الموضوع: القواعد الذهبية للذهاب الى شرم

المشاركة الأصلية كتبت بواسطة aif

انا فاكر شوفت او سمعت الموضوع ده ... بس مش فاكر فين ؟؟
ايون افتكرت
في جنوب افريقيا في الثمانينات
وكان اسمه تقريبا التمييز العنصري او الفصل العنصري
حاجة زي كدة

عنصرى...الله يكرمك
والله بدون شعارات و كلام أن كل جنسية فيه و فيها ....حضرتك بتفاصل فى واقع كل واحد بيقرا الموضوع ده عايشه كل يوم ... بص حواليك فى الشارع و شوف سلوك البشر و مدى ألأنحطاط اللى بيوصل ل 90% نسبة انحطاط و روح أى بلد عربى مجاور و مش هاقول اوروبى و شوف سلوك البشر برضه اللى بيوصل لنفس النسبة التزام. يبقى حرام و ظلم انك تحط الهمجى مع الملتزم فى مكان واحد .....هاكررها تانى "النزيل المصرى وفق كل الفنادق و المنتجعات أسوأنزيل سلوكا و أكثرهم افتعال للمشاكل و يليه فى السؤ نزيل عرب اسرائيل"

المشاركة الأصلية كتبت بواسطة aif

انا عن نفسي روحت شرم مرة واحدة ومش ناوي اروحها تاني
كميات العري غير طبيعية حتي في اوروبا وروسيا مش بالهبل ده
وده كلام الناس اللي زارو البلاد دي وراحو فنادقها ومنتجعاتها
ومن المستحيل تقدر تغض بصرك .... لأنهم حولك في كل مكان حتي تحت الميه لما بتعمل سنوركلينج بتلاقيهم عاملين زي اللمبات النيون في زرقة مياة البحر
وكانت النتيجة فورية
لما رجعت مصر قعدت حوالي شهر مش باعرف اقوم اصلي الفجر برغم وجود منبهين ع الموبايل
شعرت ان ربنا ابعدني عن طاعته بالذنوب اللي شوفتها هناك
برغم من جمال الطبيعة وجودة الفنادق ووجود العاب مائية ورياضات مائية وترفيهية
لكن مع كمية العري ده مش ح اعتبها تاني خالص
الموضوع مش سلوك ناس في البوفية وبس
الموضوع انهم بيجبروني اشوف حاجات تتنافى مع اخلاقي وديني
...
وعلي فكرة الاجانب بردو كان لهم تصرفات زي الزفت
خاصة لما بشربو الزفت اللي بيشربوه وبيبهدلو الدنيا وبيقرفو خلق الله

ده سبب أدعى ان تكون فيه فنادق متخصصة للمصريين و يبقى الفندق كله ثقافة ألأجازه فيه و السلوكيات واحده و محدش يزعل من حد.

المشاركة الأصلية كتبت بواسطة aif

لكن انت محددتش في اقتراحك ان الهمجي يبقي في مكان منعزل
انت قولت المصريين
وده كوبي من كلامك

و الله الحل أن يكون فيه فنادق فى شرم و الغردقة تكون فقط للمصريين و ميدخلهاش أجانب...المصريين هيعرفوا يتعاملوا مع بعض فى البوفيه و فى ألأزعاج و تعليه صوت التليفزيون بعد نص الليل و فى التحرش البصرى و اللفظى و على البحر و فى حمام السباحة لما تلاقى فيه يوميا بامبرز أطفال مرمى
...
طب والهمجيين من الاوربين والروس اللي بيسكرو طينة ويقعدو يعملو تصرفات همجية ويتقيأوا علي روحهم ويقرفو خلق الله
ليه دول ما اقترحتش يبقو في فنادق لوحدهم ؟؟؟
عفوا يا باشا
انت كلامك هو تمييز بين المصرين والاجانب حسب الجنسية ..... وده في عرف القانون الدولي بيبقي اسمه تمييز عنصري علي اساس الجنسية او علي اساس العرق
مع كامل احترامي لحضرتك ..... لكن ده فعلا اسمه تمييز عنصري .... مش لاقي اسم تاني
ولاحظ ان كلامي علي الاقتراح اللي انت كتبته مش علي شخصك طبعا

