الموضوع: القول الفصل. بيجو 508 بيز لاين 2015 ولا كورولا 2015 هاي لاين

المشاركة الأصلية كتبت بواسطة mzaher

ده ظلم يا استاذ هاني انت متابع البيجو من زماان اوي وعارف كل واحد رايه فيها ايه

ما انا كان لازم ادرس كل المواضيع كويس لغاية ما حفظتها عشان ابقى متاءكد من صحة اختياري و اللي رجح الكفه لما لقيت اخواتنا في الخليج على المنتديات بتاعتهم بيشكروا فيها جامد و بيقولوا انها احسن و اقوى من الهوندا اكورد ال ٢٤٠٠ سي سي رغم ان العربيات عندهم اوبن بوفيه اوعدنا يا رب و الجماعه دول ما بيعجبهومش العجب يعني تلقى عربيه ٦ سلندر يقولك الموتور كان المفروض اقوى من كده

على فكرة يا استاز هانى والله والله والله احسن سيارة فى حياتى ركبتها هى ال508 ولكن بدئت اقلق من انى اجمركها فى مصر لا اسباب اهمها الطرق والمطبات ؟ ثانياا موضوع البنزين ال95 واى حد يفتى ويالف ويقولك بنزين 92 يبقى بيستعجل على اجل السيارة ؟ السيارة فخامه مافيش بعد كده ؟ ركوبه فعلاا تتباهى بيها بس علشان تفضل معاك كده على طول لازم تبقى عامل ابونيه فى التوكيل بتاع مصر ؟ فا انا عارف ومتاكد انى هاتروووووق اوى وهاتظبط لو كانت دى سيارتى فى مصر ؟ فابصراحه فكرت ابادلها بتويوتا زيرو مع زميل لى هنا ؟ وريح نفسى ؟ انا اه خسرت كتير فيها هنا لا انها مش مرغوبه اوووى بس اهو احسن ما اتعب طول حياتى ؟ لا ان المواتير التربو دى صيانتها توكيل وبنزينها 95 غير كده انسى ؟ اما التويوتا بصراحه مقدور عليها والشكل الجديد مش وحش باردو اهو واسع من الداخل واقتصادى ولاتربو ولايحزنون واخرها شاشه تاتش وصلى الله وبارك ويالا يالا سفر ماتقلقش اما التربو عاوز ونش لو عطل وده وارد ؟ وعلى فكرة انا مابترقيش ابداا لما قولت كوكو لا انها معروفه وبسيطه وبتقضى الغرض ؟ انا ولاعمرى حتى ها اقدر اجرى بالبيجو 508 200 فى مصر اما هنا فى السعوديه اقدر وممكن اقفل الطبلون كمان وساهر هايصورنى بس مش مهم اما فى مصر موووووووووووووووووووووووت ؟ غير بقى العفشه وتربيطها كل كام كيلو غير الركنه والقلق عليها ؟ اما الكوكو انسى واهى بتقضى الغرض وباردو ركوبه جميله وفى اى وقت اقلب اقلب وبدل اما البيجو مش اى حد هايختارها ؟ لعلك تكون فهمتنى

اه على فكرة ماتصدقش اللى يقولك البيجو 508 احلى من الهوندا اكورد هههههههههههه كلام وبس ؟ الهوندا عربيه ثابته وجودها فى كل مكان فى العالم زى التويوتا بالضبط اينعم قطع غيارها غاليه باردو فى السعوديه بس القطع معمرة والاكورد خصوصاا سيارة بمعنى الكلمه ان كانت هى ولا كامرى من السيارات العاليه جدااااااااااااااااا هنا فى السعوديه وعلشان تصدق كلامى وعن تجربه بكرة تسمع عن البيجو 508 بعد ال70 الف كيلو وخليك فاكر كلامى كوووووويس

وعلى فكرة انا لما قولت ال508 احلى من المرسيدس والباسات الكلام ده مظبوط لا ان الباسات سى سى هنا ب114 الف ريال وبدون فتحه سقف و2000 سى سى وواطيه والفتيس dsgومشاكله طبعاا غير جمارك السيارة فى مصر غير كمان الاوبشنز لما قارنتها مع البيجو لقيت ال508 احلى بكتير خصوصاا ان الموتور كمان 1600 سى سى يعنى هاتفرق فى الجمارك حوالى 175 الف جنيه علشان كده رشحت اللى ياخد ال508 يفضل تكون هاى لاين وللاسف الشديد عرفت انها بتنزل فى مصر هههههه بدون شاشه وبدون الاى درايف ووجنط 17 وحاجات كتير بس مش فاكرها ؟ عرفت ليه ااؤيد كورولا وبشده كمان دلوقتى بيجو 508 اما على المدى الطوووووويل كوكو كوكو كوكو كوكو كوكى زى ماتحب سميها

