القول الفصل. بيجو 508 بيز لاين 2015 ولا كورولا 2015 هاي لاين

**melouk1** · 20-10-2014 03:16 PM

المشاركة الأصلية كتبت بواسطة chef

هههههههههههههه لا والله ضحكتونى بجد ؟ وهى ال128 هاتستحمل كل يوم سفر زى الكورولا ؟ ولا فيها اوبشن اصلا مع التقدم السريع اللى هنا فيه ؟ احنا بنتكلم فى موتور يعنى مخ وعضلات ؟ المخ الموتور ال1600 سى سى مقابل موتور تربو وباردو 1600 من ناحيه الاعطال ومن ناحيه قطع الغيار ومن ناحيه البنزين ؟ ومن ناحيه تانيه موضوع العفشه ؟ وتيجو تقولولى نتقارن بعربيه ماشيه بكابالن عفى عنها الزمن ؟ ده اسمه منطق ؟ ولا ابتسامه اليوم هههههههههههه؟ والله ياجماعه الخير الاجلاء الافاضل احسن سيارتين لمصر من جميع النواحى احسبوها على كيف كيفكم ؟ هما اتنين ومافيش غيرهم ؟ الكورولا ثم نيسان قشقاى الشكل الجديد ؟ واسعارهم ميه ميه ؟ ولاتربو ولاوجع دماغ ؟ وبنزين 91 شغال 80 شغال 95 باردو شغال ؟ والله يقولك احنا بنبحث عن ركوبه احب اقالو فين الركوبه دى اصلا فى مصر من شوارعها الجميله ؟ والا بقى كان زمانا شايفين الفيرارى و والاستون مارتن وبنلتى بكثرة ؟ ياراجل فى كل العالم فولكس واجن باسات سى سى 2000 سى سى ؟ خلوها فى مصر 1600 ههههه وقطع غيار ربنا مايوريكم ؟ با اختصار علشان الموضوع ده طوووول اوووووووى ؟ اللى غاوى سيارة بتربو يجيب بس يكون عامل ابونيه دائم فى التوكيل طول ما السيارة معاها ؟ اللى عاوز يرتاح وينزل يدور ويمشى او حتى يسافر بعائلته ويعتمد على ربنا قبل السيارة يبقى يشترى سيارة بدون تربو ؟اما اللى يقولك البنزين فى مصر مخشوش والكلام ده ؟ اصللا عارى من الصحه وده موضوع شرحه يطووووول ممكن اه يتخش بس فى اضيق الحدود ؟ وصدقاا واحقاقاا للحق البيجو 508 تعتبر باكورة اعمال بيجو ؟ بس واله والله ماتنفع فى مصر والله يخترع ويقولك بنزين 92 تمشى به احب اقوله صح هاتمشى ولو ببنزين 80 كمان بس ماتزعلش بعد كده وتقول ياريت ؟ وياريت الناس تبطل كلمه مشت وماجراش حاجه بكرة هايجرى وعن تجربه ؟ والا ماكنش الشركه المصنعه قالت ينصح با استخدام 95 او 98 والشركه نفسها اعطت النصيحه احنا بقى اتفلسفنا وقولنا ده معناه انها ممكن تمشى 92 او 91 وبعد كام سنه المعتاد سيارة تعبانه وموترها تعبان والخ الخ الخ

مش متفق معاك ابدا حضرتك
واللي شاري عربية مرسيدس زيرو من ١٠ سنين زي ده يبقى ايه
عمري ماركبت ولا هركب زي المرسيدس
اللي مجربش العربيات الفارهة بس بيقول كده
بس لازم تعرف ان ألوف من المصريين راكبين بي ام و بنز
و الحياة جميله مش هبطلها عشان وحد خدشها !!!!

