملها ف محيط الجامعات الكبيره او علي الشواطي او ف الاقاليم بدل التكاتك
مثال انا زبون هاخد العجله من الوحده (س) الي الوحده (ص) او ارجع بيها للوحده (س) مرة تانيه. هحاسبه علي عدد الساعات او اي تلفيات
انا بقي كصاحب مشروع احاول افهم ف ميكانيكا العجل واشتغل فيها بنفسي ومش هتكلفك ف صيانتها مليم
الصيانه هي ( شد الفرامل - كاوتش مخروم - تظبيط الجنزير) لا غير
كل ال بقوله دا مقترحات - انت ممكن تظبط فيه علي حسب المحيط اللي هتشتغل فيه
المشروع كله ممكن يبدا بعشر عجل مش هيكلفوك الفين جنيه او تجيب عجل نضيف مش هيكلفك اكتر من 10 الاف - علي حسب المنطقه اللي هتشغل فيها
كل ما تحب تكبر المشروع هتعمل وحده اقفال في مكان ثالث ورابع وخامس لحد ما تعمل شبكه كامله

موضوع الشوايه ده حيبقى فاشل اوى فى مصر لإنك حتتعرض لثقافه الشعب اللى معندوش الموضوع ده ده غير صعوبه تطبيقه لإنك اساسا ماعندكشى حدائق تسمح بالكلام ده
بره بيعملوه فى حديقه البيت - لكن فى مصر هنا مافيش الكلام ده

بالنسبه لموضوع العجل : الفكره فى حد ذاتها ممتازه
بس برضه صعب تطبيقها فى مصر لإن (و تحديدا المجتمع القاهرى) متعودين على التحرك بالمواصلات مهما صغرت المسافه و تواضع اى شخص راكب عجله (و ده تحديدا كان محل دهشتى لما استقريت فى القاهره)
غير ان فعلا فى معظم الشوارع الراقيه حتلاقى ركوب العجل محفوف بالمخاطر زى شوارع عباس العقاد و الطيران و مصطفى النحاس - انا شخصيا كنت حدهس اكتر من راكب دراجه فى المناطق دى
و الشوارع الاكثر تواضعا حتلاقى شوارع مكسره و مجارى طافحه او ماسوره مياه مكسوره مغرقه الدنيا
طبعا ماتفكرشى شوارع الرحاب و مدينتى فى المشروع ده