ليه السيارات الكورى سعرها زى اليابانى"""؟؟؟ مع اختلاف الجودة والعراقة"""

**slim_shika** · 25-08-2009 06:49 PM

المشاركة الأصلية كتبت بواسطة abo samra

يعنى الكيا فى امريكا خارجه من مصنع ماذدا امريكا
على كدا الماذدا فى امريكا طالعه من كيا امريكا

أستاذ أبو سمرة ، معلش مش فاهم ، ديه نكتة ولا حضرتك بتصلحلي؟؟؟
و لو إنت بتستهزأ بكلامي ، يبقى أنا أسف اني برض عليك دلوقتي .

هو بصراحه دى وجهة نظرك بس انا مش معاك خالص فيها
يعنى تشترى هوندا اكورد ومتجبش e class
مع انى ال e class فئه اعلى من الاكورد وكمان مرسيدس بنز
على فكره العربيتنين مش ينفعوا يتقارنوا مع بعض خالص
الاكورد ممكن تتقارن مع الفيكترا والباسات والكامرى
انما e class !!!!!!!!!!!!!!!

حضرتك مسكت في المثال اللي أنا قلتو اللي بيعبر عن وجهة نظري بس لكن أنا مؤلتش إن الاكورد أحسن من E-Class ولا باقارن بينهم ، مش فاهم بردو ازاي وصلتك كدة؟؟؟؟؟

الكورولا الجنوب افريقى بجودة تويوتا وتوقيعها واعتماديتها وبكل الاوبشنز اللى فيها وفارق السعر الكبير بينها وبين الالنترا تختار الالنترا علشان كورى
بصراحه وجة نظر غريبه جدا

شوف يا أستاذ أبو سمرة ، هديك مثال صغير و يا رب تفهم قصدي صح ، خالي معاه كورولا ٢٠٠٥(ياباني) عامل بيها ٥٤٠٠٠ كيلو راح التوكيل ٦ مرات ، و عومره مغير أي حاجة غير زيت و فلتر ، (طبعاً دة مش مقياس ) بس يا ترى حضرتك تقدر تقول على الكورولا الجنوب أفريقي انها بعد ٣٠٠٠٠ كيلو مش هتغير حاجة؟؟؟؟ (اشك )

أنا حاولت أرد على حضرتك بموضوعييه، و من غير ما أقلل من رأيك ولا منك ، و لو أنا أو أي حد مش عاجبه الكورلا الجديدة ديه حاجة متزعلكش ديه أراء ، و على فكرة أنا جربتها و مشيت بيها شوية حلوين ، العربية ديه جميلة جداً بس مش أحسن بكتير من اخوتها اللي من كوريا (رأي شخصي )
و رمضان كريم .

**abo samra** · 27-08-2009 02:02 PM

المشاركة الأصلية كتبت بواسطة slim_shika

أنا حاولت أرد على حضرتك بموضوعييه، و من غير ما أقلل من رأيك ولا منك ، و لو أنا أو أي حد مش عاجبه الكورلا الجديدة ديه حاجة متزعلكش ديه أراء ، و على فكرة أنا جربتها و مشيت بيها شوية حلوين ، العربية ديه جميلة جداً بس مش أحسن بكتير من اخوتها اللي من كوريا (رأي شخصي )
و رمضان كريم . :e_braces[1]:

بالنسبه انى بستهزا بكلامك انا مش ده اسلوبى وما اعرفش اساسا انك غلطت بقصدك ولا غصب عنك
وافتكرت انك بتتكلم جد
عموما حصل خير

ثانى حاجه علشان اقتنع برايك انها مش احسن من اخواتها اللى من كوريا ياريت توضحلى اخواتها من كوريا يتفوقوا عليها فى ايه بالظبط!!!!!!!!!!!!
مع العلم اننا عندنا اخوات ليها من كوريا برده وعارف الفرق بينهم كويس جدا

بالنسبه للاعتماديه انا عربيتى عامله 39 الف كيلو وما فيش اى نوع من المشاكل قابلتها فى العربيه اطلاقا
وعلى فكره الكورولا اللى معايا تبع تويوتا برده والشكل القديم تبع تويوتا
الشكل الجديد اكيد اكثر تطورا من القديم سواء اداء -تكنولوجى- اعتماديه-رفاهيه..........الخ
مش فاهم يا اخى انت بتبنى كلامك على اى اساس
اهل هناك ادله او طريقه تقدر تقنعنى بيها ولا هتقول اشك وراىء شخصى وخلاص
ورمضان كريم
تحياتى

**Ahmed.TV** · 08-09-2009 02:43 AM

انا بعتبر ان الكورى بقا مطلوب فى الاسواق العالمية وخصوصا فى مصر بسبب الازمة الاقتصادية لان الكورى فيه كماليات كتيرة وبسعر باتلنسبة الى اليابانى قليل اذا كان فيها نفس الكماليات , ونقطة تانية وهى قطع الغيار لان الكورى ارخص من اليابانى عشان الجمارك على الكورى والصينى مش زى الجمارك اللى بتكون على اليابانى والاوروبى , وعشان كدا الكورى انتشر فى العالم وخصوصا كمان فى مصر وبقا بيحقق مبيعات كويسة , بس بردوا اليابانى بقطع غياره الغالية حيفضل سمعته عالية جدا ومعمر جدااااااا

**tutankhamoun** · 12-09-2009 10:12 AM

المشاركة الأصلية كتبت بواسطة foxxx

على فكرة السيارات فى مصر اللى فى حدود ال100 الف كلها صنع فى مصر فمع المنافسة مع الحرص على دناوة و جمال المنتج كل العربيات بقت زى بعضها يعنى مفيش كورى ولا سورى

هي فين العربيات اللي مصنوعة في مصر دي ؟؟؟

هيونداي ماتركس ....... كوري ...... تقفيل تركي .
هيونداي نيو أكسنت .......... كوري و تقفيل كوري .
هيونداي إلنترا ........... كوري .