**Batman372** · 21-10-2014 07:19 PM

المشاركة الأصلية كتبت بواسطة hany63

فعلا الموضوع بقى طويل و ممل و دي فعلا هتكون اخر مشاركه
عندك حق طبعا ان ال ١٢٨ لاتقارن بالتيوتا بس انا حبيت اديك مثال حي ان اللي راكب ال ١٢٨ هتكون نظرته للتيوتا زي نظرتك للبيجو بدون الدخول في فرق الثقافات
التيوتا عاءعتماديه لا يعلا عليها هيا و السيفيك و انا كان عندي الاتنين و يوم ما فكرت ابيع واحده خليت التيوتا ما اختلفناش خالص بس الصراحه فرق الركوبه جامد بالنسبه لل ٥٠٨ ممكن يحسسك ان التيوتا لتاءدية المشاوير السريعه
نييجي لحتة ابونيه في التوكيل و خلينا نسيب حتة الموتور و البنزين للاخر للاسف مفيش الكلام ده بالعكس كل اللي اعرفهم شخصيا بالاسم و دول حوالي مش اقل من ١٠ اشخاص بيعملوا يدوب الصيانه في ميعادها و باي باي على كده و كلهم بيحطوا ٩٢ و ربنا يصلح الحال و نحط ال ٩٥ زي حضرتك
نييجي للنقطه الاساسيه للخلاف و ربنا ما يوجد خلاف اصلا الا وهيا ان العربيه المفروض تمشي ببنزين ٩٥ و كله بيفتكس و بيمشي بال ٩٢
للاسف فيه ناس كتير حافظه مش فاهمه بمعنى اول ما يسمع كلمة تربو تقولش العفريت حضر ؟!!!!
الفكره ان التربو بيزود معامل الانضغاط عن الموتور ال NA يبقى الفيصل هنا معامل الانضغاط
المفروض لغاية ١٠:١ مفيش مشكله خالص لل ٩٢ و يمكن تجاوزا نستخدمه لغاية ١٠.٥:١ و ده معامل الانضغاط للسيفيك مثلا اللي ولا فرق ال ٩٥ معاها في حاجه اللهم في صوت الموتور
يبقى نستنتج من كده ان العربيه اللي من غير تربو بس معامل الانضغاط اكتر من كده لازم ٩٥
نييجي لل ٥٠٨ تحديدا معامل الانضغاط ١١:١ هنا بقى الكلام بس طبعا المعامل يعتبر زاد بنسبه بسيطه جدا فال ٩٢ مش هيكون ضار للدرجه و خصوصا انهم عدلوا السوفت وير بالفعل و لو برضه هنفترض ان التحربه خير دليل من امتلاكي لعربيات تربو فيما سبق
الباسات تربو بال ٩٥ و بعيدها تاني بال ٩٥ كانت بتسقف لو الطريق طالع بسيط و دوست بنزين زياده سنه و ربنا يكون في عونها فعلا بال ٩٢ و هعمل زيك لو حلفولي على ايه هقول ان الموتور ده على المدى القريب مش البعيد هيشيع عشان ركبتها سنتين قبل موضوع زيادة البنزين و عارفها
البيجو بال ٩٢ و الله العظيم اول ما سقتها و مكنتش عربيتي و كنت عايز اطلع بسرعه واخد على السيفيك لقيتها بتفرك و بتعمل امريكاني تبقى مظبوطه مع ال ٩٢ ولا لاء ؟
طبعا انا كنت طول الوقت عمال اسمع الراءي و الراءي الاخر من ملاكها اللي برضه كان هناك بيقولك فيه فرق في القوه ما بين ال ٩٥ مقارنة بال ٩٢ و الفريق التاني بيقول فرق بسيط قمت مفول النهارده و قلت اجرب بنفسي و للامانه هقول النتيجه
تصور الراءيين صح فعلا رغم انهم عكس بعض غريبه مش كده بس هقول لك ازاي
طول ما انا ماشي وسط العربيات محستش بفرق يذكر و قعدت اقول يا خسارة فلوسك يابو هاني المهم جيت في حته قمت قرصت شويه دن ٢٥٠٠ل ٣٥٠٠ بااااس هنا بقى الدنيا فرقت تحس العربيه كانت ١٥٠ حصان و فعلا بقت ال ١٦٣ حصان
بس عايز اقول هما ال ١٥٠حصان وحشين ؟!!! دي المرسيدس الجديده ١٢٠ حصان و كمان بال ٩٥و المضحك ان المرسيدس بتجيب مواتير في اقل من ٦ اشهر رغم انهم ملتزمين بال ٩٥ اصلا هات لي كده حاله واحده للبيجو اللي بقالها ٣ سنين شغاله و بعدين من ساعة مجبتها العربيه مش مخلياني اعدي ال ٢٥٠٠ لفه الا نادرا عشان دايما حاضره فمش محتاج تقرص
و تعال نحسبها بطريقتك لو مش عاجبك كلامي اصلا و نمشيها على طول بال ٩٥ لما تكون جايب عربيه انت قلت عليها انها احلى من المرسيدس سيبك دلوقت من حتة مصر و تدفع كل سنه ٥٠٠٠ جنيه فرق بنزين هنقول ٢٠ الف في الاربع سنين و بعد كده هتبيع هل ده رقم مزعج لعربيه فاخره كزياده في المصاريف ؟!!! اشك
و على فكره انت لما قلت زمان انها احلى من المرسيدس كنت على حق و مش بتبالغ زي ما انا كنت فاهم عشان زميلنا elenor اللي كان عامل موضوع عن ال ٥٠٨ جاب مرسيدس E280 بعد ما باع البيجو و بيفتقدها جدا و بيفتقد قوتها رغم انه برضه بالمناسبه كان شغال بال ٩٢
اسف على الاطاله بس حبيت اوضح شوية نقط عن تجربه عشان الكل يستفيد
تحياتي