ورداا على ان الخلجيين مابيعجبهمش العجب ؟ احب اقولك الفلسفه اتغيرت والفضل يرجع لساهر اللى بيخلى بعضهم عليه مخلفات بتوصل بالا الاف المؤلفه وكمان بتتضاعف علشان السرعهفمن الاخر كده الفلسفه بقت نصفين نص مؤيد وبيحب الكورى ( السيراتو - هيونداى الالنترا - وجنييسس- والااوبتيما-والاكسنت-) والنص التانى(كامرى - اكورد -اوريون- ) والفئه الى مابين دول ودول _سوناتا - وتشارجر- وكرايسلر ؟ وبس اما العائلات ( الجيب الفورد بجميع انواعه- التويا لاند كروزر - انوفا - وجيمس والامريكى بصفه عامه ودمتم ؟ اما فى المحروسه اللى ربنا يباركلنا فيها البنزين كل يوم بحال وزمن الصناعيه اللى تحت السلم واللى فى الشوارع انتهى وكلها بقت على مراكز صيانه وتوكيلات وربنا مايوريك ؟ عرفت ليه يا استاز هانى ؟ انى لازم لازم لازم اقلب البيجو 508 ؟ وعموماا هى وجهات نظر

المشاركة الأصلية كتبت بواسطة chef

ورداا على ان الخلجيين مابيعجبهمش العجب ؟ احب اقولك الفلسفه اتغيرت والفضل يرجع لساهر اللى بيخلى بعضهم عليه مخلفات بتوصل بالا الاف المؤلفه وكمان بتتضاعف علشان السرعهفمن الاخر كده الفلسفه بقت نصفين نص مؤيد وبيحب الكورى ( السيراتو - هيونداى الالنترا - وجنييسس- والااوبتيما-والاكسنت-) والنص التانى(كامرى - اكورد -اوريون- ) والفئه الى مابين دول ودول _سوناتا - وتشارجر- وكرايسلر ؟ وبس اما العائلات ( الجيب الفورد بجميع انواعه- التويا لاند كروزر - انوفا - وجيمس والامريكى بصفه عامه ودمتم ؟ اما فى المحروسه اللى ربنا يباركلنا فيها البنزين كل يوم بحال وزمن الصناعيه اللى تحت السلم واللى فى الشوارع انتهى وكلها بقت على مراكز صيانه وتوكيلات وربنا مايوريك ؟ عرفت ليه يا استاز هانى ؟ انى لازم لازم لازم اقلب البيجو 508 ؟ وعموماا هى وجهات نظر

اشكرك جزيلا علي ردك المهم فعلا
اؤيدك الراي انا فعلا لو في بلد تانيه غير مصر كنت فكرت في عربيات تانيه خاااالص وكان ممكن تكون 508 من اختياراتي
ولكن بما اني قاعد في المحروسه فمن الضروري التفكير في سياره تستحمل البهدله وكفايه البنزين المصري علي رايك
بالاضافه الي التوكيل وتوافر قطع الغيار وانتشارها من العوامل المهمه في الاختيار..

موفق ان شاء الله وترجع بالف سلامه....تحياتي

المشاركة الأصلية كتبت بواسطة hany63

ده كان راءي chef في مداخله قبل كده

هههههههههههههه بعد البيجو 508 مافيش عربيه ولو بجد فارس وتمام انصحك تاخد الهاى لاين جامده جدااااااااااااااا اما الستروين والبى ام والباسات والخ الخ ؟ اركن على جنب ؟ الفئه الخامسه من الاسد الفرنسى وبخ على كده ؟ دى نصيحتى والامر لله من قبل ومن بعد


و ادي الموضوع كاملا

http://www.nilemotors.net/nile/337234-508-4.html

ايدك على ١٠٠ جنيه

بالمناسبه. .. هتقابلني فين علشان تديني ال 100 جنيه يا استاذ هاني ؟؟

المشاركة الأصلية كتبت بواسطة mzaher

بالمناسبه. .. هتقابلني فين علشان تديني ال 100 جنيه يا استاذ هاني ؟؟

هههههههه
المكان اللي تقول عليه
بس الاخ شيف بيغير راءيه بسرعة الصاروخ هيا يا تبقى احسن من المرسيدس و البي ام يا اما الكورولا برقبتها
على العموم احنا عاملين رابطه لملاك البيجو ٥٠٨ على الفيس بوك و بنساعد بعض في اي استفسار او ملحوظه تتعلق بالعربيه و اماكن صيانتها و معانا ناس معديه ال ٧٠ الف بالبنزين ٩٢ اللي المفروض الموتور هينفجر عندها و لحد دلوقت مفيش اي مشكله جوهريه تتعلق لا بالوكيل و لا بالبنزين زي ما اخونا شيف قال
و عن تجربه النزول من باسات رغم الفتيس الزباله للهوندا اللي هنعتبرها زي الكورولا و اعلى منها اعتماديه لو جبتها زيرو هيحصل صدمه جامده بسبب افتقاد احساس ال premium و قوة الموتور و التسارع