كيا سيراتو .... القديمة و الجديدة ....... كوري .
كيا ريو ........ كوري .

تويوتا ياريس ..... ياباني .
لانسر ....... ياباني .

بروتون جين 2 ........... ماليزي .
بروتون واجا ............ ماليزي .

رينو لوجان ....... مغربي ...... و روماني .
رينو سيمبول ....... روماني .
رينو ميجان ( دي فوق 100 ألف ) ....... تركي .

الحاجات المصنوعة في مصر :
شيفروليه لانوس ........... كوري تجميع مصري .
دايو نوبيرا ..........تجميع مصري .
فيرنا .......... تجميع مصري .
أسبرانزا ........... تجميع مصري .
شيفروليه أفيو ....... تجميع مصري .
نيسان صني و نيسان تيدا .......... تجميع مصري .
مرسيدس ( مش فاكر الموديل ) ....... تجميع مصري .
بي أم دبليو .............. تجميع مصري .

بُص يا أخي الفاضل
اللي أشترى فيرنا .......... مدفعش فيها 100 ألف جنيه مثلا و هي تستاهل أقل ( مع أن ثمنها شايفه غالي شوية بسيطة عليها )

هو أشترى عربية رخيصة و أي عربية في معدل السعر ده ...... هاتلاقيها بنفس الخامات تقريبا .
و عندك الياريس الياباني و الكيا الريو الكوري ......... خامتهم عادية ......... و دول مش مصري .

و كمان أنا شايف أن النيسان صني مثلا ..... تجميع مصري و لكنها أفضل من حاجات جاية من بلادها الأصلية مما يدل على أن التجميع المصري و المكونات المصري اللي فيها حلوة ....

أحنا بس اللي متعقدين من المصري و خلاص ..........
لازم نأخد بالنا أن الذم في صناعة البلد و خلاص بدون دلائل مش كويس على الأقتصاد
لازم يكون عندنا شوية ثقة في نفسنا ........ مش هاتبقى قلة الثقة محاوطانا من كل ناحية .

**Ibrahim88** · 12-09-2009 02:59 PM

[quote=
[color=darkorchid]نيسان صني و نيسان تيدا .......... تجميع مصري .[/color]

التيدا مش تجميع مصري

**eng.octooo** · 17-09-2009 08:53 PM

بص دلوقتى اهم حاجة اختبارت السلامة واسم الشركة مش اكتر

**slim_shika** · 19-09-2009 02:42 AM

المشاركة الأصلية كتبت بواسطة eng.octooo

بص دلوقتى اهم حاجة اختبارت السلامة واسم الشركة مش اكتر

+1
بلد الصنع والتقفيل بعد كدة ، اللي هيترتب عليهم الاعتمادية والعمر الافتراضي .

**SAMEH_FOUAD** · 19-09-2009 08:15 PM

ياجماعة الكورى مش وحش وسيارات كويسة وفعلا اتغير عن زمان كل دة متفقين علية ودة معلش بقى الكلام دة اخر الموضوع

الكورى اللى عايز يشتيرها يبقى بيدور على سيارات كويسة فيها وسائل الراحة واسعة شكل جميل ,مواتير سريعة ,قطع غيار رخيصة وكل دة للى معاة 100 الف جنية او اقل لازم يدور فى الكورى
اليابانى :سيارات جميلة جدا ,واسعة ,مواتير شديدة ,تقفيل ممتاز ,قطع غيار غالية بس معمرة جدا ,خامات كويسة,عوامل الامان كتير وان ماكنش فى اغلب السيارات ,شكل جميل طبعا للى معاة فوق ال 100الف جنية لازم يفكر فى اليابانى
يبقى كدة نوصل ان الكورى سيارات كويسة جدا ومتقدمة تكنولوجيا بردة ,بس يعيبها انها مش بتتتحمل زى اليابانى دة غير ان اليابانى ثباتة اعلى وجودة خامات وتقفيل اكتر
واللى عايز يقارن يقارن سيارة كورى جاية من كوريا ,وسيارة يابانى جاية من اليابان ويتفرج هيبقى الحسم لمين

وبعدين معلش بجميع الاحوال محدش يقارن الانترا بالتويوتا حرام والله ياجماعة ,انا لو معايا النترا اكيد طبعا هاتمنى اجيب كورولا
مش العكس ابدا
ودة مايعيبش الالنترا ابدا بس دية حاجة ودية حاجة واوبشن واوبشن تانى خالص ,والسيارة عمرها ماكانت شكل وبس او حتى اوبشن فى حاجات تانية كتير تخليك تحب العربية وحاجات تكرهك فيها