متفق مع معظم كلامك ا. هانى و رأيك :)
الموضوع محسوم ١٠٠٪ لصالح ال 508 اجمالا و لا مجال للقارنه مع الكورولا ... لكن موضوع المقارنه بالمرسيدس دى وسعت منكم شويه :)
و ازاى الصديق elenor بيفتقد قوه ال ٥٠٨ و موتور ال e280 قوه ٢٣٠ حصان و عزم ٢٧٠ نيوتن ؟؟؟ !!!
حضرتك لما جربت بنزين ٩٥ شعرت بال ١٥ حصان فرق ... تفتكر ال ٨٠ حصان فرق فى المرسيدس هوا يعنى ؟؟ :)
كما ان المرسيدس c180 الجديده ١٥٥ حصان و عزم ٢٥٠ نيوتن ... و طبعا موضوع البنزين ٩٥ و غشه ده مشكله ... لكن اعتقد ان شركه كبيره زى مرسيدس حيكون فيه علاج و حلول لكل المواضيع ديه ...
تقبل تحياتى ...

**hany63** · 21-10-2014 11:22 PM

المشاركة الأصلية كتبت بواسطة Batman372

متفق مع معظم كلامك ا. هانى و رأيك :)
الموضوع محسوم ١٠٠٪ لصالح ال 508 اجمالا و لا مجال للقارنه مع الكورولا ... لكن موضوع المقارنه بالمرسيدس دى وسعت منكم شويه :)
و ازاى الصديق elenor بيفتقد قوه ال ٥٠٨ و موتور ال e280 قوه ٢٣٠ حصان و عزم ٢٧٠ نيوتن ؟؟؟ !!!
حضرتك لما جربت بنزين ٩٥ شعرت بال ١٥ حصان فرق ... تفتكر ال ٨٠ حصان فرق فى المرسيدس هوا يعنى ؟؟ :)
كما ان المرسيدس c180 الجديده ١٥٥ حصان و عزم ٢٥٠ نيوتن ... و طبعا موضوع البنزين ٩٥ و غشه ده مشكله ... لكن اعتقد ان شركه كبيره زى مرسيدس حيكون فيه علاج و حلول لكل المواضيع ديه ...
تقبل تحياتى ...

