الموضوع: ليه السيارات الكورى سعرها زى اليابانى"""؟؟؟ مع اختلاف الجودة والعراقة"""

المشاركة الأصلية كتبت بواسطة abo samra

الف مبروك على الماذدا 3 يا استاذ justs وربنا يباركلك فيها
انا مع حضرتك طبعا الكورى فعلا بيتقدم بس فعلا لسه لم يصل الى مستوى اليابانى !!!!!!!
السيراتو الجديده من الامام هوندا ومن الخلف لكزس is والتقليد واضح جدا
انما الماذدا 3 احلى تصميم فى الفئه دى من وده راىء شخصى- يعنى العربييه دى تبصلها من اى زاويه تلقيها جميله جدا -
المفاجاه بقا انى مش عاجبنى خالص شكل الماذدا 3 الجديده من اى زاويه مش عارف ليه ومع ذلك الناس كلها بتقول شكلها جامد وفيه واحدة جارتنا اشترت واحده لونها احمر وحاسس ان شكلها مش متناسق خالص
دى برده راىء شخصى علشان محدش يزعل

يا باشا ربنا يبارك فيك ...
وعلى فكرة فرق الكوري عن الياباني مش بس في التصميم .. ده دي اقل حاجة .. لكن الأهم ان فيه فروق واضحة جدا وفعلا شاسعة في جودة الخامات ونظام التعليق والثبات والموتور والتقفيل والعمر الأفتراضي .. ورغم ان فيه ناس بتجادل في ده .. الا اني حاسس انهم من جواهم عارفين ان ده الواقع لأنه واضح لأي انسان حتى لو كل خبرته في العربيات انه بيعرف يسوق ..

بالنسبة لتصميم المازدا الجديد هوه فعلا مش عاجبني انا كمان وعلى فكره كان نازل وموجود لما اشتريت عربيتي من اقل من شهر وأنا فعلا فضلت الشكل اللي معايا عن اللي نزل جديد .. وواكتر من تسعين% من اللي اخدت رايهم قالولي الحق هات الشكل ده . وكمان دخلت على منتديات بره اشوف راي الناس بره لقيت أن الغالبية العظمى غير معجبه بالشكل الجديد وبيقولو أن الشكل اللي قبله أجمل بكتير وله شخصية مستقلة فعلا ورياضي اكتر .. وعموما هو اللي اختلف الشكل بس والعربية هي هي في كل حاجة لأنها أصلا كانت سابقة عصرها بسنين ولسه سابقة ، وفي النهاية الشكل ده اذواق .. وعلى فكره غالبا الشكلين هيستمروا مع بعض نظرا لرد فعل محبي مازدا على الشكل الجديد والله اعلم ، المهم في النهاية بالنسبة لي لم يعجبني الشكل الجديد اطلاقا والحمد لله اني جبت الشكل اللي معايا وكمان ربنا كرمني وجبت اللون الؤلؤي وفعلا شكل العربية في اللون ده فارق جدا عن اي لون في المازدا3 وأنا الحمد لله مبسوط بيه جدا وفعلا سعيد جدا باختياري وكله بفضل الله ورزقه ... ما شاء الله ، الله أكبر ، ولا قوة الا بالله العلي العظيم

تقبل تحياتي

المشاركة الأصلية كتبت بواسطة som3aa

2010 kia forte | new kia sedans - yahoo! Autos

2009 mazda mazda3 | new mazda sedans - yahoo! Autos

هما دول الناس اللي عندهم موضوعية في تقييم السيارات . يعني مقيمين السيراتو نفس تقييم المازدا ونفس السعر.