على فكرة...موضوع السكر و الكلام ده بيحصل احيانا..بس مش بالشكل اللى الناس كاتبه عنه...بس لما بيحصل و الشخص بيفوق بيعتذر بشده و بيدفع أى تلفيات عملها و بيتم نقله من الفندق"طرده" لسؤ السلوك و بينفذ و بننقله لفندق أقل بدون أى اعتراض منه. انما نرجع للنزيل المصرى...بيعمل بلاوى سفاله و لما حد ينبهه يعمل فضايح و منعدمه عنده ثقافة ألأعتذار و ألأعتراف بالخطأ. علشان كده لازم الفصل..يكون فيه فنادق كاملة متخصصة للمصريين فقط و ممكن يكون فيها مسجد كمان لو حبيت و مايتقدمش فيها خمور و مش هتشوف فيها حد بالمايوهات من الفرنجة " اللهم لو فيه مصريات بينزلوا بالمايهوات و ده بنشوف منه فضايح كتير و سفاله لو واحده مصريه و بتتصرف كأنها من هولندا"

طيب دة يمكن لجهلهم بالاشياء دة كلها
لكن لية متكلمتش عن الروسى الى بيسكر ويمشى يطوح
لية متكلمتش عن الروسى الى بياكل زى الحمار
لية متكلمتش عن الاجانب الى بيمارسوا الجنس على الشط وفى المية
لية متكلمتش عن العرى على الشوطئ باالرغم من انى دة ممنوع
لية متكلمتش عن الاجانب الى بيزعقوا وبيتخانقوا وطبعا الروس
دة غير بقا الشعب الصينى اجارك الله منهم
اه بخصوص الشورت فى الاتوبيس على فكرة انا لو فى الصيف مش هلبس جينز عشان امشى اخر عرق او البس قماش والاجانب الى خايف على احساسهم تقريبا مبيلبسوش غير شورتات

المشاركة الأصلية كتبت بواسطة ahmed12345678

أن لسه جاى من فندق هيلتون لونج بيتش الغردقة
وملاحظاتى
1- كان فى مصريين وكان كلهم أسر وكان بتصرفوا بطريقة محترمة جدااااا ولا شوفت حد بيرمى حاجة على الشاطئ ولا على حمامات السباخة ولا حتى حد بياكل ، وشفت قله ادب من الروس احيانا فى التعامل مع العاملين فى الفندق

2- كان فى سياح روس كتير وفعلا كمية العرى كانت غير طبيعية وفعلا مش هتعرف تغض بصرك لأنهم فى كل حته حواليك لكن مشفتش حد بيعمل علاقات فى الهواء الطلق واقصى حاجة شوفتها البوس وكانت مرة واحده فقط

3- الروس والمصريين كل منهم كان فى حاله ومالوش دعوه بالتانى لدرجة ان لوحدنا كده وبدون اتفاق حمام السباحة اتقسم نصين نص للمصريين ونص للروس

4- مشفتش اى معاكسات حصلت ويمكن ده راجع الى ان كل المصريين كان أسر ومفيش شبابا لوحده

5- الفندق كان فيه خمور ولكن العاملين على البار كانوا بيعطوا كميات محدودة منها علشان محدش يسكر ويعمل مشاكل ومشفتش مصريين بيشربوا غير نسبه قليلة جدا وكانوا بيشربوا بيرة او نبيذ

كلام موزون جدا بدون تحيز, و فعلا فيه نسبه قليله من المصريين بتكون على درجة وعى و على درجة كبيرة من السلوك المحترم و المنظم و دول اللى بيقضوا اجازة سعيدة فعلا ...بس دول قليلين قوى قوى..دول بقى لما بيحجزوا بيبقوا عارفين بيعملوا ايه. بمعنى انه بيختار فندق محترم ليه اسم و سعر ( هيلتون-ماريوت-شيراتون...) و بيبقى عارف ان الفندق بسبب سعره مش هايكون فيه المناظر المنتقدة و المستفزة من الغوغائيين .
و النوعيه ديه من السائح المصرى مرحب بيها جدا و بتيجى فى السنه مرتين لنفس الفندق و بتاخد مميزات اضافيه كنزيل متكرر و العماله فى الفنادق بترحب بيهم و بتفضلهم عن أى سائح.

"العاملين بالفنادق" تشتكي سلوك المصريين في شرم الشيخ
اللينك ده ممكن يوصل وجهة النظر أكتر