منورنا يا باشمهندس والله
انا عن نفسي رائيي الشخصي ان البيجو ٥٠٨ بديل جيد للمرسيدس يعني من الاخر التايواني بتاعتها تايواني مش الصيني ههههه يعني اللي نفسه يركب مرسيدس و السيوله مش قوي ممكن يركب ال ٥٠٨ و يبقى مرضي الى حد ما
انا بس كنت بفكر الاخ شيف براءيه القديم اللي كان فيه مبالغه و اللي دلوقت اتغير ١٨٠ درجه
و انا كنت بتكلم عن المرسيدس ال cla ال ١٢٠ حصان مش ال c
وبالنسبه للزميل elenor بعد ما ركب المرسيدس ال E280 قال بالنص ان العربيه عواجيزي شويه و مش حاضره تحت رجله زي البيجو و اعتقد في رائيي انه بيقتقد احساس التربو اللي بيخطفك او ما تلمس الدواسه و ده كان موجود برضه في الياسات TSI بصرف النظر عن اقصى قوه و اقصى عزم و ده جميل لو بتتسارع تحت من الثبات او السرعات البسيطه و انا عن نفسي طلعت من ال E300 في الرانج ده جوه منتجع النخيل بالتجمع الاول و كنا بنهدي كتير عشان المطبات الصناعيه (ده بجد ما وسعتش مني ههههه) و ممكن اخلي elenor يدخل يعمل مشاركه عشان يتكلم بنفسه يبقى الموضوع اوقع
تحياتي

**Batman372** · 22-10-2014 02:30 AM

المشاركة الأصلية كتبت بواسطة hany63

منورنا يا باشمهندس والله
انا عن نفسي رائيي الشخصي ان البيجو ٥٠٨ بديل جيد للمرسيدس يعني من الاخر التايواني بتاعتها تايواني مش الصيني ههههه يعني اللي نفسه يركب مرسيدس و السيوله مش قوي ممكن يركب ال ٥٠٨ و يبقى مرضي الى حد ما
انا بس كنت بفكر الاخ شيف براءيه القديم اللي كان فيه مبالغه و اللي دلوقت اتغير ١٨٠ درجه
و انا كنت بتكلم عن المرسيدس ال cla ال ١٢٠ حصان مش ال c
وبالنسبه للزميل elenor بعد ما ركب المرسيدس ال E280 قال بالنص ان العربيه عواجيزي شويه و مش حاضره تحت رجله زي البيجو و اعتقد في رائيي انه بيقتقد احساس التربو اللي بيخطفك او ما تلمس الدواسه و ده كان موجود برضه في الياسات TSI بصرف النظر عن اقصى قوه و اقصى عزم و ده جميل لو بتتسارع تحت من الثبات او السرعات البسيطه و انا عن نفسي طلعت من ال E300 في الرانج ده جوه منتجع النخيل بالتجمع الاول و كنا بنهدي كتير عشان المطبات الصناعيه (ده بجد ما وسعتش مني ههههه) و ممكن اخلي elenor يدخل يعمل مشاركه عشان يتكلم بنفسه يبقى الموضوع اوقع
تحياتي

ده بنورك ا. هانى ... كلك ذوق :)
متفق معك ان ال 508 من افضل البدائل المتاحه فى السوق المصرى للمرسيدس و البى ام ...
و انا عن نفسى حاجز السى الجديده و مستنى الاستلام .. و لو مشاكل البنزين ال ٩٥ و المواتير لم تحل .. ممكن جدا لو مش 316/320 f30 ... تبقى ال 508 هى البديل الاوروبى العملى جدا و خصوصا الفيس ليفت الجديده :)
بخصوص التحرك من الثبات اكيد مواتير التربو اسرع من ال raw ...لكن القوه و العزم حتبان فى التسارع مع الوقت ...
تقبل تحياتى ...