معندهمش حاجة اسمها ده ياباني وده كوري . ( كلام للهروب من الواقع )

المشاركة الأصلية كتبت بواسطة maximo

انا اختلف فى الراى مع الكابتن اللى بيقول ان اللانترا افضل من الياريس

ده عادي ..... الأختلاف لا يفسد للود قضية و ده رأيك لازم نحترمه طبعا ...... و لكن هايفضل رأي و ليس حقيقة واقعة .
ولو حضرتك بتتكلم عن الكوري .... أيه رأيك في الدايو اللانوس ....... ( نفس فئة الياربس لأن الإلنترا فئة الكورولا ) ؟؟؟؟

دا كلوا علشان السعة اللترية , بص للقوة والسحب والعمر الطويل للعربية والجودة والتبريد والتكييف وحاجات كتيرة تانية

كل ده في الهيونداي ......... أكثر من رائع ....... و إلا يبقى حضرتك مركبتش هيونداي ..... ( على فكرة أنا عمري ما أمتلكت واحدة و لكن دي تجربة أقاربي و أصحابي مع الدايو و الهيونداي إلنترا بعد سنة 2000 )

يعنى هات عربية هونداى موديل 2000 واستعمال نظيف وهات عربية كورولا موديل 1995

هو أيه من هيونداي كان موجود في السوق المصري ساعتها ؟؟؟
الأكسنت ...... و الأكسل ....... و الإلنترا القديمة ........
و هيونداي في الفترة دي من 2000 لغاية الآن في تقدم مستمر ...... و أصبحت من كبرى الشركات العالمية في صناعة السيارات و سيارتها بتفوز يجوائز في أمريكا ( الصهيونية ) .
و نفس المثال
هات عربية ياباني موديل 1980 و عربية فيات أو عربية أوروبي موديل 1970 و شوف الفرق بعينك
مفيش حد قاعد من غير تطوير ....
اليابان أتطورت جامد في العربيات عن فترة السبعينيات و الثمانيات اللي أوروبا كانت أفضل منها بمراحل فيها .

واستعمال نظيف واركب الاتنين وشوف فرق القوة والسحب والسرعة وعندك اللانترا عزمها 140 نيوتن والياريس 135 نيوتن مع ان الياريس 1300 سى سى

هو مين قال لحضرتك على المعلومة دي ؟؟؟؟؟؟؟؟؟
مفيش عربية 1300 سي سي من غير توروبو تطلع العزم ده
عزم الياريس هو 121 نيوتن - متر ........... و 86 حصان عند 6000 لفة - دقيقة
و الإلنترا عزمها 150 نيوتن مش 140 .......................... إذا كان أنا عندي في الجين 2 العزم 148 نيوتن - متر .
و لو مش مصدق ....... أتفضل أدخل على موقع تويوتا ...... و أقرأ بنفسك .

ولكن الياريس 1500 سى سى عزمها 155 نيوتن الكورى عمره ما هيوصل لليابانى وفى الاخر مصر عندنا كوسة فى الاسعار فى السعودية الياريس 1300سى سى اقل فئة ب 42000 ريال واللانترا 1600 سى سى فل اوبشن ب45000 ريال

أما الياريس 1500 عزمها هو 140 نيوتن - متر فقط لا غير ........ بصراحة مش عارف حضرتك أرفقت الأرقام دي منين

أنا أرقامي أرفقتها من موقع تويوتا ............. أتفضل أدخل و دور بنفسك علشان تتأكد أني مش غلط .


و فيه فرق كبير في الإلنترا و الياريس .......
أولا فرق الفئة ........... الإلنترا فئة الكورولا بسعر الياريس .
ثانيا فرق الحجم ........ حجم الإلنترا كصالون أكبر ... و أوسع ...... و شنطة أكبر ...... و سعر إلى حد ما معقول بعكس الياريس .
ثالثا فرق الموتور ...... موتور الإلنترا أفضل و أنعم و أقوى و عزمه أعلى بكتير كما وضحت سابقا .
الياريس هي السيارة التي تدخل بها تويوتا السوق مخاطبة الشباب قليل الميزانية ( مش في مصر علشان التوكيل بيسعرها زي العربيات الكبيرة ) .... و لكن ثمنها في أمريكا هو 85 ألف جنيه مصر لأعلى فئة في موتور 1500
و الإلنترا هناك بتدخل في فئة حوالي 100 ألف جنيه مصري ......
الأرقام من على موقع ياهو لأسعار السيارات الحالي في السوق الأمريكي ......

شوفت الفروق كتيرة ازاي ...... آه نسيت أهم فرق الناس معتبراه فرق
أن الياريس صناعة اليابان .......... و الالنترا صناعة كوريا الجنوبية اللي فازت كأفضل سيارة في عام 2008 تقريبا في الولايات المتحدة الصهيونية .

و رمضان كريم .