**chef** · 23-10-2014 08:25 PM

كلام موزون ومرتب ومايحتاج اى تعليق ؟ لكن انا بشوف ناس عينها على ال508 وهى ميزانيتها على اد الكورولا ويحتار بين الاتنين مع ان الفئتين مختلفين وممكن يحمل نفسه فوق طاقته ويشترى ال508 بس هو فى حيرة ؟ عينه عن الامكانيات والشكل ؟ وعين تانيه على الاعتماديه ومصروف البنزين ؟ اولا واخيراا طبعاا كل الاحترام لكلام حضرتك مقنع وانا مقتنع به تمام تمام تمام ؟ ودايما هافضل اقولها البيجو 508 تحديداا احلى واجمل واشيك واوسع من المرسيدس زات نفس الفئه لا لا عن تجربه ااقدر اقول كاخامات بيجو 508 احلى من هوندا اكورد فى خامات الصالون ؟ الشكل الاكورد يكسب ؟ افخم واروع من الكامرى ؟ لكن فرق السرعات والبهدله الاعتماد الكامرى يكسب ؟ 508 موديل 2015 اللى هو هاينزل مصر اواخر 2015 يتفوق عن الاتنين من كل النواحى الا عزم المواتير ؟ وبالمناسبه ؟ صاحبى اللى عنده الكورولا الجديده رفض يبادل معايا ورجع فى كلامه ؟ لا ان اخواننا السعودين هنا لايقبلون على سيارات بيجو الا القليل جدا منهم للاسف اعاده البيع لجميع موديلات بيجو والسيارات الاوربيه تحديداا بتنزل اكتر من نصف تمنها فاشكلى ادبست فيها ؟ والجمارك للاسف مش هاتقل عن 90 الف ولسه فيس لفت كمان نازل جديد ؟ ربنا يستر بقى ؟ وليكن مايكون ؟ مرة تانيه انا شاكر لمجهود حضرتك ؟ ولو عاوز اى كماليات للبيجو اللى معاك اجيبهالك ؟ معايا وعلى احدث صيحات ومش كلام بس لما ابقى نازل ؟ وشكراا جزيلا يا استاذ هانى

**chef** · 23-10-2014 08:50 PM

المشاركة الأصلية كتبت بواسطة melouk1

مش متفق معاك ابدا حضرتك
واللي شاري عربية مرسيدس زيرو من ١٠ سنين زي ده يبقى ايه
عمري ماركبت ولا هركب زي المرسيدس
اللي مجربش العربيات الفارهة بس بيقول كده
بس لازم تعرف ان ألوف من المصريين راكبين بي ام و بنز
و الحياة جميله مش هبطلها عشان وحد خدشها !!!!

ياسيدى المرسيدس سيارة جميله وحلوة ماقلتش حاجه بس لما تقارن البيجو 508 بمرسيدس سى 180 البيجو يكسب من ناحيه قطع غيار وصيانه ووسع الصالون حتى الموتور البيجو 163 ومرسيدس 155 ده اولا لا انها كانت معايا وعن نفسى ماعجبتنيش من ناحيه الوسع الداخلى والسفر وللعلم خلاف ذلك فى السعوديه خصيصاا تكلفه صيانتها غاليه جداا عند الجفالى اللى هو وكيلها ووغير اللى فى مصر هنا اقل فئه 1800 و2000 سى سى وتقفيل امانى مش مصرى واوبشن غير مصر اللى حلو فيها بس النجمه والشكل اما داخليااماحستش انها مرسيدس مقارنه بمرسيدس clk,ولو حضرتك بتتكلم عن السيارات الفارهه فعلا مش هاقولك بورش بانيمرا ولا اودى a7الحمد لله ركبنا سيارات فارهه كتيييييير المهم انت محتاج ايه وينفعك اي وصيانتها ايه بس ده كل اللى فى الموضوع

**kandella** · 28-10-2014 11:53 AM

ياباشا انا موجود هنا فى السعوديه وبفكر اشترى البيجو بس بصراحه كلامكم حيرنى ياريت تفيدنى وتقولى هيا تتكلف جمارك كام لو حبيت انزلها وهل تنصحونى بيها ولا لا وكم سعرها بمصر

**hany63** · 28-10-2014 12:28 PM

المشاركة الأصلية كتبت بواسطة kandella

ياباشا انا موجود هنا فى السعوديه وبفكر اشترى البيجو بس بصراحه كلامكم حيرنى

ياريت تفيدنى وتقولى هيا تتكلف جمارك كام لو حبيت انزلها وهل تنصحونى بيها ولا لا وكم سعرها بمصر

حيرة ايه يا باشا و الاستطلاع اللي في اول الصفحه البيجو واخده اصوات ٣ اضعاف الكورولا
و بعدين العربيه في السعوديه كماليتها وهم و مش موجوده في النسخه المصري
اتكل على الله العربيه فعلا اكتر من سقف توقعاتك
الاصوات اللي راحت للكورولا عشان عايزين حاجه عمليه توفي بالغرض و مش باصيين للقوه و الفخامه و بالمناسبه انا بامتلك العربيتين و فعلا انا باستعمل الكورولا للحاجات السريعه
امبارح كنت بالكورولا و معايا بنتي الصغيره اللي ولا ليها في العربيات قالت لي بالنص انا يا بابا ببقى مش مطمئنه في الكورولا زي البيجو و ده رغم اني البيجو اقوى من الكورولا
المهم سئلتها ليه قالت لي اصل بحس البيجو ثابته في الارض

**kandella** · 28-10-2014 12:50 PM

المشاركة الأصلية كتبت بواسطة hany63

حيرة ايه يا باشا و الاستطلاع اللي في اول الصفحه البيجو واخده اصوات ٣ اضعاف الكورولا
و بعدين العربيه في السعوديه كماليتها وهم و مش موجوده في النسخه المصري
اتكل على الله العربيه فعلا اكتر من سقف توقعاتك
الاصوات اللي راحت للكورولا عشان عايزين حاجه عمليه توفي بالغرض و مش باصيين للقوه و الفخامه و بالمناسبه انا بامتلك العربيتين و فعلا انا باستعمل الكورولا للحاجات السريعه
امبارح كنت بالكورولا و معايا بنتي الصغيره اللي ولا ليها في العربيات قالت لي بالنص انا يا بابا ببقى مش مطمئنه في الكورولا زي البيجو و ده رغم اني البيجو اقوى من الكورولا
المهم سئلتها ليه قالت لي اصل بحس البيجو ثابته في الارض

اوكى ماشي بس موضوع البنزين 92 بياثر فعلا على الماكينه واخبار توكيلها ايه فى مصر وياريت لو تقولى سعرها كام بمصر عشان احسبها من هنا بعد ماضيف الجمارك واهم شي ياريت تقولى اخبار قوه مكيفها انت عارف هنا الجو حر جدا

**hany63** · 28-10-2014 01:17 PM

تكييف زي الفل انا عمري ما عليته عن ٢٢ لما كانت درجة الحراره ٤٤ عندنا
التوكيل متوسط مش وحش و مش قوي الفكره ان العربيه محدش بيشتكي منها
بتتباع هنا الكامله في التوكيل ب ٢٩٩ الف مفيهاش اي درايف ولا حساسات النقط العاميه ولا حساسات ركن امامي ولا نظام الصوت جي بي ال و سمعت ان الخليجي اللي بتقول ماما و بابا ممكن توصل ل ٣٨٠ الف
البنزين شغال كويس بال ٩٢بدون مشاكل ولا تسقيف و السحب بيه ممتاز
و احنا عاملين بالمناسبه رابطه لملاك العربيه على الفيس و فيه ناس عدوا ال ٧٠ الف بال ٩٢ و العربيه بحالة الزيرو
بس للامانه ال ٩٥ هيخليها انعم و عن تجربه

مشاهدة نتائج الإستطلاع: بيجو 508 بيز لاين 2015 ولا تويوتا كورولا 2015 هاي لاين

الموضوع: القول الفصل. بيجو 508 بيز لاين 2015 ولا كورولا 2015 هاي لاين

LinkBack

أدوات الموضوع

عرض

-

-

-

المواضيع المتشابهه

مساعدة في كورولا 2015 هاي لاين

بيكانتو 2015 هاي لاين ولا سويفت 2015 هاتش باك

بيجو 308 اس دبليو 2014 اوتوماتيك جنوط عاديه ولا بيجو 301 2015 هاى لاين

حد عايز بيجو 301 هاى لاين موديل 2015

بيجو 301 هاى لاين موديل 2015

الكلمات الدلالية لهذا الموضوع

المفضلات

المفضلات

ضوابط المشاركة